Вобаста ба моҳияти Фармони Президенти Ҷумҳурии Тоҷикистон аз 3-юми августи соли 2021, таҳти №222 “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” аз ҷониби ҳуқуқшиноси асосии дастгоҳи Раиси Раёсати “Амонатбонк” Юсупов Б.Г., бо кормандони филиалҳои КВД БА ҶТ “Амонатбонк” дар вилояти Хатлон ва минтақаи Рашт вохурӣ гузаронида шуд.

Зикр гардид, мақсад ва вазифаи асосии амалисозии Стратегияи мазкур аз баланд бардоштани маърифати зиддикоррупсионии аҳолӣ ва фароҳам овардани фазои тоқатнопазирӣ ба коррупсия, бартараф намудани сабабу шароитҳои ба коррупсия мусоидаткунанда ва дар маҷмуъ, паст намудани шиддати коррупсия дар Ҷумҳурии Тоҷикистон иборат буда, барои инкишофи арзишҳои демократӣ ва баланд бардоштани сатҳи некуаҳволии мардум равона карда шудааст.

Ҳамзамон қайд гардид, ки воситаи асосии таъмини муборизаи ошкоро бар зидди коррупсия, ин тақвияти шаффофияти фаъолияти кормандони филиалҳо, инчунин таъмини дастрасӣ ба иттилоот, гузаронидани чорабиниҳо барои таъсиси фазои умумии тоқатнопазирӣ нисбат ба зуҳуроти коррупсия, баланд бардоштани фаъолнокии кормандон ҷиҳати мубориза бо коррупсия ба ҳисоб меравад.

Вобаста ба тартиб ва дар амал иҷро намудани нақша чорабиниҳои Корхонаи воҳиди давлатии “Бонки амонатгузории Ҷумҳурии Тоҷикистон “Амонатбонк”” оид ба Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” барои соли 2023, аз кормандони филиалҳои “Амонатбонк” ҷиҳати иҷрои сифатнок ва саривақтии бандҳои нақшаи мазкур таъкид ба амал оварда шуд.

Шуъбаи матбуоти КВД «Бонки давлати амонатгузории Ҷумҳурии Тоҷикистон «Амонатбонк»