Агентии стандартизатсия, метрология, сертификатсия ва нозироти савдо- «Тоҷикстандарт» аз мардум хост, ки ҳангоми ошкор шудани молу маҳсулоти бесифат ва мӯҳлати истифодаашон гузашта ба Агентӣ муроҷиат намоянд.
Агентии мазкур бо ин мақсад суроғаи  расмии Агентии «Тоҷикстандарт» дар шабакаи иҷтимоии Facebook: fb.me/tojikstandart, дар Instagram: www.Instagram.com/standard.tj ва рақами Viber-ии 988 -50-22-22 фаъол кардааст.
Сокинони мамлакат дар ҳолати ошкор кардани молу маҳсулоти пастсифат ва муҳлати истеъмолашон гузашта метавонанд бо суроғаҳои мазкур ба Агентии «Тоҷикстандарт» муроҷиат намоянд.

Муҳаммадюсуф Имомзода-ректори Донишгоҳи миллии Тоҷикистон соли 2017-ро барои ҳайати омӯзгорон ва кормандону донишҷӯёни ин мактаби олӣ соли пур аз муваффақият арзёбӣ намуд. Мавсуф гуфт, ки ДМТ дар рейтинги донишгоҳҳои олии кишвар оид ба муайян кардани беҳтарин муассисаҳои таҳсилоти олии ҶТ бо гирифтани 249 хол сазовори мақоми 1-ум шуд. Имомзода зимни суханронии хеш дар нишасти матбуотии 23.01.2018 таъкид дошт, ки соли 2017 маоши омӯзгорону кормандони донишгоҳ дар ҳаҷми аз 5 то 30% вобаста ба унвони илмӣ баланд бардошта шуд.
-Боиси ифтихор аст, ки хонандаи синфи 9В-литсейи назди ДМТ Ёсуман Исмонзода дар озмуни «Кӯдакони нобиға-2017» ғалаба ба даст оварда, соҳиби ҷои аввал шуд. Бо назардошти соҳиб гаштани ҷои аввал дар олимпиадаи байналмилалии арифметикаи зеҳнӣ-«Кӯдакони нобиға-2017»-и ш.Маскав ба Ёсуман «Ифтихорнома»-и ДМТ супорида шуда, ӯ аз пардохти минбаъдаи таҳсил барои синфҳои 9, 10 ва 11 озод гардид-иброз дошт ректори ДМТ.
Бояд қайд намуд, ки алҳол дар 117 кафедраи донишгоҳ 1528  омӯзгор, аз ҷумла, 13 академики АИ ҶТ, 152 нафар доктори илм, 515 нафар номзади илм барои пешбурди фаъолияти таълимию методӣ ҷалб шудаанд, ки аз онҳо 1255 тан ба ҳайси омӯзгори доимӣ машғул ба коранд. Шумораи донишҷӯёни ДМТ 23 983 нафарро ташкил медиҳад, ки аз ин теъдод 7490 нафар дар гурӯҳҳои буҷавӣ ва 16 493 нафар дар гурӯҳҳои шартномавӣ таҳсил мекунанд.
Дар соли 2017 ҳайати устодону кормандони ДМТ роҷеъ ба 56 самт, 107 масъала ва 111 мавзӯҳои кафедравӣ корҳои илмӣ-тадқиқотӣ бурдаанд. Дар баробари ин олимони донишгоҳ аз рӯи 24 лоиҳаи илмии ҷумҳуриявӣ бо маблағи 1 600 000 сомонӣ, 2 гранти байналмилалӣ бо маблағи зиёда аз 200 000 доллари ИМА корҳои илмӣ-фармоиширо роҳандозӣ кардаанд.

СССР

Мувофиқи ин фармони президенти мамлакат Эмомалӣ Раҳмон «Дар бораи эълон намудани мораторий ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолӣ», ки 16.01.2018 ба тасвиб расид, ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолӣ, ба истиснои санҷишҳои нақшавии Агентии назорати давлатии молиявӣ ва мубориза бо коррупсия, Бонки миллии Тоҷикистон, Прокуратураи генералии Ҷумҳурии Тоҷикистон, Палатаи ҳисоби Ҷумҳурии Тоҷикистон ва Кумитаи андози назди Ҳукумати Ҷумҳурии Тоҷикистонба мӯҳлати 2 сол мораторий эълон карда шуд. Бино ба итиллои расмӣ, мақсади аз эълон намудани мораторий ин дастгирии давлатии соҳибкорӣ дар соҳаи истеҳсолӣ буда, он барои таҳкими иқтидори саноатию содиротии ҷумҳурӣ, кам намудани санҷишҳо ва фароҳам овардани фазои шаффоф ва мусоиди соҳибкорию сармоягузорӣ дар ҷумҳурӣ мусоидат менамояд.

Бо қарори президенти ҶТ Эмомалӣ Раҳмон аз 20.01.2018 номи 1 қатор шаҳру ноҳия ва деҳаҳои вилояти Хатлон иваз карда шуд. Дар асоси қарори мазкур номи ш.Қӯрғонтеппа ба ш.Бохтар, ш.Сарбанд ба ш.Леваканд, н.Бохтар ба н.Кӯшониён, шаҳраки Восеъи н.Восеъ ба шаҳраки Ҳулбук, деҳаи Қурбоншаҳиди деҳоти Гулистони н.Восеъ ба Меҳробод, деҳаи Шота Руставелии деҳоти Ситораи Сурхи н.Ёвон ба деҳаи Саргаҳ, деҳаи Тошохӯри деҳоти ба номи Ҳасан Ҳусейнови н.Ёвон ба деҳаи Боғдара ва деҳаи Будинободи деҳоти Гулсара Юсуфоваи н.Ёвон ба деҳаи Зарриндашт иваз карда шуданд.
Ин қарор мутобиқи моддаи 19 Қонуни конститутсионии Ҷумҳурии Тоҷикистон «Дар бораи тартиби ҳалли масъалаҳои сохти марзиву маъмурии Ҷумҳурии Тоҷикистон» ба тасвиб расида барои баррасӣ ба Маҷлиси миллии Маҷлиси Олии Ҷумҳурии Тоҷикистон фиристода шуд.
 

Рамзи “Соли рушди сайёҳӣ ва ҳунарҳои мардумӣ” тасдиқ шуд. Рамзи “Соли рушди сайёҳӣ ва ҳунарҳои мардумӣ” доирашакл буда, атрофи он бо ҳалқаҳои ҳамранги парчами давлатӣ иҳота карда шудааст. Дар гирдогирди рамз бо забонҳои тоҷикию англисӣ матни «2018 Соли рушди сайёҳӣ ва ҳунарҳои мардумӣ» навишта шуда, он ифодакунандаи моҳияти рамз мебошад. Истифодаи матн бо забони англисӣ барои тарғиби ташаббуси мазкур байни сайёҳон ва кишварҳои хориҷӣ мебошад.
Бино ба итиллои расмӣ, дар миёни рамз кӯҳҳои осмонбӯсу сарбафалаки Тоҷикистон акс ёфта, дар болои яке аз қуллаҳои кӯҳ рамзи гардиши абадӣ, ки дар ҳунарҳои мардумӣ васеъ истифода мегардад, ҳамчун хуршеди тобон нақш гирифтааст.
Рамз ҳамчунин обҳои софи ҷумҳуриро дар худ инъикос карда, расми сайёҳ ва нусхаи офтоба, ки ҳамчун нишони ҳунарҳои мардумӣ мебошад, бозгӯи рушди соҳаи сайёҳӣ, эҳё ва дастгирии ҳунарҳои мардумӣ дар кишвар мебошад.

После инцидента, который произошел 9 января 2018 у Представительства МВД РФ по миграции в РТ, мы решили встретиться с главой этого представительства в нашей стране Владиславом Маркевичем и узнать у первоисточника, что на самом деле произошло в тот день. Также наших читателей интересовали вопросы реализации данной Государственной программы содействия добровольному переселению соотечественников в Российскую Федерацию, кто может принимать участие в ней и какие регионы предпочитают таджикистанцы.

Президенти Тоҷикистон Эмомалӣ Раҳмон дар ҷаласаи ҳукуматии рӯзи 18.01.2018 фармони барканории генерал Абдуфаттоҳи Ғоиб аз мақоми сардори Хадамоти гумрук ва Абдусалом Қурбониёнро аз маснади садри Вазорати молия имзо кард.
Имрӯз, 19 январ ба кормандони гумрук собиқ муовини аввали А.Ғоиб Хуршед Каримзодаро ба ҳайси раҳбари нав муаррифӣ кардаанд. Хуршед то кунун муовини аввали сардори Хадамоти гумрук буд ва рутбаи генерал-майори гумрукро дорад. 19 январ бо фармони президент Абдусалом Қурбониён низ аз мақоми вазири молия барканор гардида, ба ҷои ӯ Қаҳҳорзода Файзиддин Саттор омад.

Роҳиоҳанчиёни Тоҷикистону Ӯзбекистон барои дубора барқарор намудани қитъаи роҳи оҳани Амузанг-Хатлон корҳои омӯзиширо сар кардаанд.
Ин қитъаи роҳ, ки 5 сол сол пеш барҳам дода шуда буд, яке аз роҳҳои асосии воридоту содироти молу маҳсулот ба вилояти Хатлони кишвар тариқи роҳи оҳан ба ҳисоб рафта, ҳамакнун он дубора таҷдид гашта, ҳаракати қатора дар ин масир оғоз шавад.
Бино ба итиллои аз маркази матбуоти КВД «Роҳи оҳани Тоҷикистон» расида, ширкати роҳи оҳани кишвари ҳамсоя Ӯзбекистон инчунин барои рафтуомади қатораҳои Тоҷик дар ҳудуди хеш сабукиҳо пешниҳод кардааст.

СССР