31.01.2019 дар толори Раёсати кор бо ҷавонон ва варзиш вил.Хатлон нишасти матбуотӣ баргузор гардид. Абдуллозода Фариза-сардори ин ниҳод ба суолҳои хабарнигорон посухҳои мушаххас дода гуфт, ки шумораи ҷавонон дар вилоят 1.083.008 нафарро ташкил медиҳад, ки нисбати с.2017 2002 нафар зиёд шудааст. Боиси қайд аст, ки дар с.2018 1305 ҷиноят аз ҷониби ҷавонон содир шуда, 80% даст ба ҷинояти дуздӣ задаанд.
Баҳодур Уроқов СССР вилояти Хатлон
Дар доираи татбиқи Нақшаи генералии ш.Душанбе аз ҳисоби заминҳои н.Рӯдакӣ дар масоҳати 7 659 га ба ҳудуди пойтахт ворид карда шуда, дар ояндаи наздик теъдоди сокинони ш.Душанбе ба 162 ҳазору 405 нафар афзоиш хоҳад ёфт. Дар ин бораи имрӯз зимни нишасти матбуотӣ Маҳмадсаид Зувайдзода, муовини аввали раиси ш.Душанбе ба намояндагони воситаҳои ахбори омма хабар дод.
Бино ба иттилои Маҳмадсаид Зувайдзода, қарорҳои марбута вобаста ба ин масъала алакай ҳам аз ҷониби Ҳукумати ҶТ ва ҳам раиси ш.Душанбе ба тасвиб расида, ҳудуди пойтахт аз ҳисоби ҷамоатҳои деҳоти Чоряккорон, Сарикиштӣ, Гулистон, Чортеппа, Чимтеппа ва «Россия» васеъ карда мешавад. Пас аз васеъшавӣ ҳудуди пойтахт 20 ҳазору 318 га-ро ташкил хоҳад кард.
СССР
Бахшида ба ҷашни 30-солагии Истиқлолияти давлатии ҶТ дар ш.Душанбе бунёди 21 муассисаи таълимӣ бо 18 ҳазору 594 ҷойи нишаст, 74 корхонаҳои саноатӣ бо таъсиси беш аз 6000 ҷойи нави корӣ, 24 сартарошхона ва кошонаи ҳусн, 133 бинои баландошёна, таъмиру таҷдиди 121 хобгоҳҳо ва рангубори 2 224 биноҳо пешбинӣ гардидааст.
Бино ба иттилои Маҳмадсаид Зувайдзода, муовини аввали раиси ш.Душанбе, дар дораи омодагиҳо ба ин ҷашни тақдирсоз ва амалӣ намудани нақша-чорабиниҳо дар пойтахт баргузории 4095 чорабиниҳои гуногуни ҷашнӣ ба назар гирифта шуда, ин чорабиниҳо аз ҷониби шахсони эҳсонкор ва идораву ташкилотҳо гузаронида хоҳанд шуд.
Ситорабону Боқиева, коромӯзи СССР
Салом, СССРи гиромӣ ва мардумӣ! Ман модари 4 фарзандам. Шаҳодатномаи 3 фарзандам гум шудааст. Барои барқарор кардани ҳуҷҷати кӯдаконам борҳо назди Бахтиёр Қурбонзода-мудири бахши САҲШ-и ноҳия рафтам. Он ҷо Зуҳро ном корманди бойгонии САҲШ аз ман барои аз нав кардан сари ҳар 1 шаҳодатнома “500 сомонӣ биёр” гуфт, ки ин дар умум 1500 сомонист. Азбаски ман аз оилаи камбизоатам, имкони ёфтани чунин маблағро надоштам. Хуллас, кор кашол меёфт. Писарам Анварҷон Бобоевро барои надоштани шаҳодатнома 2 сол боз ба мактаб қабул намекунанд. Имсол Анвар тайи 3 моҳ таҳсил кард, вале ман ба умеди Қурбонзода бозмондаму бачаамро боз аз мактаб пеш карданд. Дидам, ки ҳеҷ илоҷ нест, бо қарзу қавола 200 сомонӣ сари ҳар фарзандам (яъне 600 сомонӣ!) ёфта бурдам. Мудир “кам” гуфта нагирифт ва аз кабинеташ баровард. Барои гум кардани ҳамин ҳуҷҷатҳо қариб хонавайрон шудам. Чунки ҳар рӯз дари идораи САҲШ ё идораву ҷамоатҳо маълумотнома мегираму мераваму меоям... Дар танам курткаву дар поям пойафзолҳои шавҳарам... мераваму меоям, гардани каҷ мекунам, аммо дили Қурбонзода ва кормандонаш мисли санг барин.
Аз Рустам Шоҳмуродзода-вазири адлияи ҶТ эҳтиромона хоҳиш дорам, ки барои гирифтани шаҳодатномаи писаронам-Абдулло, Анвар, Зиёдулло Бобоевҳо кӯмак расонанд. Илтимос, дастамро гиред. Агар кори маро ҳарчӣ зудтар анҷом надиҳанд, мумкин аст назди дари идораи САҲШ бо кӯдаконам даст ба фалокате бизанам...
Уғулой Бобоева,
деҳаи Чорбоғ, н.Қубодиён, тел: 93 104 39 75
Аз моҳи марти соли равон дар кӯчаҳои пойтахт троллейбусҳои беноқили истеҳсоли ширкати «Белкоммунмаш»-и Беларус фаъолият хоҳанд кард.
Гуфта мешавад, ки дар марҳилаи аввал 4 адад чунин троллейбусҳо ба пойтахт ворид карда шуда, дар ҳолати мутобиқ будани он ба кӯчаю хиёбонҳои ш.Душанбе, идомаи харидории он бозбинӣ карда мешавад. Троллейбусҳои ширкати «Белкоммунмаш» тариқи ноқил ва ҳангоми қатъ гардидани қувваи барқ то 15 километр ба воситаи батарея ҳаракат мекунанд. Арзиши 1 адад чунин троллейбусҳо наздик ба 250 ҳазор доллари америкоиро ташкил медиҳад.
Дар ҳоле, ки духтурон ва наздикон мегӯянд, ҳуқуқшиноси Тоҷик бо марги худ фавтидааст, ба масал «оппозитсионерҳо», ки бе «жаренный факт» монда буданд, аз марги хонум Файзиннисо Воҳидова мехоҳанд сенсатсия бунёд кардаву ҳукуматро бар маргаш муҷрим донанд. Беҳтарин посух ба ин бетутуруқонро шавҳари марҳума дод, ки навишт «ақаллан монед дар гӯр ором хобад!»…
Ростӣ, ин матлабро мехостам ҳамон рӯзе нависам, ки муаллимаи азиз, ҳуқуқшиноси варзидаи кишварамон Файзиниссо Воҳидова (равонаш шод бод) ҷон ба ҷаҳонофарин супурда буданду наҳзатиёну ифротиёну мухолифону бадхоҳони раҳбарияти кишвар беасос аз марги ин зани фозила ҳангома (сенсатсия) мекарданд. Аз рӯи фаросат нахостам мотамро дар фазои маҷозӣ ба майдони баҳс табдил диҳам, вале дидам, ки мухолифини давлат ноинсофонаву бевиҷдонона рӯзи мурда "тутхӯрӣ" карданд, тасмим гирифтам, изҳори назар намоям:
-Мавриди таъкид аст, ки муаллимаи равоншод ҳамчун 1 зиёии равшанфикру инсони вораста аз камбудиҳо интиқод мекарданд, имкони фаълолияту ибрози андеша доштанд, муҳтарама буданду дар тамоми манотиқи кишвар озодона гаштугузор доштанд, агар аз зуҳуроту рӯйдоду тасмиму қарору фармоне норозӣ буданд, дар расонаҳо нотарсона ва беибо арзи дил менамуданд, монанди "доиразанон"-и рӯзи фавташон… нисбати мухотаб ё рақибашон таҳқиру туҳмату тавҳинро раво намедиданд.
Бехудоии Абдусалом Одиназодаро бубинед, ки 7-8 ҳазор км дуртар маитро «ташхис» кардаву омилҳои марги Файзиниссо-апаро "дақиқ" расонаӣ кард. Олими ҳақиқӣ то набзи беморро насанҷаду бо ҳамкасбон "консилиум" накунад, ҳаққи "вердикт" баровардан надорад. Инро ҳатто оддитарин ҳамшираи тиббӣ медонад!!! Аламовараш он аст, ки ба ин "шарлатан" баъзе ҳамватанон бовар кардаву зери навиштааш "лайк" мегузоранд. Баъдан, ин "муъминон" бояд ба ҳукми Худову қазову қадар тан медоданд, зеро мурдан ҳақ аст! Сониян, дардманд будану мубталои якчанд беморӣ буданашонро пайвандону наздиконашон тасдиқ мекунанд. Гузашта аз ин, шодравон на роҳбари мухолифин буданду на даъвои ҳукумат доштанду на хатаре ба ҳукумату давлат...
Биёед, хоҳ ҳукуматиему хоҳ мухолифин имону виҷдону инсофро аз даст надиҳем.
Абдуқодири АБДУҚАҲҲОР
журналист
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
