ХАБАРИ ДОҒ
Душанбе, Март 30 2020

18.03.1918. Кишварҳои Антанта-Россия, Британия Кабир ва Фаронса эълон карданд, ки созишномаи сулҳи Брестро, ки Россияи Шӯравӣ бо Олмон ба имзо расонида буд, қабул намекунанд.

18.03.1918. Бо қарори коллегияи Кумитаи Фавқуллодаи Умумироссиягӣ (ВЧК) дар тамоми вилоятҳо ва навоҳии Россияи Шӯравӣ Комиссияҳои фавқуллода таъсис дода шуданд.Тамоми нерӯҳои ҳарбии ЧК бошанд ба Дастаи ҷангии ВЧК муттаҳид карда шуданд.

18.03.1921. Артиши сурх бо сарварии Тухачевский шӯриши баҳрнавардон (матросҳо)-ро дар Кронштадт саркӯб кард. Матросҳо дар оғози инқилоб асоситарин тарафдорони болшевикон буданд, аммо баъди ҷанги шаҳрвандӣ назарашон тағйир кард ва зидди ҳукумати онҳо шӯриш бардоштанд.

18.03.1939. Дар шаҳри Мюнхени Олмон сарони Британия, Фаронса ва Олмон бо ҳам дидор карда, қарордоди Мюнхенро ба имзо расониданд. Дар натиҷаи ин қарордод Олмон вилояти Судети Чехословакия ва Венгрия Словакияи ҷанубӣ ва Украина Пасикарпатиро ғасб карданд. Ин қарордодро бисёриҳо чароғи сабз барои Гитлер унвон мекунанд.

18.03.1946. Дар СССР нақшаи панҷсолаи 4-ум ба тасвиб расид. Тибқи он СССР мебоист ба сатҳи то ҷангии истеҳсолот мебаромад.

18.03.1980. Ҳукумати ИМА фурӯши технологияҳои муосирро ба СССР таҳрим кард ва ин корро ба иттифоқчиёнаш низ мамнуъ намуд. 

19.03.1934. Дар СССР коргари совхоз Митрофан Никитин ҳангоми зиёрати Мавзолеи Ленин аз таппончаи "Наган" тобути Иличро тирборон намуд.

20.03.1926. Сарвари Чин, Чан Кайши тамоми коммунистони шӯравиро аз қаламрави кишвараш берун кард. 

20.03.1933. Дар СССР маркази пахши радиёии ба номи Коминтерн ба кор шурӯ кард. Ин маркази радиёӣ он шабу рӯз бузургтарин дар ҷаҳон маҳсуб меёфт.

20.03.1992. Дар пойтахти Украина шаҳри Киев аввалин дидори роҳбарони  Иттиҳоди Кишварҳои Мустақил (СНГ) баргузор гардид.

Чоршанбе, Март 18 2020

 

12.03.1918. Ба Маскав мақоми пойтахти Русия баргардонида шуд. Ин шаҳр то замони Петри 1-ум пойтахти Русия буд ва баъди сохтмони Санкт Петербург пойтахти ин кишвар ба онҷо интиқол дода шуда, болшевикон дубора пойтахтро ба Маскав интиқол доданд.

12.03.1921. Русия Шӯравӣ бо Полша дар шаҳри Рига созишномаи сулҳро миёни ҳам ба имзо расониданд, ки бо Сулҳи Рига дар таърихнигорӣ маъруф аст.

12.03.1936. СССР бо Муғулистон созишномаи иттиҳоди ҳарбиро алайҳи Япония ба имзо расониданд.

12.03.1941. Дар СССР тамоми зиндонҳо аз тобеъиятӣ НКВД ба тобеъиятӣ НКГБ дода шуданд.

12.03.1990. Дар СССР Анҷумани ғайринавбатии вакилони мардумӣ ба кори худ шурӯ кард. Ин Анҷуман чаҳор рӯз идома дошта, яке аз муҳимтарин рӯйдодҳо дар таърихи собиқ Иттиҳод маҳсуб меёбад. Дар ин Анҷуман моддаи 6-уми Сарқонуни СССР бобати нақши роҳбарикунандаи ҳизби коммунист бекор карда шуд.

13.03.1917. Дар Русияи инқилобӣ аввалин шумораи рӯзномаи "Хабарҳои (Известия) Шӯрои Петроград" рӯи чоп омад. Ин рӯзнома баъдан чун “Известия” (Хабарҳо) маъруф гардида, то ба ҳол дар Русия нашр мегардад.

13.03.1930. Роҳбарияти СССР эълон намуд, ки бекорӣ дар кишвар рафъ карда шуд ва бо ин сабаб Биржаи меҳнат дар Маскав низ фаъолияти худро қатъ кард.

13.03.1964. Дар СССР бо қарори Раёсати Шӯрои Олӣ Вазорати бехатарии давлатӣ (МГБ) ба Кумитаи бехатарии давлатӣ (КГБ) табдил дода шуд. 

14.03.1917. Шӯрои Петроград фармони №1-и худро нашр кард, ки тибқи он дар Артиши подшоҳии Русия низоми демократӣ ҷорӣ карда мешуд.

14.03.1918. Анҷумани умумирусиягии Шӯроҳо созишномаи сулҳи Брестро ба тасвиб расонид.

14.03.1953. Дар СССР Никита Хрушев котиби генералии КМ Ҳизби коммунистӣ СССР интихоб гардид.

14.03.1990. Дар СССР Михаил Горбачев ба муҳлати панҷ сол президенти СССР интихоб карда шуд.

14.03.1991. Дар Иттиҳоди Шӯравӣ аввалин ҳизбҳои ғайрикоммунистӣ ба қайд гирифта шуданд.

15.03.1927. Дар Иттиҳоди Шӯравӣ сохтмони Днепрогэс оғоз гардид.

Чоршанбе, Март 11 2020

  

4.03.1918. Шӯрои Комиссарони Халқии РСФСР Шӯрои олии ҳарбиро бо сарварии Тротский таъсис дод. Ин Шӯро мебоист ба нерӯҳои мусаллаҳи болшевикӣ дар ҷанги шаҳрвандӣ роҳбарӣ мекард.

4.03.1951. Рӯзномаи "Правда" лоиҳаи Хрушевро бобати таъсиси шаҳрҳои аграрӣ дар СССР рӯи чоп овард. Ин шаҳрҳо мебоист дар ҷои деҳаҳо бенёд мегардиданд.

4.03.1963. КМ Ҳизби Коммунисти Украина қарор дод "Декларатсияи умумии ҳуқуқи инсонро"-ро бо забони украинӣ нашр намояд.

4.03.1990. Дар СССР аввалин интихоботи алтернативии вакилони мардумӣ баргузор гардид.

5.03.1923. Владимир Ленин ба Лев Тротский супориш дод, то коммунистони гурҷиро аз иттиҳомоти Иосиф Сталин дифоъ кунад.

5.03.1940. Бо дастури сарвари НКВД  Лаврентий Берия, 25 700 афсари поляк ва намояндагони қишри буржуазӣ дар ҷангали Котин ба қатл расонида шуданд.

5.03.1946. Сарвазири Бритониё Уинстон Чечил хатти тақсими Аврупоро "пардаи оҳанӣ" унвон кард ва ин рӯз дар таърихнигории муосир чун рӯзи оғози ҷанги сард маъруф гардидааст.

5.03.1953. Дар СССР Иосиф Сталин, сиёсатмадор, давлатмард ва роҳбари низомии шӯравӣ аз дунё гузашт. Сталин инчунин яке аз назарияпардозон ва таблиғгарони бузургӣ "марксизм-ленинизм" ба шумор меравад. 

5.03.1956. Раёсати КМ ҲКИШ қарор дод, тамоми коммунистон ва комсомолонро бо маърӯзаи Никита Хрушев бобати шахспарастии Сталин ошно кунад.

6.03.1918. Дар Маскав Анҷумани VIII и РСДРП (б) ба кори худ шурӯ кард. Ин Анҷуман номи ҳизбро тағйир дод ва РСДРП (б) ба ВКП (б) табдил дода шуд.

6.03.1925. Дар СССР аввалин шумораи рӯзномаи "Ҳақиқати пионерӣ" (“Пионерская правда”) рӯи чоп омад. Ин рӯзномаи асоситарин минбари пионерони шӯравӣ гардида, то охири мавҷудияти СССР чоп мешуд.

Чоршанбе, Март 04 2020

26.02.1917. Шаби 25 феврал, подшоҳ Николаи 2-юм ба нерӯҳои полис фармон медиҳад , ки бетартибиҳоро дар пойтахт қатъ кунанд. Дар баробари ин, Николаи 2-юм Думаи давлатиро низ пароканда кард. Аммо аз соати 12-и рӯзи 26 феврал дар пойтахт гирдиҳамоиҳои нав шурӯ шуданд. Дар Петроград корпартоии умумӣ оғоз гашта, нерӯҳои Артиш ба тарафи инқилобиён гузаштанд.

26.02.1944. Наздики 600 тайёраи шӯравӣ ба пойтахти Финляндия-шаҳри Хелсинки ҳамла карданд. Ин бузургтарин ҳамлаи ҳавоии СССР дар рафти ҶБВ ба шумор меравад, ки баъд аз он Финляндия таслим шуда, аз ҷанг баромад.

26.02.1952. Сарвазири Бритония Уинстон Черчил эълон намуд, ки Бритонияи Кабир бомби атомии худашро сохт.

26.02.1990. Дар Маскав президенти Чехословакия Ватслав Гавел ва Михаил Горбачев созишномаеро ба имзо расониданд, ки тибқи он нерӯҳои Артиши шӯравӣ аз Чехословакия бароварда мешаванд. 

27.02.1917. Дар Петроград шӯришгарон бинои Арсенал ва Қасри Зимистонаро тассаруф намуданд. Дар Русия ҳукумати подшоҳӣ сарнагун мегардад ва Кумитаи Муваққати Думаи Давлатӣ ба фаъолият шурӯ мекунад. Дар баробари ин коргарон низ ниҳоди ҳукуматии худро бо номи Кумитаи иҷрояи Шӯрои вакилони коргарон ва аскарон таъсис медиҳанд.

27.92.1933. Дар Олмон ҷонибдорони Гитлер бинои Рейхстагро дар пойтахти ин кишвар оташ заданд. Ин кор барои саркӯби коммунистон баҳона гардида, ҳизби коммунист гунаҳкорӣ ин оташсӯзӣ эълон карда шуд. Коммунистон маҷбур шуданд ба фаъолияти махфӣ гузаранд. 

27.02.1937. Дар пленуми КМ ВКП(б) аъзоёни собиқи Бюрои сиёсӣ Николай Бухарин ва Алексей Риков ба суиқасд алайҳи ҳизб айбдор карда шуданд. Бухарин ва Риков аз сафи ҳизб хориҷ гардида, ба ҳабс гирифта шуданд.

28.02.1917. Оғози инқилоб дар Маскав. Баъд аз Петроград баромадҳои зидди подшоҳӣ дар Маскав низ оғоз гардида, шӯришиён дар инҷо низ ба пирӯзӣ расиданд. 

28.02.1921. Оғози шӯриши баҳрнавардон (матросҳо) дар Кронштадт. Ин шӯриш таҳти шиори "тамоми ҳокимият ба Шӯроҳо, на ба ҳизбҳо" мегузашт ва баъди 18 рӯз аз ҷониби нерӯҳои Артиши Сурх саркӯб гардид.

Чоршанбе, Фев 26 2020

19.02.1942. Президенти ИМА Франклин Рузвелт баъди оғози ҷанги ИМА бо Ҷопон, Фармони № 9066-ро ба имзо расонид, ки тибқи он наздики 120 000 амрикоиҳои ҷопонитабор ба лагерҳои контсетратсионии махсус мунтақил гардиданд.

19.02.1949. Дар Иттиҳоди Шӯравӣ Владимир Семичастний котиби аввалин КМ ВЛКСМ интихоб гардид. Семичастний дар оянда раиси КГБ-и СССР мешавад.

19.02.1987. Котиботи раёсати Иттиҳоди нависандагони СССР қарори Иттиҳоди нависандагон аз соли 1958-ро, бобати хориҷ кардани Борис Пастернак аз аъзогии Иттиҳоди нависандагони СССР барои навиштани романи зиддишӯравии "Доктор Живаго" бекор кард. Баъди ин, романи мазкур дар СССР иҷозаи нашрпайдо намуд. 

20.02.1932. Ҳукумати СССР Лев Тротскийро, ки дар Норвеж иқомат дошт аз шаҳрвандии шӯравӣ маҳрум кард.

21.02.1920. Раёсати Шӯрои Хоҷагии Халқи СССР, Комиссияи давлатии электрокунонии Русияро (ГОЭЛРО) ба тасвиб расонид ва РСФСР баъди чанде пурра бо нерӯи барқ таъмин гардид.

21.02.1935. Дар пойтахти СССР шаҳри Маскав аввалин Фестивали байналмиллалии синамо баргузор гардид.

21.02.1965. Дар СССР се радифи маснуи Замин "Кайҳон-54", "Кайҳон-55", ва "Кайҳон-56" ба фазои кайҳонӣ бароварда шуданд.

22.02.1921. Бо Декрети ШКХ РСФСР дар назди Шӯрои меҳнат ва мудофиа, Комиссияи давлатии банақшагирӣ (Госплан) таъсис дода шуд. Ин комиссия соли 1948 ба Кумитаи давлатии ба нақшагирии Шӯрои Вазирони СССР тағйири ном кард.

22.02.1942. Дар Иттиҳоди Шӯравӣ генерал Андрей Власов бо ордени Ленин мукофотонида шуд. Ин генерал баъди чанде асир гардида, ба тарафи немисҳо гузашта, Артиши зидди шӯравиро таъсис дод.

23.02.1918. Дар РСФСР даъвати оммавии ихтиёриён ба Артиши Сурх оғоз шуд.  Ин даъвати оммавӣ бо сабаби ҳуҷуми немисҳо ва фирори сарбозони боқимондаи артиши подшоҳӣ аз ҷабҳаи ҷанг роҳандозӣ гардид. 23 феврал солҳои тӯлонӣ дар СССР чун Рӯзи Артиши Шӯравӣ ва Флоти Ҳарбӣ-Баҳрӣ ҷашн гирифта мешуд.

Панҷшанбе, Фев 20 2020

12.02.1921. Артиши Сурх дар рафти ҷанги гражданӣ, вориди Гурҷистон гардид. Баъди чанде меншевикон торумор гашта, дар Гурҷистон ҳукумати болшевикӣ таъсис дода шуд.

12.02.1940. Мақомоти шӯравӣ дар манотиқи ишғолии Полша муваззаф гардиданд, яҳудиёни немисро ба манотиқи таҳти контроли немисҳо депорт кунанд.

12.02.1941. Тибқи амалигардонии нақшаи амалиёти "Барбароса", интиқоли оммавии нерӯҳои Артиши Рейхи саввум ба сарҳади СССР шурӯ карда шуд.

12.02.1945. Роҳбарони муҳоҷирати сафед, ки бештарашон афсарони собиқи Артиши сафед буданд, дар Порис аз пирӯзии Артиши Сурх дар ҷанги ҷаҳонӣ истиқбол карданд.

12.02.1955. Дар СССР қарори Шӯрои Вазирон бобати таъсиси майдони озмоишӣ (полигон) барои озмоиши мушакҳои баллистикии байниқитъавӣ ва партоби радифҳои маснуъии Замин ба тасвиб расид. Дар натиҷа сохтмони майдони озмоишии илмӣ-таҳқиқотии №5-и Вазорати Дифои СССР (НИИП-5) шурӯ шуд, ки имрӯз бо номи космадроми Байканур маъруф аст.

 12.02.1990. Рӯзи ёдбуди қурбониёни воқеъаҳои баҳманмоҳ дар Тоҷикистон. 

13.02.1918 Дар РСФСР бо қарори Шӯрои Комиссарони Халқӣ (ШКХ) биржаҳои меҳнатӣ таъсис дода шуданд. Ин биржаҳо ташкилотҳои давлатӣ ба шумор рафта, дар бозори меҳнат амалиёти миёнаравӣ анҷом медоданд. Биржаҳо то авохири соли 1930, то замони маҳви бекорӣ дар СССР фаъолият карданд. 

13.02.1918. Артиши Сурх шӯриши зидишӯравии Корпуси полякиро дар Беларусия саркӯб кард. Ин корпус 25 ҳазор сарбоз дошт ва дар шаҳрҳои Рогачев, Жлобин ва Бобруйск мустақар гардида буд. Ба корпус генерали кордидаи поляк  Довбор-Муснитский фармондеҳӣ мекард.

13.02.1921. Дар Маскав роҳбари анархистони рус, олими шинохта, княз Куропаткин вафот кард. Дар рӯзи ба хоксупории княз, болшевикон тамоми анархистони русро, ки дар зиндонҳо қарор доштанд ба шарти бозгашти дубора ба зиндон озод карданд. Маросими дафни княз дар қабристони Новодевичии Маскав баргузор гардида, ҳамаи анархистони озодшуда, баъди анҷоми маросим ду бора ба зиндон баргаштанд.

13.02.1956. Пленуми КМ ҲКИШ қарор дод дар рафти Анҷумани ХХ-уми ҲК, ки фардои он рӯз ба кораш шурӯ мекард, нишасти пӯшидае баргузор намояд ва дар он ба Хрушев дастур дода шавад бо маърӯзаи

  •  << 
  •  < 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  > 
  •  >> 
саҳ 1 аз 34

Китобҳо

Flag Counter