Узви Ихвон-ал-СССР, фарҳангшинос Зиёвиддин Ҷамолзода, аз деҳаи Муҷихарфи ноҳияи Нуробод ба газетаи мардумии СССР занг задаву гуфт, ки ман ба вазири кишоварзӣ, мӯҳтарам Иззатулло Сатторӣ 1 саволи ниҳоят муҳим дорам:
Тухмиҳои кишоварзие, ки аз хориҷа ба кишвар ворид мешаванд, оё мавриди санҷиш қарор мегиранд, ё на? Ин суол ба зеҳни ман аз он пайдо шуд, ки бархе аз кишоварзон-ҳамкасбони ман бар назаранд, аксари тухмиҳои ғалла, аз ҷумла, тарбузу харбуза, бодиринг, помидор… дар таркибашон ГМО (Генетически модифицированный организм) доранд. Хоҳишмандам, ки ба ин савол мӯҳтарам Сатторӣ шахсан посух нависанд. Зеро дили ман ба сиҳатии ҷомеа месӯзад. Агар имкон бошад, газетаи СССР низ дар ин мавзӯъ таҳқиқот барад ва воқеиятро рӯшан созад.