Раиси ш. Душанбе Рустами Эмомалӣ бо 1 қарори вежаи худ ба иштирокчиёни Ҷанги бузурги ватании солҳои 1941-1945, ки сокини пойтахт мебошанд, 1500 сомонӣ ҷудо намуд.
Тавре аз Раёсати иттилоот ва равобити хориҷии дастгоҳи Раиси шаҳри Душанбе хабар доданд, бо дастури Рустами Эмомалӣ аз ҳисоби маблағҳои фонди захиравии Раиси шаҳри Душанбе барои расонидани кумакпулии якдафъаина ба иштирокчиёни Ҷанги дуюми ҷаҳонии солҳои 1941-1945, инчунин ба ҳамсарони ҷанговарони дар Ҷанги дуюми ҷаҳонӣ ҳалокгардида ба ҳар кадоме 1500 сомонӣ ва ба шахсони бо ордену медалҳои Иттиҳоди ҷумҳуриҳои шӯравии сотсиалистӣ барои меҳнати фидокорона ё хизмати бенуқсони ҳарбӣ дар ақибгоҳ дар солҳои Ҷанги дуюми ҷаҳонӣ сарфарозгардида, шахсоне, ки зиёда аз 6 моҳ дар ақибгоҳ кор кардаанд, маъюбони амалиёти ҷангӣ дар қаламрави давлатҳои дигар, маъюбони садамаи Неругоҳи барқӣ-атомии Чернобил, оилаҳои шахсони ҳангоми ҳимояи сохти конститутсионӣ ҳалокгардида, ки дар шаҳри Душанбе истиқомат мекунанд, ба ҳар кадоме 800 сомонӣ ҷудо намояд.

СССР