Мақомоти иҷроияи ҳокимияти давлатии ш.Душанбе ба таваҷҷуҳи сокинону меҳмонон мерасонад, ки бо мақсади ҳифзи тандурустии сокинони пойтахт ва пешгирӣ аз бемориҳои сироятӣ аз 30 апрел то 10 май дар ҳамаи бозорҳои либосфурӯшии шаҳр, новобаста аз шакли моликият ва тобеияти идоравӣ рӯзҳои санитарӣ эълон гардида, фаъолияти онҳо дар ин давра пурра қатъ карда мешавад.
Тавре ба Раёсати иттилоот ва робитаҳои хориҷии дастгоҳи Раиси ш.Душанбе хабар медиҳад, дар робита ба ин, мақомоти дахлдори шаҳрдорӣ вазифадор шудаанд, ки дар ҳамкорӣ бо роҳбарони ҳамаи бозорҳои фурӯши либос, аз он ҷумла ҶДММ «Бозори Корвон» дар ин муддат корҳои безараргардонӣ ва дезинфексиониро амалӣ намоянд.
