ХАБАРИ ДОҒ
Ҷумъа, Июн 05 2020

Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон

Мутобиқи моддаи 69 Конститутсияи Ҷумҳурии Тоҷикистон ва бо мақсади пешгирии таъсири пайомадҳои бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон фармон медиҳам:

1. Ҳукумати Ҷумҳурии Тоҷикистон тибқи тартиби муқарраргардида:

— барои бо варақаҳои корношоямӣ таъмин намудан ва пардохти ҷубронпулии шаҳрвандони Ҷумҳурии Тоҷикистон, ки вобаста ба бемории сироятии СOVID-19 таҳти муоинаи тиббӣ қарор дода мешаванд, чораҷӯӣ намояд;

— нигоҳубини шаҳрвандони таҳти муоинаи тиббӣ қарордошта ва шаҳрвандонеро, ки ба бемории СOVID-19 сироят ёфтаанд, аз ҳисоби маблағҳои мақсаднок пешбинишудаи буҷети давлатӣ ва ғайрибуҷетӣ ройгон анҷом диҳад;

— аз ҳисоби маблағҳои захиравии буҷети давлатӣ ва ғайрибуҷетӣ ба гурӯҳҳои осебпазири аҳолӣ, аз ҷумла ба иштирокчиёни Ҷанги Бузурги Ватании солҳои 1941-1945, шаҳрвандоне, ки нафақаи иҷтимоӣ мегиранд, маъюбон, кӯдакони ятиму бесаробон, оилаҳои камбизоат, оилаҳои бесаробонмондаи муҳоҷирони меҳнатӣ ба андозаи музди меҳнати ҳадди ақал кумаки яквақта расонад;

— то ба эътидол омадани вазъ аз ҳисоби маблағҳои захиравии буҷети давлатӣ ва ғайрибуҷетӣ ба музди меҳнати вазифавии кормандони соҳаи тиб, ки бевосита ба ташхис ва табобати беморони сирояти СOVID-19 ҷалб мешаванд, иловапулӣ пешбинӣ ва пардохт намояд;

— то охири соли 2020 бо мақсади кам намудани хароҷоти истеҳсолии корхонаҳо, роҳ надодан ба баландшавии нархҳои маҳсулоти ватанӣ, хизматрасониҳои пулакӣ ба аҳолӣ ва сатҳи таваррум баррасии масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад;

— аз ҳисоби маблағҳои захиравии буҷети давлатии соли 2020 ва маблағҳои ғайрибуҷетӣ барои харидорӣ ва пурра намудани захираҳои моддии давлатӣ, аз ҷумла ғалла, тухмиҳои зироатҳои кишоварзӣ, заҳрхимикатҳо ва сӯзишворӣ маблағҳои мақсаднок ҷудо намояд;

— аз 1 апрел то 1 сентябри соли 2020 ба иншоотҳои соҳаи сайёҳӣ, меҳмонхонаҳо, ташкилотҳои хӯроки умумӣ, марказҳои саломатию варзишӣ, осоишгоҳҳо, ҳамлу нақли мусофиркашонии байналмилалӣ ва аэронавигатсия таътили пардохтҳои андозӣ пешбинӣ намояд ва ҳисобкунии фоизҳоро барои сари вақт пардохт нагардидани андозҳо барои ҳамин давра манъ намояд;

— аз 1 май то 1 августи соли 2020 субъектҳои соҳибкории хурду миёнаро, ки бо сабаби паҳншавии бемории сироятии СOVID-19 пурра аз фаъолият бозмондаанд, аз пардохти маблағи иҷораи моликияти давлатӣ озод намояд;

— аз 1 май то 1 сентябри соли 2020 барои субъектҳои хоҷагидорие, ки дар муҳлати муқарраршуда андози иҷтимоиро пардохт накардаанд, татбиқи чораҳои ҷавобгарии андозиро манъ намояд;

— аз 1 май то 1 августи соли 2020 соҳибкорони инфиродие, ки тибқи патент дар бозорҳо, марказҳои савдо ва нуқтаҳои хизматрасонии маишӣ, аз ҷумла сартарошхонаҳо, кошонаҳои ҳусн, ателеҳои мӯд ва дӯзандагӣ фаъолият менамоянд, аз ҳисоб ва пардохти андозҳо озод намояд;

— аз 1 май то 1 сентябри соли 2020 ба шахсони воқеӣ барои пардохти андозҳо аз молу мулки ғайриманқул таътили андозӣ муқаррар намояд;

— аз 1 июл то 1 сентябри соли 2020 воридоти маводи барои истеҳсоли маҳлулҳои безараргардонӣ, доруворӣ ва либосҳои муҳофизаткунанда, инчунин таҷҳизот, асбобу анҷом, таҷҳизоти озмоишгоҳҳои тиббӣ ва маводи барои муайян намудани бемории сироятии СOVID-19 заруриро аз пардохтҳои гумрукӣ (андоз аз арзиши иловашуда, аксиз ва боҷҳо) озод намояд;

— фаъолияти муассисаҳои тиббӣ, меҳмонхонаҳо ва осоишгоҳҳоро вобаста ба ройгон ҷойгир кардани шаҳрвандон барои таҳти муоинаи тиббӣ қарордошта ва ё табобат аз бемории сироятии СOVID-19 ба муҳлати дахлдор аз андозбандӣ озод намояд;

— бо мақсади нигоҳ доштани сатҳи даромаднокии аҳолӣ аз 1 июн то 31 декабри соли 2020 меъёри андози даромад аз фоизи пасандозҳои шахсони воқеӣ аз 12 фоиз амалкунанда то 6 фоиз паст намояд;

— нархҳои молҳои ниёзи мардум, аз ҷумла доруворӣ ва маводи тиббӣ, ниқоб, антисептик, инчунин орд ва маҳсулоти нонӣ, шакар, равғани растанӣ, маҳсулоти лӯбиёгӣ, картошка, собун ва сӯзишвориро дар кишвар танзим намояд;

— аз ҳисоби маблағҳои буҷети давлатӣ ва ғайрибуҷетӣ тавассути муассисаи давлатии «Фонди дастгирии давлатии соҳибкории назди Ҳукумати Ҷумҳурии Тоҷикистон» ба ширкатҳои истеҳсолкунандаи маҳсулоти хӯрокворӣ ва таъиноти тиббӣ, бахусус соҳибкорзанҳо маблағҳои қарзии имтиёзнок ҷудо намояд;

— то ба эътидол омадани вазъ ҳангоми хариди давлатии мол, кор ва хизматрасонӣ ба молистеҳсолкунандагони ватанӣ афзалият диҳад;

— барои таъмини фаъолияти фосилавии мақомоти давлатӣ раванди татбиқи ташаккули ҳукумати электрониро ҷоннок намояд;

— барои ҳалли мушкилоти шаҳрвандони Ҷумҳурии Тоҷикистон дар хориҷи кишвар ҳамаҷониба мусоидат намояд;

— ба шаҳрвандони хориҷие, ки дар Ҷумҳурии Тоҷикистон бо фаъолияти соҳибкорӣ ва ё ба кори кироя машғул мебошанд, дар сурати мавҷуд набудани хатари эпидемиологӣ ҳангоми ворид шудани онҳо ба Ҷумҳурии Тоҷикистон додани раводид ва иҷозат барои кор ва бақайдгириро дар мақомоти дахлдор таъмин намояд;

— то ба эътидол омадани вазъи эпидемиологӣ муҳлати раводид барои шаҳрвандони хориҷӣ ва шахсони бешаҳрвандиро тамдид карда, таҳримҳоро барои риоя нагардидани талаботи қоидаҳои будубош дар Ҷумҳурии Тоҷикистон татбиқ нанамояд.

2. Бонки миллии Тоҷикистон:

— ҷиҳати нигоҳ доштани сатҳи пардохтпазирии низоми бонкӣ дар ҳолатҳои ғайричашмдошт (форс-мажор) дар доираи қонунгузории амалкунанда ба ташкилотҳои қарзии молиявӣ маблағҳои қарзии фавқулода пешниҳод намояд;

— якҷо бо Вазорати молияи Ҷумҳурии Тоҷикистон ҷиҳати анҷом додани пардохтҳои саривақтии байналмилалии давлатӣ дар доираи имкониятҳои мавҷуда чораҷӯӣ намояд;

— мубодилаи асъори хориҷиро ба субъектҳои фаъолияти иқтисоди хориҷӣ, ки ба воридоти молҳои ниёзи аввалия, аз ҷумла дорувории тиббӣ, ғалла, орд, равғани растанӣ, шакар ва сӯзишворӣ машғуланд, инчунин барои иҷрои уҳдадориҳои молиявии давлатӣ нигаронида шудаанд, бо афзалият таъмин намояд;

— ҷиҳати таъмини пардохтпазирии ташкилотҳои қарзии молиявӣ ва фароҳам овардани шароити мусоид барои дастрасии субъектҳои хоҷагидории ҷумҳурӣ бо маблағҳои қарзӣ тадбирҳои танзимкунандаи меъёриро тавассути бознигарии меъёри бозтамвил ва меъёри захираҳои ҳатмӣ анҷом диҳад;

— дар доираи имкониятҳои ҷойдоштаи ташкилотҳои қарзӣ ва бо дарназардошти пешгирии хавфҳо ҷиҳати аз ҷониби ташкилотҳои қарзӣ татбиқ нагардидани ҷаримаҳо нисбат ба субъектҳои хоҷагидорӣ ва шахсони воқеӣ, ки уҳдадории қарзии худро аз 1 май то 1 октябри соли 2020 аз рӯи қарзҳои муҳлатнок анҷом дода наметавонанд, чораҷӯӣ намояд;

— якҷо бо сохторҳои давлатӣ ва ташкилотҳои қарзии молиявӣ барои истифодаи фосилавӣ аз воситаҳои электронӣ, пардохти хизматрасониҳои пулакии давлатӣ, ҷаримаҳо ва пардохтҳои дигари ҳатмӣ ба буҷет чораҷӯӣ намояд.

 

3. Доир ба тадбирҳои амалинамуда вобаста ба пешгирии паҳншавии бемории сироятии СOVID-19 тавассути воситаҳои ахбори омма мунтазам маълумот интишор карда шавад.

 

Президенти Ҷумҳурии Тоҷикистон Эмомалӣ Раҳмон

ш. Душанбе 5 июни соли 2020

№1544

 

 

Панҷшанбе, Июн 04 2020

   Агентии авиатсияи граждании назди Ҳукумати ҶТ имрӯз бо паҳн кардани Изҳорот хабари дар баъзе расонаҳои воситаҳои ахбори омма дар бораи аз ҷониби ширкатҳои ҳавопаймоӣ фурӯши чиптаҳо ба роҳ монда шудааст ва парвозҳои мунтазами байналмилалӣ аз Федератсияи Россия ба Ҷумҳурии Тоҷикистон ва баръакс иҷро карда мешаванд паҳншударо беасос хонд. 

   «Ин хабарҳо асоси воқеъӣ надошта, амалишавии парвозҳои мунтазами байналмилалӣ байни ду кишвари болозикр танҳо пас аз муътадил шудани вазъият оид ба вируси сироятии CОVID-19 ва эълони расмии ҷониби мақомотҳои ваколатдори давлатӣ амалӣ карда мешавад. 

   Дар робита ба ин, Агентии авиатсияи граждании назди Ҳукумати ҶТ аз шаҳрвандони кишвар хоҳиш менамояд, ки ба ҳар гуна хабару овозаҳое, ки асоси воқеӣ надоранд, дода нашуда, аз харидории чиптаи ҳавопаймоӣ то нашр гардидани изҳороти расмӣ вобаста ба барқарорсозии хатсайрҳои мунтазам худдорӣ намоянд, зеро айни замон, парвозҳои мунтазам байни Ҷумҳурии Тоҷикистон ва Федератсияи Россия барқарор нагардидааст. 

    Бори дигар огоҳ карда мешавад, ки барқарорсозии парвозҳои байналмилалӣ аз/ба Ҷумҳурии Тоҷикистон танҳо пас аз беҳ гардидани вазъият вобаста ба бемории сироятии CОVID-19 роҳандозӣ карда мешавад. Бо беҳ гардидани вазъият вобаста ба вируси сироятии CОVID-19, оид ба барқарорсозии парвозҳои мунтазам расман эълон карда мешавад»,- омадааст дар Изҳорот.

 

 

Панҷшанбе, Июн 04 2020

 


 Комиссияи махсусе, ки зарари расида аз офати табии рӯзҳои 14-15 майи соли ҷорӣ дар н.Хуросон баррасӣ менамуд, ҳаҷми умумии зарар 6 миллиону 725 ҳазор сомонӣ ҳисоб кард. Лозим ба ёдоварист, ки дар натиҷаи боришоти шадиди рӯзи 14 май дар деҳаҳои ба номи Неъматулло Асадулло ва 18-ум анҷумани ҳизб 11 манзили истиқомати пурра ва 25 хона қисман зарар дида, рӯзи 16 май маротибаи дуюм дар пайи борони сахт сел омада, ярч фаромад ва ба 25 хона пурра, ба 14 манзили дигар қисман зиён расонид. Инчунин бинои МТМУ №12, як қисми роҳҳои маҳаллӣ низ корношоям гардиданд.

    Тавре Шуъбаи иттилоотию таҳлилии дастгоҳи раиси вилояти Хатлон хабар медиҳад, рӯзи гузашта Сарвазири ҶТ Қоҳир Расулзода ба н.Хуросон сафари корӣ анҷом дода, бо сокинони аз офати табиии рӯзҳои 14-16 майи соли ҷорӣ зарардидаи Ҷамоати деҳоти Садриддин Айнӣ мулоқот анҷом дод. Инчунин аз номи Сарвазири мамлакат Қоҳир Расулзода ба 67 хонаводае, ки манзилҳояшон дар натиҷаи сел қисман ва пурра вайрон шудааст, маводи озуқа дастрас карда шуда, ҳафтаи гузашта бошад ба 67 хонаводаи зарардида дар маҳалли бехавф, мавзеи Чорбоғи н.Хуросон ба масоҳати 8-сотихӣ қитъаҳои замин барои бунёди манзил ихтисос дода шуд.

Бино ба иттилои дастрасшуда, танҳо аз ҷониби Президенти ҶТ Эмомалӣ Раҳмон ба зарардидагон 370 тонна семент, 74 тонна арматура, 3700 дона шифер ва 370 метри кубӣ тахта дода шуда, сохтмони манзилҳои нав дар маҳалли Чорбоғ шурӯъ гардидааст. Ҳамчунин, 84 тонна маводи озуқа, аз ҷумла орд, равған, картошка, пиёз, сабзӣ, биринҷ, макарон, маҳсулоти донагӣ ба осебдидагон расонида шуд. Аз ҷониби МИҲД вилояти Хатлон бошад, ба оилаҳои аз офати табиӣ зарардида 15 тонна орд, 8,5 тонна биринҷ, 1,5 тонна равған, 1,8 тонна макарон, 6,6 тонна пиёз, 4,5 тонна картошка ва 12 тонна сабзӣ, ҳамчунин маводҳои тиббию муҳофизатӣ, маҳлулҳои антисептикӣ тақсим карда шудааст.

 

 

 

  Комиссияи махсусе, ки зарари расида аз офати табии рӯзҳои 14-15 майи соли ҷорӣ дар н.Хуросон баррасӣ менамуд, ҳаҷми умумии зарар 6 миллиону 725 ҳазор сомонӣ ҳисоб кард. Лозим ба ёдоварист, ки дар натиҷаи боришоти шадиди рӯзи 14 май дар деҳаҳои ба номи Неъматулло Асадулло ва 18-ум анҷумани ҳизб 11 манзили истиқомати пурра ва 25 хона қисман зарар дида, рӯзи 16 май маротибаи дуюм дар пайи борони сахт сел омада, ярч фаромад ва ба 25 хона пурра, ба 14 манзили дигар қисман зиён расонид. Инчунин бинои МТМУ №12, як қисми роҳҳои маҳаллӣ низ корношоям гардиданд.

    Тавре Шуъбаи иттилоотию таҳлилии дастгоҳи раиси вилояти Хатлон хабар медиҳад, рӯзи гузашта Сарвазири ҶТ Қоҳир Расулзода ба н.Хуросон сафари корӣ анҷом дода, бо сокинони аз офати табиии рӯзҳои 14-16 майи соли ҷорӣ зарардидаи Ҷамоати деҳоти Садриддин Айнӣ мулоқот анҷом дод. Инчунин аз номи Сарвазири мамлакат Қоҳир Расулзода ба 67 хонаводае, ки манзилҳояшон дар натиҷаи сел қисман ва пурра вайрон шудааст, маводи озуқа дастрас карда шуда, ҳафтаи гузашта бошад ба 67 хонаводаи зарардида дар маҳалли бехавф, мавзеи Чорбоғи н.Хуросон ба масоҳати 8-сотихӣ қитъаҳои замин барои бунёди манзил ихтисос дода шуд.

Бино ба иттилои дастрасшуда, танҳо аз ҷониби Президенти ҶТ Эмомалӣ Раҳмон ба зарардидагон 370 тонна семент, 74 тонна арматура, 3700 дона шифер ва 370 метри кубӣ тахта дода шуда, сохтмони манзилҳои нав дар маҳалли Чорбоғ шурӯъ гардидааст. Ҳамчунин, 84 тонна маводи озуқа, аз ҷумла орд, равған, картошка, пиёз, сабзӣ, биринҷ, макарон, маҳсулоти донагӣ ба осебдидагон расонида шуд. Аз ҷониби МИҲД вилояти Хатлон бошад, ба оилаҳои аз офати табиӣ зарардида 15 тонна орд, 8,5 тонна биринҷ, 1,5 тонна равған, 1,8 тонна макарон, 6,6 тонна пиёз, 4,5 тонна картошка ва 12 тонна сабзӣ, ҳамчунин маводҳои тиббию муҳофизатӣ, маҳлулҳои антисептикӣ тақсим карда шудааст.

 

 

 

Панҷшанбе, Май 28 2020

    Ҳукумати ИМА тавассути Агентии ИМА оид ба рушди байналмилалӣ (USAID) 2 миллион доллари ИМА-ро барои ҳифзи муҳоҷирон дар Осиёи Миёна дар ҳолати пандемияи COVID-19 чудо менамояд. 

    Гуфта мешавад, ки ин дастгирӣ дар доираи лоиҳаи амалкунандаи “Муҳоҷирати бехатар дар Осиёи Миёна”, ки аз ҷониби “USAID” маблағгузорӣ карда шуда, аз ҷониби  Winrock International амалӣ мегардад, расонида мешавад. Пандемияи CОVID-19 боиси оғози бӯҳрони гуманитарӣ ва молиявӣ барои миллионҳо муҳоҷирони меҳнатӣ дар Осиёи Миёна, ки бисере аз онҳо дар транзит ва кишварҳои таъинот дар саросари кишварҳои Осиёи Миёна азият мекашанд оварда расонидааст.

 

Чоршанбе, Май 27 2020

Дар замони шӯравӣ вакилони халқӣ-депутатҳо ҳамеша бо сокинони маҳал дар алоқа буда, барои ҳаллу фасли масъалаҳои мубрам саҳм мегузоштанд. Ҳеҷ набошад лоақал моҳе 1 бор пайдо шуда, аз ҳоли мардум мепурсиданд. Афсӯс, ки вакилони на танҳо имрӯза, балки 28-соли охири мо, танҳо ҳангоми маъракаи интихобот назди халқ меоянду халос, пас аз интихоб шуданашон дигар 5 соли оянда мо онҳоро ҳатто дар кӯча намебинем.

Тариқи матбуот мешунавам, ки бархе аз вакилони халқии ш.Душанбе дар ин рӯзҳои вазнин барои мардум ба оилаҳои ниёзманд кӯмаки хайр мерасонанду байни мардум маводи безараргардонӣ тақсим мекунанд. Вакилони ёвонӣ лоақал ҳамин корро ҳам намекунанд-парво надоранд! Гуфтаҳои пайвастаи Президенти ҶТ Эмомалӣ Раҳмонро дар мавриди ба мардум наздик шудану бо халқ буданро ҳам бархе аз вакилон шояд нашунида бошанд, ҳол он, ки онҳо дар хизмати халқ бояд бошанд, на мардум бо мушкиле паси дари хонаи онҳо равад!

 

Сафаралӣ  Бекмонов, 

н.Ёвон 

 

Чоршанбе, Май 20 2020

Шоми 19.05.2020 аз номи Президенти ҶТ Эмомалӣ Раҳмон ба зарардидагон аз обхезӣ дар шаҳру деҳоти вилояти Сирдарёи Ҷумҳурии Ӯзбекистон кӯмаки башардӯстона фиристода шуд. Кӯмаки башардӯстона аз 51 вагон сементу шифер иборат буда, барои сохтмони манзилҳои нав пешбинӣ гаштааст. 

Бояд гуфт, ки обхезӣ пас аз рахна шудани девори сарбанди обанбори Сардобаи Сирдарё ба вуҷуд омада, дар пайи он беш аз 70 ҳазор сокинон ба ҷойи амн кӯчонида шуда, 56 нафар зарари ҷисмонӣ дидаанд. 

Обхезӣ субҳи рӯзи 1.05.2020 ба вуқуъ пайваста, ба якчанд шаҳру ноҳияи вилояти Сирдарё зарари ҷиддии ичтимоӣ ва кишоварзӣ расонидааст.

 

  •  << 
  •  < 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  > 
  •  >> 
саҳ 1 аз 80

Китобҳо

Flag Counter