Чуноне ки ба мухбири мо дар маркази матбуоти ҶСК «Фурудгоҳи байналмилалии Душанбе» иттиллоъ доданд, ҳайати авиаторони ӯзбек пеш аз ҳама аз фурудгоҳи пойтахт, терминали нави байналмиллалӣ, хадамотҳои рӯизаминӣ ва дигар бахшҳои он боздид намуда бо фаъолияти фурудгоҳ ва имкониятҳои қабул ва гусели мусофирон, бору бағоч ва ҳавопаймоҳо аз наздик ошно шуданд.
- Мо аллакай дар бораи ҷуғрофияи парвозҳо, талабот ба хатсайри нав, теъдоди парвозҳо сӯҳбат кардем ва ба тавофуқ расидем. Фурудгоҳи байналмилалии Душанбе низ ҷавобгӯи талаботҳои муосир ва фаъолияти он моро қонеъ менамояд. Шояд пас аз роҳандозии ҳатсайри нахуст, мо дар бораи парвозҳо аз дигар минтақаҳои Тоҷикистон ба минтақаҳои Ӯзбекистон низ фикр намоем, иброз дошт ба хабарнигорон роҳбари ҳайати кори ҷониби кишвари ҳамсоя Олег Ли, муовини сардори Инспексияи давлатии ҶӮ оид ба назорати амнияти парвозҳо.
СССР
