Шоми 30.04.2019 тавассути ҳавопаймои махсуси ширкати Fly Erbil 84 нафар кӯдакони ноболиғи тоҷик аз Бағдод ба Ватан оварда шуданд.
Кӯдакон ва ноболиғон-шаҳрвандони Ҷумҳурии Тоҷикистон мебошанд, ки ҳамроҳ бо волидон ва оилаҳои гумроҳшудаи худ ҷиҳати пайвастан ба сафи ДИИШ ва нерӯҳои дигари террористию экстремистӣ вориди сарзамини Ироқ шуда, баъдан ё қисман ятим мондаанд ё падаронашон куштаву модаронашон дар маҳбас қарор доранд.
Тавре дар Изҳороти Вазорати корҳои хориҷии ҶТ омадааст, ин амал тибқи дастуру супоришҳои Президенти ҶТ Эмомалӣ Раҳмон сурат гирифта, масъалаи ҳарчӣ зудтар баргардонидани шаҳрвандони боқимондаи тоҷик ҳамеша мавриди пайгирии Ҳукумати мамлакат қарор дорад.
Гуфта мешавад, ки айни замон дар маҳбасҳо, зиндонҳо, боздоштгоҳҳо, марказҳои нигаҳдории ноболиғон дар Ироқ 43 нафар зан ва 95 тифл аз шаҳрвандони Тоҷикистон нигоҳ дошта мешаванд, ки дар миёни онҳо тифлони хурдсоле низ ҳастанд, ки дар ин кишвари арабӣ таваллуд ёфтаанд.
Бояд қайд намуд, ки баргардонидани ин кӯдакони тоҷик дар ҳамкорӣ бо вазоратҳои хориҷии бархе аз кишварҳои арабӣ, аз ҷумла Ироқу Қувайт, созмонҳои байналмилалӣ, амсоли ЮНИСЕФ сурат гирифта, бино ба гуфтаи коршиносон дар ин кор саҳми сафири ҶТ дар Ироқу Қувайт Зубайдулло Зубайдзода кам нест.
Гузориши муфассали хабарнигори СССР-ро дар ин бора шумораи навбатии рӯзнома пайгирӣ намоед.
84 ноболиғи тоҷикро аз Бағдод ба Ватан оварданд
Матлабҳои дигар
ШУМО НАЗАР Ё ПАЁМЕ ДОРЕД
_______________________________________________
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар