- 16.07.2022. Соат бо вақти Душанбе 10:26 дақиқа. Ҳаким Сулаймонов, мухлиси газетаи мардумии СССР аз н. Қубодиён ба идораи СССР занг зада (тел:111166667), изҳори нигаронӣ аз тамбашавии мошинҳои назди бозори марказӣ кард.
Аз назди бозори марказии ноҳия ба самти н. Шаҳритус ё баракс гузаштан чунон мушкил аст, ки ҳисобаш гум. Кирокашон мошинҳои худро дар назди бозори марказӣ ҳатто дар қатори 2-юм мегузоранду ба ҷустҷӯи мизоҷ мешаванд, ки боиси нигаронӣ аст. Бояд қайд намуд, ки бозори марказ рӯ ба рӯи бинои МИҲД-и ноҳия ҷойгир аст. Кормандони БДА дар назди бозору ҳукумат зиёд ба назар мерасанд, аммо аз чӣ бошад, ки танбашавиро бартараф намекунанд. Танҳо дар 1 ҳолат, ки ягон меҳмони олиқадр ояд, ё раиси ноҳия аз утоқи кориаш берун шавад, нозирони роҳ ба такудав сар мекунанд. Дар дигар ҳолат аз субҳ то шом тамбашавӣ (пробка) ҳаст. Чӣ, магар дигар мардум одам нестанд???