ВКД ҶТ аз боздошти 1 сокини н.Н.Хусрав, ки набераи 2 –солаашро бар ивази $100-ру 1200 сомонӣ ба 1 шахси дигар, сокини н.Қубодиён фурӯхтааст, хабар медиҳад.
Бино ба итиллои сомонаи расмии ВКД ҶТ, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки зани 49-солаи сокини н.Н.Хусрав, рӯзи 20.03.2016 набераи ноболиғи худро, ки духтарча буда, санаи 11.04.2014 таваллуд шудааст, (фарзанди духтари 25-солааш)-ро ба зани 35-солаи сокини н.Қубодиён, ба маблағи 100-доллари амрикоӣ ва 1200-сомонӣ фурӯхта, маблағи ба даст овардаашро ба манфиати шахсиаш сарф намудааст.
Зани гумонбар дар хариду фурӯши ноболиғ аз ҷониби кормандони милитсия дастгир гардида, аз рӯи ин ҳодиса парвандаи ҷиноятӣ оғоз карда шуда, тафтишот идома дорад.