Салом ба аҳли эҷоди газетаи мардумии СССР! Хабари гарон шудани нархи роҳкироро дар нақлиёти истифодаи умум хонда нороҳат шудам. Дар ҳақиқат бо ин вазъи иқтисодӣ ва гаронии бозор то 80-90% боло бурдани нархи роҳкиро қобили қабул нест ва агар масъулон онро дубора бозбинӣ намоянд, хеле хуб мешавад.
Дигар ин, ки дар 2 соли ахир автобусу троллейбусҳои тамоми хатсайрҳои ш.Душанбе нав шуданд, ба ҷуз хатсайри троллейбуси №5. Троллейбусҳои ин хатсайр ҳама кӯҳна буда, курсиҳои дохили салон шикаставу пора шудаанд. Ба ғайр аз ин, шумораи троллейбусҳои №5 хеле кам буда, масалан шоми 04.11.2021, соати тақрибан 17:30 дар истгоҳи Маркази савдои «Садбарг» мо 27 дақиқа ин троллейбусро интизор шудем. Троллейбус бо рақами 2147 ба хотири дар дами роҳаш таваққуф кардани 1 мошини сабукрав 27 дақиқа сигнал дода истод-агар шохҳояшро мегирифт, дубора васл намудани он мушкил буд.
Оё фурсате нарасидааст, ки троллейбусҳои № 5-ро низ иваз кунанд ё дар вақтҳои час-пик, субҳу шом ба ин хатсайр 2-3 троллейбуси нав ҷудо намоянд, то мардум дар фасли сармо дар кӯча намонад?
М.Аминова,
ш.Душанбе