ХАБАРИ ДОҒ
Ҷумъа, Авг 09 2019

   1 кило гӯшти гов имрӯз дар бозорҳои «Фаровон» ва «Ҳоҷӣ Шариф»-и ш.Бохтар 45 сомониро ташкил намуд. Гӯшти гӯсфанд 43-45 сомонӣ арзиш дошта, равғани думбаро хоҳишмандон бо нархи 40-45 сомонӣ барои 1 кило метавонистанд харидорӣ намоянд.

   Дар баробари гӯшт нархи меваю сабзавот низ дар арафаи Иди саиди Қурбон ба маротиб боло рафт. Ҳамин ҳоло дар бозорҳои номбурда нархи 1 кило себ 10-30 сомонӣ, нок 10-20 сомонӣ, 1 дона банан 3,5-4 сомонӣ, 1 кило помидор 5-8 сомонӣ, 1 дона тарбуз 15-30 сомонӣ, 1 кило шафтолу 10-15 сомониро ташкил менамояд.

   Сулаймон Саидов, 1 сокини н. Кӯшониён, ки дар бозори марказии ш.БОхтар харид менамуд, дар сӯҳбат бо мухбири СССР афзуд, ки дирӯз 8.08.2019, соати 19:20 гӯштфурӯшон нархи 1 кило гӯшти говро то ба 60 сомонӣ бардоштанд, вале дар назди дӯконҳо навишта шуда буд, ки нархи гӯшт 45 сомонист…

 

Баҳодур Уроқов, СССР, Хатлон 

 

Панҷшанбе, Авг 08 2019

  Аслиддин Осимӣ, профессор, табиби маъруфи тоҷик шаби 7.08.2019 дар ш.Душанбе дар синни 86-солагӣ вафот кард. Маросими видоъ бо эшон имрӯз баргузор гашта, Аслиддин Осимиро дар қабристони Сари Осиёи пойтахт ба хок супурданд.

   Профессор Аслиддин Осимӣ асосгузори соҳаи урология дар Тоҷикистон дониста шуда, ӯ нахустин урологи тоҷик аст, ки дар доираҳои илмии Россия, Украина, Беларус, Қазоқистон ва Қирғизистон машҳур аст. Мавсуф то рӯзҳои охирини умраш дар таълими насли ҷавон фаъолона саҳм мегузошт.

 

 

Панҷшанбе, Авг 08 2019

 

Дар яке аз шумораҳои гузашта хонандаи доимии газетаи СССР аз ш.Истаравшан, маъюби гуруҳи 1, Ҳаким Ҳомид дар мавриди чӣ тавр маҳву нобуд кардани партовҳои тиббӣ дар кишвар пурсон шуда буд. Таври маълум, амру дархости ҳар хонанда, барои мо «супориши партиявист!» Зимнан саъй намудем дар якҷоягӣ бо мутахассисони Сарраёсати назорати давлатии санитариву эпидемиологии Вазорати тандурустӣ ва ҳифзи иҷтимоии ҶТ мавзӯро пайгирӣ намуда, ба суоли Ҳаким ҷавоб бидиҳем. Мо Метавонем!

Ҷамъоварӣ, нигоҳдорӣ зери назар аст!

Тавре дар сӯҳбат бо мухбири СССР Муродалӣ Меликов, сардори шӯъбаи гигиенаи коммуналӣ ва кӯдаконаи Сарраёсати назорати давлатии санитариву эпидемиологии Вазорати тандурустӣ гуфт, нобуд кардани партовҳои тиббӣ дар кишвар тибқи «Қоидаҳои ҷамъоварӣ, нигоҳдорӣ ва бартарафкунии партовҳои муассисаҳои табобатию профилактикӣ» сурат мегирад.

-Партови муассисаҳои тиббию профилактикӣ ба 5 гурӯҳ-гурӯҳҳои А-бехатар, Б-хатарнок, В-ниҳоят хатарнок, Г-партовҳое, ки бо таркибашон ба партовҳои саноатӣ наздиканд ва Д-партовҳои радиоактивӣ ҷудо мешаванд. Дар ҳар 1 муассисаи тиббӣ барои ин партовҳо аз рӯи гурӯҳбандӣ қуттиҳои хос гузошта шуда, ҳамарӯза ҷамъоварӣ ва дар печкаҳои калон тариқи сӯзонидан нобуд карда мешаванд. Беморхонаҳои калон, маҷмааҳои тандурустӣ ва шаҳракҳои шифобахшӣ ҳатман чунин печкаҳо доранд ва партовҳои дар мӯҳлати 1 шабонарӯз ҷамъшуда-сӯзандору, докаву пахтаву шишаи маводи дорувории истифодашударо, ки одатан безараранд, дар ин печкаҳо месӯзонанд. Марказҳои саломатӣ ва бунгоҳҳои тиббӣ ё муассисаҳои хурди тиббию профилактикӣ тариқи шартнома ва ҳамкорӣ партовҳои тиббии хешро оварда, дар печкаҳои муассисаҳои калон нест мекунанд. Ҳар 1 сӯзандору, шишаи дору ва асбобу лавозимоти истифодашудаи тиббӣ ҳатман ба қайд гирифта шуда, ҷамъоварӣ, нигоҳдорӣ ва маҳв карданаш низ зери назорат ва санад аст, - қайд намуд Меликов.

Тамоми партовҳо аввал ба қайд гирифта, пас аз муоина ба қуттӣ ё пакетҳои хос андохта шуда, барои нобуд кардан фиристода мешаванд. Партовҳо аз рӯи гурӯҳбандӣ ва моҳияти бехатару хатарнок будан, ки ҳар 1 гурӯҳ тартиби ҷамъоварӣ, нигоҳдорӣ ва нест кардани хоси худро дорад, маҳв мегарданд ва барои ин кор дар ҳар муассисаи тиббӣ шахси масъул фаъолият мекунад. Пас аз маҳвшавӣ ҳатман дезинфексия сурат мегирад.

 

Ҳеҷ сирояте намемонад!

Дар мавриди партови таваллудхонаҳо ва партовҳои пас аз ҷарроҳиҳо пайдо шуда, ҳамсӯҳбати мо афзуд, ки барои нест кардани ин гурӯҳи партовҳо дар беморхонаю таваллудхонаҳо чоҳҳои калону чуқур мавҷуд буда, ин партовҳо пеш аз нобудкунӣ бо маводи кимиёӣ, аз ҷумла, хлор, дезинфексия карда мешаванд.

-Дар ҳар 1 таваллудхона чоҳҳои бузурги махсус мавҷуд аст ва партовҳои пас аз исқоти ҳамлу дигар амалиёт ва ҷарроҳиҳои хурди гинекологӣ ба даст омадаро мутахассисон дар ин чоҳҳо гӯр мекунанд. Чоҳҳо бо маводи кимиёвӣ пайваста дезинфексия мешаванд. Дар мавриди партовҳои пас аз ҷарроҳиҳои узвҳои бадан пайдо шуда низ инро метавон гуфт, ки маъмулан онҳо низ бо роҳи гӯр кардан маҳв карда мешаванд. Мардум бояд нигарон набошанд, ин кор зери назорати ҷиддӣ амалӣ ёфта, ҳеҷ сирояте аз худ намегузорад, - таъкид дошт М.Меликов.

 

Доруҳои пастсифат сӯзонда мешаванд

Дорувории мӯҳлати истифодабариашон гузашта, партовҳои доруворӣ ва маводи дорувории ташхисӣ, дезинфексионӣ, ки мӯҳлати истифодабариашон гузашта аст, дар худи бемористонҳо ва бухориҳои махсус, тариқи сӯзонидан нобуд карда мешаванд.

Ҷ. Мақсуд, СССР

 

Чоршанбе, Авг 07 2019

   Рустами Эмомалӣ, раиси ш.Душанбе бо 1 қарори вежаи худ ҷойҳои муваққатии забҳи чорворо дар арафаи Иди саиди Қурбон муайан ва тасдиқ кард.

   Тибқи рӯйхати тасдиқгардида, сокинони пойтахт метавонанд дар ҷойҳои зерин чорворо забҳ намоянд.

ноҳияи Шоҳмансур

 

№     Номгӯи ҳудудҳо ва

маҳаллаҳои вобасташуда        Ҷои забҳи чорво

1 Бадахшон – 1                              Ҷойи ҷамъиятӣ,

кӯчаи Хоруғ 207 – 210

2 Бадахшон – 2                              Ҷойи ҷамъиятӣ,

кӯчаи А. Шукӯҳӣ 44

3 Шаҳраки 192 – 193                      Квартали 15, назди ситоди шаҳрӣ

4 Шаҳраки Хайробод                      Назди масҷиди ҷомеъ

кӯчаи Хайробод – 210

5 Бӯстон – 1                                     Ҷойи ҷамъиятӣ,

кӯчаи Бӯстон – 107

6 Бӯстон – 2                                      кӯчаи Қаротегин 3, хонаи 123

7 Гулобод                                          Назди ошхонаи «Неъмат»

8 К. Хуҷандӣ                                      Ҷойи ҷамъиятӣ,

кӯчаи Ч. Имомов 36/2

9 к.Зебунисо                                      теппаи Шарқӣ, минтақаи  9

10 м. Ховарон                                    теппаи Шарқӣ, минтақаи  9

11 м.Чиноро                                       Ҷойи ҷамъиятӣ,

кӯчаи Назаршоев 374

12 м. Шодӣ                                         Ҷойи ҷамъиятӣ,

кӯчаи Шодӣ 65

13 Шоҳмансур – 2                               Кӯчаи Восеъ, хонаи 89

14 Шоҳмансур – 3                               Кӯчаи Восеъ, хонаи 2

15 Маркази савдои “Ховарон”            Кӯчаи “Ховарон”

16 Маҳаллаи Бедил                            Ҷойи ҷамъиятӣ,

кӯчаи Назаршоев 184

17 Восифӣ                                            кӯчаи Восифӣ 1, назди масҷиди марказӣ

18 Маҳаллаи Чиноро – 2                     Ҷойи ҷамъиятӣ,

кӯчаи Назаршоев 102б

 

ноҳияи  Фирдавсӣ

 

1 к. Н. Қарабоев, назди бинои 23         Шаҳраки 23

2 к. Н. Қарабоев, назди бинои 26 а      Шаҳраки 24

3 к. Мир-Алӣ, назди бинои 116              Шаҳраки 42

4 к. Деҳотӣ, назди бинои 23                  Шаҳраки 46

5 к. 50-солагии Тоҷикистон 19               Шаҳраки 61

6 к. Борбад, назди бинои 64                  Шаҳраки 62

7 к. Фирдавсӣ, бинои 99                         Шаҳраки 63

8 к. Фирдавсӣ, назди 35                          Шаҳраки 64

9 к. Фирдавсӣ, назди бинои 5/8              Шаҳраки 65

10 к. Фирдавсӣ, назди бинои 9/7            Шаҳраки 65

11 к. Р. Амакиев – 18                               маҳаллаи  Маърифат

12 к. Гузарбоғ – 2/8                                  маҳаллаи  Маърифат

13 к. Есенин – 47/2                                  маҳаллаи  Коргарон

14 Гуз.-5 , к. Калтакдорони сурх 13/1     маҳаллаи  Гулбута

15 К. Крупская  - 1                                   маҳаллаи  Крупская

16 К. Крупская  - 2, бинои 22,                 маҳаллаи  Крупская

17 Салоҳхонаи  ҶДММ “Фабрикаи         Маҳаллаҳои  Ором

шири Саодат”                                           Алачабофон, Бӯстон,

Дӯстӣ, Ҳосилот, Дарвоз,

Шодиёна, Машъал, Наврӯз

18 Салоҳхонаи  ҶДММ “Ангара”,             Маҳаллаҳои Равшангарон ва Яккачинор

маҳаллаи Роҳи нави н.Синои

ш.Душанбе

ноҳияи  Сино

 

1 маҳаллаи Пахтакор                                 м.Пахтакор 70

2 маҳаллаи Борбад                                    К.Тургенов 27

3 маҳаллаи Наврӯз                                     м.Наврӯз 280

4 маҳаллаи Фурӯзон                                   Ҷойи ҷамъиятӣ

5 к. Раҳмон Набиев                                     м. Роҳи – нав  196

6 к. К. Хуҷандӣ                                             м. Роҳи – нав 196

7 маҳаллаи Чортут                                      м. Роҳи – нав

8 маҳаллаи  Роҳи – нав                               м. Роҳи  - нав

9 маҳаллаи Яккачинор                                 м. Роҳи  - нав

10 маҳаллаи Карамиршикор                        м. Лермонтов 3

11 маҳаллаи Мовароунаҳр                           к. Ҳувайдуллоев 12

12 маҳаллаи Дустӣ                                        к. Ҳувайдуллоев 12

13 маҳаллаи Хайёти нав                               м. Ҳайёти нав 73

14 маҳаллаи Шишхона                                  м. Ҳайёти нав 313

15 маҳаллаи Меҳнатобод                             м. Роҳи – нав 196

16 маҳаллаи Чортеппа                                  м. Чортеппа 47

17 маҳаллаи Бунёдкорон                              м. Бунёдкорон 24

18 маҳаллаи Ободкорон                               м. Ободкорон 70/2

19 маҳаллаи Испечан – 1                              назди Сафорати  Амрико

20 маҳаллаи Испечак – 2                               назди Сафорати  Амрико

21 маҳаллаи Лучоби  боло                             м. Лучоби боло 80

22 маҳаллаи Лучоби  поён                             м. Лучоби боло 80

23 маҳаллаи Комсомол

24 маҳаллаи Камонгарон                                Роҳи нав 196

25 Ҳисорак                                                        Роҳи нав 196

26 Казоқон – 1                                                   Қазоқон – 27  

27 Қазоқон – 2                                                   Қазоқон – 27 

28 Панҷрӯд                                                        Панҷрӯд – 125 

29 Навободи - боло                                           Навободи - боло 163

30 Навободи - поён                                           Навободи  - поён 163

31 Ҳамадонӣ                                                      Ҳамадонӣ – 27/3

32 Деҳи - боло                                                    Деҳи – боло 200

33 Шараф

34 Меҳробод

ноҳияи  И. Сомонӣ

1 хиёбони  Ҳ. Шерозӣ                                    дар назди МБГ – 2

 

 

Ҷумъа, Авг 02 2019

  

   Дар нимсолаи 1-ми соли 2019 қисми даромади буҷети ш.Ҳисор 104,5 фоиз таъмин гардид, ки нисбат ба нақша 3,8 млн. сомонӣ ва дар қиёс бо ҳамин даври соли гузашта 10 млн. сомонӣ зиёд аст. Корхонаҳои саноатии шаҳр дар ин давра ба миқдори 99,9 млн сомонӣ маҳсулот истеҳсол намуданд, ки нисбат ба ҳамин давраи соли гузашта 13 млн сомонӣ зиёдтар аст. Ҳаҷми маҳсулоти кишоварзӣ бошад ба 214 млн 526 ҳазор расидааст, ки дар қиёс бо соли 2018 11 млн 519ҳазор ҳазор сомонӣ афзоиш ба назар мерасад. Дар ин бора зимни нишасти матбуотӣ Шарифҷон Ҷумазода, раиси ш.Ҳисор хабар дод.

    Тавре Шарифҷон Ҷумазода зикр намуд, сафари сайёҳон аз ҷумла сайёҳони хориҷӣ ба шаҳр зиёд гардида 87 ёдгориҳои таърихӣ дар ҳолати хуб қарор дошта, дар ин самт хизматрасонӣ низ хуб ба роҳ монда шудааст. 45 ҳазору 819 нафар сайёҳон ба Ҳисор сафар кардаанд, ки аз он 4 ҳазору 76 нафар шаҳрвандони кишварҳои дигар мебошанд. 

   Гуфта шуд, ки дар самти ободонии маҳал давоми 6 моҳ аз ҷониби аҳолӣ, соҳибкорон ва мақомоти иҷроияи ҳокимияти давлатии шаҳр 143 км. роҳҳо мумфарш, шағалпӯш ва таъмир гардиданд. Сохтмони 89 синфхонаҳои иловагӣ дар назди 19 муассисаҳои таълимии шаҳр идома дошта бо 2225 ҷойи нишаст дар 1 баст то моҳи сентябр ба анҷом хоҳад расид. Бунёди 10 корхонаи саноатӣ, 11 биноҳои баландошёна, таъсиси хоҷагии коммуналӣ бо 80 воҳиди корӣ, таъсиси чунин хоҷагӣ дар ҷамоатҳо, нақшаи минбаъдаи таъмири роҳҳу пул, дарёфти сарчашмаҳои нави андоз, баланд бардоштани маърифати шаҳрвандӣ, афзоиши аҳолӣ, ки дар 3 соли охир беш аз 29 ҳазор зиёд гардидааст, низ аз мавзӯҳое буданд, ки хабарнигорон бештар таваҷҷӯҳ карданд. 

 

 

Панҷшанбе, Авг 01 2019

 

    Бо дастгирии Иттиҳоди Аврупо, Созмони озуқаворӣ ва кишоварзии Созмони Милали Муттаҳид ва дар ҳамкории зич бо Агентии обуҳавошиносии Кумитаи ҳифзи муҳити зист дар ш.Турсунзода Стансияи автоматии агрометеорологӣ, шабакаи пилотии агрометеорологӣ ба кор шурӯъ кард. Шабакаи пилотии агрометеорологӣ барои татбиқ намудани усулҳои нави ҷамъоварӣ ва таҳлили маълумоти обу ҳаво бо мақсади дастрас намудани огоҳии пешакӣ дар бораи иқлим, бемориҳои растанӣ ва пешгӯии ҳосил ба деҳконон нигаронида шудааст.

    Бино ба иттиллои аз маркази матбуоти намояндагии Иттиҳоди Аврупо ба мухбири СССР расида, шабакаи пилотӣ аз 3 стансияи автоматии агрометеорологӣ иборат аст, ки дар 3 минтақаи мухталиф бо навъҳои хоси зироат-токзор дар ш. Турсунзода, зардолузор дар ш.Конибодоми вилояти Суғд ва пахта дар н.Ҷалолиддини Балхии вилояти Хатлон насб карда мешаванд.

   Истифодаи иттилооти агрометеорологӣ дар соҳаи кишоварзӣ хеле муҳим аст, зеро ҳар як ҷабҳаи фаъолияти кишоварзӣ аз обу ҳаво вобаста аст. Бо банақшагирии дақиқ ва тадқиқот, агрометеорология ба фермерон барои қонеъ кардани талаботи ҷаҳонӣ ба озуқаворӣ ва дигар маҳсулоти кишоварзӣ кӯмак мерасонад. Шароити пешгӯинашавандаи обу ҳаво, ки аз сабаби тағирёбии иқлим ва дигар зуҳуротҳои метеорологӣ ба вуҷуд меоянд, талаботро ба маълумоти дақиқи обу ҳаво зиёд кардаанд.

   -Ҳайати Иттиҳоди Аврупо бо ФАО ва шарикони миллӣ ҷиҳати таъсиси системаи самаранок ва устувори агрометеорологӣ дар Тоҷикистон ҳамкории зич дорад. Пас аз насб ин система баҳри тақвият додани соҳаи кишоварзӣ дар Тоҷикистон тавассути фароҳам овардани чораҳои пешгирикунанда, ки таъсири вазъи обу ҳаворо, хусусан хушксолиро, ба соҳаи кишоварзӣ пешгирӣ мекунанд, пешбинӣ шудааст, таъкид кард Сафири ИА дар Тоҷикистон Мэрилин Ҷозефсон дар маросими ифтитоҳи ин стансия дар ш.Турсунзода.

 

саҳ 2 аз 109

Китобҳо

Flag Counter