Дафтари матбуоти Кумитаи рушди сайёҳӣ хабар медиҳад, ки ширкати сайёҳии “Морхӯр” дар мавзеи Обидараи ҷамоати деҳоти Саричашмаи н.Ш.Шоҳин меҳмонхонаи “Шикорчиён”-ро бунёд намуд. Ин меҳмонхона аз 2 ошёна ва 15 кат иборат аст. Ноҳияи Шамсиддини Шоҳин барои рушди сайёҳии экологӣ, кӯҳнавардӣ, хоса, сайёҳии шикор имкониятҳои зиёд дорад. Ёдгориҳои таърихӣ, чашмаҳои шифобахш, куҳҳои баланд, манзараҳои зебои табиӣ, ҳайвоноти нодир ва мамнуъгоҳи «Дашти Ҷум»-и ноҳия диққати сайёҳони дохилӣ ва хориҷиро ба худ ҷалб менамоянд.