Президенти Узбекистон Шавкат Мирзиёев дар ҷараёни сафари кориаш ба ноҳияи Янгийӯли вил.Тошканд ба таври ногаҳонӣ аз беморхонаи ин ноҳия боздид кард. Ӯ зимни боздид аз бемороне, ки дар шуъбаҳои бемориҳои чашм ва кардиология табобат мегиранд, аёдат карда, ба мақомоти масъули соҳаи тандурустӣ фармон дод, то барои бозсозии ин бемористон маблағ ҷудо кунанд. Аз ҷумла бо фармони президент бинои бемористони Янгийӯл бояд куллан тармим шавад ва дар ин ҷо табобати беморон бо дастгоҳҳои муосир дар 20 самтро ба роҳ бимонанд. Мирзиёев гуфт, аз дидани шароите, ки беморон дар инҷо табобат мегиранд, ашки чашмаш ҷорӣ шуд: "Хеле аламовар буд дидани катҳо ва бинои ин бемористон, ки дар як ҳолати фарсуда қарор дорад.”