ХАБАРИ ДОҒ
Чоршанбе, Авг 14 2019

Калимаи «иҷборӣ» дар ҳама давру замон, дар ҳама кору фаъолияти инсонҳо ягон хосияти хуб надошт, надорад ва нахоҳад дошт! «Иҷборӣ» танҳо ба шахсони тундрав ва тундгарое дахл дорад, ки қонуншиканӣ намуда, ба қонунҳои давлат итоат намекунанд. Дар асл «иҷборӣ» ин поймол намудани ҳуқуқи инсон аст, ки дар шаклҳои зерин ба назар мерасанд:

-Роҳбарони ҲНИТ с.1992 аз пошхӯрии давлати Шӯравӣ истифода карда, хостанд «иҷборӣ» Тоҷикистонро давлати исломӣ кунанд, вале зуд шикаст хӯрданд.

-ҲНИ с.2015 хост, мусалмонҳои суннимазҳабро бо роҳбарии хоҷагони хориҷиашон «иҷборан» ба шиамазҳабӣ табдил диҳанд, аммо тирашон хок хӯрд.

-Мусалмонҳои дунё «мӯъмин-бародари мӯъмин» гуфта, бо нидоҳои «Оллоҳу Акбар!» «иҷборан» ҳамдигарро сар мезананд.

-Китобҳои навқаламони худрӯро «иҷборан» ба мардум бо нархи гарон фурӯхтем,у касе ҳатто онҳоро варақ ҳам намезанад.

-«Гӯшаеро обод мекунем» гуфта, аз мардум «иҷборан» пул ғундоштем, аммо баръакс гулистонро ба чӯлистон табдил додем.

-Соли 2015-ро «Соли оила» эълон кардем. Аз сабаби он ки нақша-чорабиниҳо «иҷборӣ» буд, ба тақаллубу риёкориҳо роҳ додем. Дар натиҷа тибқи нишондоди омор с.2016 дар ҷумҳурӣ 8861 оила пош хӯрда бошад, ин нишондод дар с.2017 ба 10.100 расид, ки нисбати соли қаблӣ 1239 нафар зиёд шуд.

-Ҷавононро «иҷборан» ба хизмати ҳарбӣ бурдем!

-Ба хотири «иҷборан» тарғиб кардани манъи тамошои филмҳои туркӣ мардум туркгаро шуда истодаанд.

-Мардумро «иҷборан» ба рӯзномаву маҷаллаҳо обуна кунонидем, аммо хонданро фаромӯш кардем (бо истиснои рӯзномаҳои озод, чунки иҷборӣ нестанд).

-Бо супориш чиптаҳоро ба идораву муассисаҳо «иҷборан» мефурӯшанд. Вале аксари кормандон ба тамошои намоишномаҳо намеоянд, ё кӯдакро равон мекунанд, ки ин боиси халалрасонӣ ба рафти намоишномаҳо мегардад.

-Роҳбарону масъулон барои пур кардани толорҳо, гузаронидани маҷлису ҷамъомад ва дигар чорабиниҳо таваҷҷуҳи мардумро на бо роҳи табиӣ, балки сунъӣ-«иҷборан» ҷалб менамоянд…

Хуллас, на ба таври маҷбуриву таҳдид ва зӯру фишор, балки танҳо бо фаҳмондадиҳӣ, ташвиқу тарғиб ва ҳавасмандкунӣ завқи мардумро бедор кардан мумкин асту халос!

Табаралӣ Авсақолов,

узви Ихвон-ал-СССР, н.Фархор

 

Ҷумъа, Авг 09 2019

   Нархи 1 кило гӯшти гов имрӯз дар растаи гӯштфурӯшони бозори «Саховат»-и пойтахт 47 сомониро ташкил медиҳад. Нархи 1 кило гӯшти гӯсфанд 45 сомонӣ арзиш дошта, ҳамарӯза ба бозор то 350 кило гӯшти гов ва то 200 кило гӯшти гӯсфанд ворид карда мешавад.

   Тавре дар сӯҳбати ихтисосӣ бо мухбири СССР Сайвалӣ Сабзаев, директори КВД «Бозори «Саховат» иброз намуд, бо мақсади ғановати бозор ва таъмини аҳолӣ бо маҳсулоти хушсифати ниёзи аввалия рӯзи 8.08.2019 аз 3 ноҳияи вилояти Хатлон 4220 кило пиёзу картошка, сабзиву қаламфури булғорӣ, помидору бодиринг ворид карда шуда, дар ярмаркаи ташкилнамудаи маъмурияти бозор бо нархи дастрас ба фурӯш гузошта шудааст. Воридоти маҳсулоти кишоварзӣ аз хоҷагиҳои деҳқонии вилояти Хатлон ба бозор имрӯзу фардо низ давом хоҳад ёфт.

   Нархи 1 кило пиёз ҳамин ҳоло дар бозори «Саховат» 2 сомонӣ, помидор 3 сомонӣ, бодиринг-2 сомонӣ, боимҷон-1,5 сомонӣ, картошка-2 сомониро ташкил медиҳад. Арзиши меваю сабзавот низ назар ба дохили бозор нисбатан арзон буда, қимати 1 кило ангуру шафтолу ва себ аз 6 то 8 сомониро ташкил менамояд.

    Директори бозори мазкур таъкид менамояд, ки дар сурати даст ба фиребу гаронфурӯшӣ задани гӯштфурӯшон харидорон метавонанд ба ситоди маъмурияти бозор муроҷиат намоянд.

 

Ҷумъа, Авг 09 2019

   1 кило гӯшти гов имрӯз дар бозорҳои «Фаровон» ва «Ҳоҷӣ Шариф»-и ш.Бохтар 45 сомониро ташкил намуд. Гӯшти гӯсфанд 43-45 сомонӣ арзиш дошта, равғани думбаро хоҳишмандон бо нархи 40-45 сомонӣ барои 1 кило метавонистанд харидорӣ намоянд.

   Дар баробари гӯшт нархи меваю сабзавот низ дар арафаи Иди саиди Қурбон ба маротиб боло рафт. Ҳамин ҳоло дар бозорҳои номбурда нархи 1 кило себ 10-30 сомонӣ, нок 10-20 сомонӣ, 1 дона банан 3,5-4 сомонӣ, 1 кило помидор 5-8 сомонӣ, 1 дона тарбуз 15-30 сомонӣ, 1 кило шафтолу 10-15 сомониро ташкил менамояд.

   Сулаймон Саидов, 1 сокини н. Кӯшониён, ки дар бозори марказии ш.БОхтар харид менамуд, дар сӯҳбат бо мухбири СССР афзуд, ки дирӯз 8.08.2019, соати 19:20 гӯштфурӯшон нархи 1 кило гӯшти говро то ба 60 сомонӣ бардоштанд, вале дар назди дӯконҳо навишта шуда буд, ки нархи гӯшт 45 сомонист…

 

Баҳодур Уроқов, СССР, Хатлон 

 

Панҷшанбе, Авг 08 2019

  Аслиддин Осимӣ, профессор, табиби маъруфи тоҷик шаби 7.08.2019 дар ш.Душанбе дар синни 86-солагӣ вафот кард. Маросими видоъ бо эшон имрӯз баргузор гашта, Аслиддин Осимиро дар қабристони Сари Осиёи пойтахт ба хок супурданд.

   Профессор Аслиддин Осимӣ асосгузори соҳаи урология дар Тоҷикистон дониста шуда, ӯ нахустин урологи тоҷик аст, ки дар доираҳои илмии Россия, Украина, Беларус, Қазоқистон ва Қирғизистон машҳур аст. Мавсуф то рӯзҳои охирини умраш дар таълими насли ҷавон фаъолона саҳм мегузошт.

 

 

Панҷшанбе, Авг 08 2019

 

Дар яке аз шумораҳои гузашта хонандаи доимии газетаи СССР аз ш.Истаравшан, маъюби гуруҳи 1, Ҳаким Ҳомид дар мавриди чӣ тавр маҳву нобуд кардани партовҳои тиббӣ дар кишвар пурсон шуда буд. Таври маълум, амру дархости ҳар хонанда, барои мо «супориши партиявист!» Зимнан саъй намудем дар якҷоягӣ бо мутахассисони Сарраёсати назорати давлатии санитариву эпидемиологии Вазорати тандурустӣ ва ҳифзи иҷтимоии ҶТ мавзӯро пайгирӣ намуда, ба суоли Ҳаким ҷавоб бидиҳем. Мо Метавонем!

Ҷамъоварӣ, нигоҳдорӣ зери назар аст!

Тавре дар сӯҳбат бо мухбири СССР Муродалӣ Меликов, сардори шӯъбаи гигиенаи коммуналӣ ва кӯдаконаи Сарраёсати назорати давлатии санитариву эпидемиологии Вазорати тандурустӣ гуфт, нобуд кардани партовҳои тиббӣ дар кишвар тибқи «Қоидаҳои ҷамъоварӣ, нигоҳдорӣ ва бартарафкунии партовҳои муассисаҳои табобатию профилактикӣ» сурат мегирад.

-Партови муассисаҳои тиббию профилактикӣ ба 5 гурӯҳ-гурӯҳҳои А-бехатар, Б-хатарнок, В-ниҳоят хатарнок, Г-партовҳое, ки бо таркибашон ба партовҳои саноатӣ наздиканд ва Д-партовҳои радиоактивӣ ҷудо мешаванд. Дар ҳар 1 муассисаи тиббӣ барои ин партовҳо аз рӯи гурӯҳбандӣ қуттиҳои хос гузошта шуда, ҳамарӯза ҷамъоварӣ ва дар печкаҳои калон тариқи сӯзонидан нобуд карда мешаванд. Беморхонаҳои калон, маҷмааҳои тандурустӣ ва шаҳракҳои шифобахшӣ ҳатман чунин печкаҳо доранд ва партовҳои дар мӯҳлати 1 шабонарӯз ҷамъшуда-сӯзандору, докаву пахтаву шишаи маводи дорувории истифодашударо, ки одатан безараранд, дар ин печкаҳо месӯзонанд. Марказҳои саломатӣ ва бунгоҳҳои тиббӣ ё муассисаҳои хурди тиббию профилактикӣ тариқи шартнома ва ҳамкорӣ партовҳои тиббии хешро оварда, дар печкаҳои муассисаҳои калон нест мекунанд. Ҳар 1 сӯзандору, шишаи дору ва асбобу лавозимоти истифодашудаи тиббӣ ҳатман ба қайд гирифта шуда, ҷамъоварӣ, нигоҳдорӣ ва маҳв карданаш низ зери назорат ва санад аст, - қайд намуд Меликов.

Тамоми партовҳо аввал ба қайд гирифта, пас аз муоина ба қуттӣ ё пакетҳои хос андохта шуда, барои нобуд кардан фиристода мешаванд. Партовҳо аз рӯи гурӯҳбандӣ ва моҳияти бехатару хатарнок будан, ки ҳар 1 гурӯҳ тартиби ҷамъоварӣ, нигоҳдорӣ ва нест кардани хоси худро дорад, маҳв мегарданд ва барои ин кор дар ҳар муассисаи тиббӣ шахси масъул фаъолият мекунад. Пас аз маҳвшавӣ ҳатман дезинфексия сурат мегирад.

 

Ҳеҷ сирояте намемонад!

Дар мавриди партови таваллудхонаҳо ва партовҳои пас аз ҷарроҳиҳо пайдо шуда, ҳамсӯҳбати мо афзуд, ки барои нест кардани ин гурӯҳи партовҳо дар беморхонаю таваллудхонаҳо чоҳҳои калону чуқур мавҷуд буда, ин партовҳо пеш аз нобудкунӣ бо маводи кимиёӣ, аз ҷумла, хлор, дезинфексия карда мешаванд.

-Дар ҳар 1 таваллудхона чоҳҳои бузурги махсус мавҷуд аст ва партовҳои пас аз исқоти ҳамлу дигар амалиёт ва ҷарроҳиҳои хурди гинекологӣ ба даст омадаро мутахассисон дар ин чоҳҳо гӯр мекунанд. Чоҳҳо бо маводи кимиёвӣ пайваста дезинфексия мешаванд. Дар мавриди партовҳои пас аз ҷарроҳиҳои узвҳои бадан пайдо шуда низ инро метавон гуфт, ки маъмулан онҳо низ бо роҳи гӯр кардан маҳв карда мешаванд. Мардум бояд нигарон набошанд, ин кор зери назорати ҷиддӣ амалӣ ёфта, ҳеҷ сирояте аз худ намегузорад, - таъкид дошт М.Меликов.

 

Доруҳои пастсифат сӯзонда мешаванд

Дорувории мӯҳлати истифодабариашон гузашта, партовҳои доруворӣ ва маводи дорувории ташхисӣ, дезинфексионӣ, ки мӯҳлати истифодабариашон гузашта аст, дар худи бемористонҳо ва бухориҳои махсус, тариқи сӯзонидан нобуд карда мешаванд.

Ҷ. Мақсуд, СССР

 

Чоршанбе, Авг 07 2019

   Рустами Эмомалӣ, раиси ш.Душанбе бо 1 қарори вежаи худ ҷойҳои муваққатии забҳи чорворо дар арафаи Иди саиди Қурбон муайан ва тасдиқ кард.

   Тибқи рӯйхати тасдиқгардида, сокинони пойтахт метавонанд дар ҷойҳои зерин чорворо забҳ намоянд.

ноҳияи Шоҳмансур

 

№     Номгӯи ҳудудҳо ва

маҳаллаҳои вобасташуда        Ҷои забҳи чорво

1 Бадахшон – 1                              Ҷойи ҷамъиятӣ,

кӯчаи Хоруғ 207 – 210

2 Бадахшон – 2                              Ҷойи ҷамъиятӣ,

кӯчаи А. Шукӯҳӣ 44

3 Шаҳраки 192 – 193                      Квартали 15, назди ситоди шаҳрӣ

4 Шаҳраки Хайробод                      Назди масҷиди ҷомеъ

кӯчаи Хайробод – 210

5 Бӯстон – 1                                     Ҷойи ҷамъиятӣ,

кӯчаи Бӯстон – 107

6 Бӯстон – 2                                      кӯчаи Қаротегин 3, хонаи 123

7 Гулобод                                          Назди ошхонаи «Неъмат»

8 К. Хуҷандӣ                                      Ҷойи ҷамъиятӣ,

кӯчаи Ч. Имомов 36/2

9 к.Зебунисо                                      теппаи Шарқӣ, минтақаи  9

10 м. Ховарон                                    теппаи Шарқӣ, минтақаи  9

11 м.Чиноро                                       Ҷойи ҷамъиятӣ,

кӯчаи Назаршоев 374

12 м. Шодӣ                                         Ҷойи ҷамъиятӣ,

кӯчаи Шодӣ 65

13 Шоҳмансур – 2                               Кӯчаи Восеъ, хонаи 89

14 Шоҳмансур – 3                               Кӯчаи Восеъ, хонаи 2

15 Маркази савдои “Ховарон”            Кӯчаи “Ховарон”

16 Маҳаллаи Бедил                            Ҷойи ҷамъиятӣ,

кӯчаи Назаршоев 184

17 Восифӣ                                            кӯчаи Восифӣ 1, назди масҷиди марказӣ

18 Маҳаллаи Чиноро – 2                     Ҷойи ҷамъиятӣ,

кӯчаи Назаршоев 102б

 

ноҳияи  Фирдавсӣ

 

1 к. Н. Қарабоев, назди бинои 23         Шаҳраки 23

2 к. Н. Қарабоев, назди бинои 26 а      Шаҳраки 24

3 к. Мир-Алӣ, назди бинои 116              Шаҳраки 42

4 к. Деҳотӣ, назди бинои 23                  Шаҳраки 46

5 к. 50-солагии Тоҷикистон 19               Шаҳраки 61

6 к. Борбад, назди бинои 64                  Шаҳраки 62

7 к. Фирдавсӣ, бинои 99                         Шаҳраки 63

8 к. Фирдавсӣ, назди 35                          Шаҳраки 64

9 к. Фирдавсӣ, назди бинои 5/8              Шаҳраки 65

10 к. Фирдавсӣ, назди бинои 9/7            Шаҳраки 65

11 к. Р. Амакиев – 18                               маҳаллаи  Маърифат

12 к. Гузарбоғ – 2/8                                  маҳаллаи  Маърифат

13 к. Есенин – 47/2                                  маҳаллаи  Коргарон

14 Гуз.-5 , к. Калтакдорони сурх 13/1     маҳаллаи  Гулбута

15 К. Крупская  - 1                                   маҳаллаи  Крупская

16 К. Крупская  - 2, бинои 22,                 маҳаллаи  Крупская

17 Салоҳхонаи  ҶДММ “Фабрикаи         Маҳаллаҳои  Ором

шири Саодат”                                           Алачабофон, Бӯстон,

Дӯстӣ, Ҳосилот, Дарвоз,

Шодиёна, Машъал, Наврӯз

18 Салоҳхонаи  ҶДММ “Ангара”,             Маҳаллаҳои Равшангарон ва Яккачинор

маҳаллаи Роҳи нави н.Синои

ш.Душанбе

ноҳияи  Сино

 

1 маҳаллаи Пахтакор                                 м.Пахтакор 70

2 маҳаллаи Борбад                                    К.Тургенов 27

3 маҳаллаи Наврӯз                                     м.Наврӯз 280

4 маҳаллаи Фурӯзон                                   Ҷойи ҷамъиятӣ

5 к. Раҳмон Набиев                                     м. Роҳи – нав  196

6 к. К. Хуҷандӣ                                             м. Роҳи – нав 196

7 маҳаллаи Чортут                                      м. Роҳи – нав

8 маҳаллаи  Роҳи – нав                               м. Роҳи  - нав

9 маҳаллаи Яккачинор                                 м. Роҳи  - нав

10 маҳаллаи Карамиршикор                        м. Лермонтов 3

11 маҳаллаи Мовароунаҳр                           к. Ҳувайдуллоев 12

12 маҳаллаи Дустӣ                                        к. Ҳувайдуллоев 12

13 маҳаллаи Хайёти нав                               м. Ҳайёти нав 73

14 маҳаллаи Шишхона                                  м. Ҳайёти нав 313

15 маҳаллаи Меҳнатобод                             м. Роҳи – нав 196

16 маҳаллаи Чортеппа                                  м. Чортеппа 47

17 маҳаллаи Бунёдкорон                              м. Бунёдкорон 24

18 маҳаллаи Ободкорон                               м. Ободкорон 70/2

19 маҳаллаи Испечан – 1                              назди Сафорати  Амрико

20 маҳаллаи Испечак – 2                               назди Сафорати  Амрико

21 маҳаллаи Лучоби  боло                             м. Лучоби боло 80

22 маҳаллаи Лучоби  поён                             м. Лучоби боло 80

23 маҳаллаи Комсомол

24 маҳаллаи Камонгарон                                Роҳи нав 196

25 Ҳисорак                                                        Роҳи нав 196

26 Казоқон – 1                                                   Қазоқон – 27  

27 Қазоқон – 2                                                   Қазоқон – 27 

28 Панҷрӯд                                                        Панҷрӯд – 125 

29 Навободи - боло                                           Навободи - боло 163

30 Навободи - поён                                           Навободи  - поён 163

31 Ҳамадонӣ                                                      Ҳамадонӣ – 27/3

32 Деҳи - боло                                                    Деҳи – боло 200

33 Шараф

34 Меҳробод

ноҳияи  И. Сомонӣ

1 хиёбони  Ҳ. Шерозӣ                                    дар назди МБГ – 2

 

 

саҳ 8 аз 115

Китобҳо

Flag Counter