Фаъолияти низоми кортҳои пардохт дар Ҷумҳурии Тоҷикистон аз соли 1998 оғоз шуд ва то ба имрӯз ташкилотҳои қарзӣ зина ба зина воситаҳои нави ҳисоббаробаркуниҳои ғайринақдиро татбиқ ва доираи истифодаи онҳоро васеъ намуда истодаанд. Рушди инфрасохтори ин низом пеш аз ҳама аз таъмини талаботи дорандагони кортҳо вобаста аст.
Мувофиқи маълумоти омории гумрукии Хадамоти гумруки назди ҳукумати ҶТ, гардиши тиҷоратӣ – хориҷии Ҷумҳурии Тоҷикистон дар нимсолаи аввали соли 2016 дар маҷмӯъ ба маблағи 1 милиарду 918, 4 миллион доллари ИМа-ро ташкил намуда аз ин рақам 1 миллиарду 499,8 миллион долари амрикоӣ ба воридот ва 418,6 миллион доллари ИМА ба содироти мол рост меояд.
Дар 6 моҳи аввали соли равон нақшаи ситонидани пардохтҳои гумрукӣ аз ҳисоби воридоти мол ва воситаҳои нақлиёт ба андозаи 1956,9 миллион сомонӣ, аз ҷумла, аз ҳисоби воридоти андоз аз арзиши иловашуда 1502,3 миллион сомонӣ, боҷи гумрукӣ 298,8 миллион сомонӣ, андози аксизӣ 118,4 миллион сомонӣ ва аз ҳисоби воридотҳои ғайриандозӣ 37,4 миллион сомонӣ пешбинӣ гардида, дар асл, дар ин давра ба буҷаи давлатӣ бо назардошти тамоми сарчашмаҳои даромад 1 696,1 миллион сомонӣ ворид карда шуд, ки он ба 86,7% нақшаи пешбинишуда баробар аст.
Бино ба иттиллои Абдуфатоҳи Ғоиб, сардори Хадамоти гумруки назди Ҳукумати ҶТ, дар ин давра танҳо аз ҳисоби коҳишёбии арзиш ва миқдори 20 номгӯи молҳои воридотӣ, ба ҳисоби миёна 377,3 миллион пардохтҳои гумрукӣ ситонида нашуд, ки омили он дар баробари коҳиш ёфтани ҳаҷм ва арзиши моли воридотӣ, боз хуруҷи бӯҳрони молиявии иқтисодӣ низ мебошад.
СССР
Aз хӯрдани май манъ кунандам, ки ҳаром аст,
Чизе, ки дар ин шаҳр ҳалол аст, кадом аст???
Бедил
Маҳмадсаид Убайдуллоев, раиси шаҳри Душанбе дастур додаст, ки барои сохторҳои марбутаи Агентии захираҳои моддии давлатии назди Ҳукумати Ҷумҳурии Тоҷикистон, Раёсати Иттифоқи «Тоҷикматлубот», соҳибкорону тоҷирон, ки маҳсулоти ниёзи аввалия ва кишоварзиро бевосита ва бе миёнаравҳо дар бозорҳои шаҳр ба фурӯш мебароранд, шароит фароҳам оварда, дар ин замина онҳоро аз пардохти ҷамъоварии маблағҳои чиниши яквақта озод намоянд ва ҳангоми аз ҷониби фурӯшандаҳо иҷро нашудани муқаррароти дастури мазкур, беасос баланд кардани нархи маҳсулот, фаъолияти минбаъдаи онҳоро дар бозорҳои коммуналӣ қатъ гардонанд. Қарори марбут дар ин бора рӯзи 22.06.2016 ба тасвиб расида он ба Корхонаҳои воҳиди давлатии «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе», «Бозори Деҳқон», «Бозори Шоҳмансур», «Бозори Саховат» «Маҷмааи савдои Пойтахт-90» дахл дорад.
Аз 01.01.2017 ҳамаи намуди савдо ва хизматрасонӣ дар кишвар ба воситаи кортҳои пардохтии бонкӣ амалӣ хоҳад ёфт.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
