Бештари шикоятҳои онҳое, ки бо компутер сару кор доранд, мушкилоти марбута ба биноӣ мебошад ва ин мушкилоти биноӣ ношӣ аз компутер бо номи «Синдроми биноии компутер» шинохта шудааст. Хастагӣ ва хушкшавии чашм ва наздикбинӣ ин ҳама бар асари муддати тӯлонӣ кор намудан бо компутер ба миён хоҳанд омад.Тамошои бардавоми телевизор зиёновар хоҳад буд, меафзоянд табибони чашм: «Илова бар ин сафҳаи намоиши компутер маводеро дорост, ки метавонад мушкилиҳои зиёдеро эҷод кунад».
Ҷаноби Эмомов мегӯянд, хира шудани чашм ба сафҳаи намоиш, шумораи мижа заданро коҳиш дода, боиси хушкии биноӣ мегардад. Пас аз ҳар 20 ё 30 дақиқа, ки шахс дар муқобили сафҳаи намоиши компутер ва телевизор қарор мегирад, бояд ҳадди ақал аз 20 то 30 сония чашми хешро истироҳат диҳад. Зеро он ба дида кӯмак менамояд, то нарм шуда, рефлексҳои чашмӣ, ки дар ин хусус фаъол буданд, истироҳат кунанд, то мушкилот ба вуҷуд наояд.
Баҳодур Уроқов СССР, вилояти Хатлон