ХАБАРИ ДОҒ
Панҷшанбе, Авг 09 2018


2.08.1930. Дар наздикии шаҳри Воронеж аввалин бор дар ҷаҳон десанти ҳавоӣ фароварда шуд. Ин рӯзро дар собиқ СССР чун Рӯзи нерӯҳои десантӣ-ҳавоӣ бо тантана ҷашн мегирифтанд.
2.08.1933.Дар Иттиҳоди Шӯравӣ канали Беломоро-Балтийск ифтитоҳ ёфт. Ин канал баҳри Сафедро бо кӯли Онега мепайваст ва 227 км масоҳат дошт. Канал ба номи Сталин гузошта шуд, ки яке аз сохтмонҳои бузурги 5-солаи аввал ба шумор мерафт. Иншооти мазкур пурра бо дасти маҳбусон сохта шуда буд.
2.08.1934. Баъди марги президенти Олмон Гинденнбург, Адолф Гитлер фюрери миллати немис эълон карда шуд.

2.08.1946. Дар СССР генерал-лейтенант А.А.Власов-фармондеҳи Артиши озодибахши Русия ба қатл расонида шуд. Ӯ с.1942 худро ба немисҳо таслим кард ва яке аз афсарони олирутбаи шӯравӣ буд, ки бо немисҳо ҳамкории зич дошт.
3.08.1929.Дар СССР аввалин стансияи автоматикунонидаи телефонӣ (АТС) ба кор шурӯъ кард.

Панҷшанбе, Авг 02 2018


25.07.1918. ШКХ бо имзои В.Ленин қарореро ба тасвиб расонд, ки дар он яҳудиситези (антисемитизм)-ро "марг барои инқилоби коргару-деҳқон" унвон кард. Дар ҳақиқат бештари роҳбарони ҳизби болшевикӣ яҳудитабор буданд ва бадбинии онҳо инқилобро ногузир ба шикаст мунҷар мекард.
26.07.1917.Дар Петроград Анҷумани VI-и РСДРП (б) ба кори худ сар кард. Ин Анҷуман дар шароити нимапинҳонӣ мегузашт, чун хавфи бастани он аз ҷониби Ҳукумати муваққат хеле зиёд буд. Дар Анҷуман 267 вакил ширкат варзиданд, ки 162 ташкилоти ҳизбиро муаррифӣ мекарданд. Он шабу рӯз ҳизби сотсиал-демократи коргарии болшевикон 240.000 аъзо дошт. Аз роҳбарони олирутбаи ҳизб Ленин ва Зиновев дар хуфия ва Тротский бо Каменев бошанд дар ҳабс қарор доштанд, лиҳозо дар кори Анҷуман ширкат наварзиданд. Анҷуманро Сталин ва Свердлов роҳбарӣ карданд.

26.07.1917.Раиси ҳукумати муваққати Русия Александр Керенский бо тантана савганд ёд кард, ки тамоми кӯшишҳои барқарорсозии дубораи ҳукумати подшоҳиро дар Русия бераҳмона пахш хоҳад кард.

Панҷшанбе, Июл 26 2018


18.07.1921. Ҳукумати Русия аз тамоми кишварҳои хориҷӣ даъват кард, ки ба мардуми гуруснаи Поволже кумак кунанд. Ин аввалин дархости болшевикон барои ёрӣ аз кишварҳои капиталистӣ буд. Сабаби асосии гуруснагӣ дар навоҳии соҳили Волга ҷанги шаҳрвандии Русия буд. Дар натиҷаи ҷанг аз ҳама бештар навоҳии назди Волга зарар дид ва гуруснагӣ 35 губернияи Русияро печид. Теъдоди умумии мардуме, ки аз гуруснагӣ азият мекашиданд 40 млн нафар буд. Дар натиҷаи гуруснагӣ зиёда аз 5 млн одам ба ҳалокат расиданд.

18.07.1936. Дар Иттиҳоди Шӯравӣ аввалин мусобиқаи Ҷоми СССР оид ба футбол баргузор шуд. Дар ин мусобиқа 94 дастаи футбол ширкат варзид ва пирӯзиро дастаи Локомотиви Маскав ба даст овард. Дар бозии ниҳоӣ футболбозони Локомотив бо дастаи Динамои Тбилисӣ вохӯрда, бо ҳисоби 2:0 бар футболбозони гурҷӣ пирӯз шуданд.

Чоршанбе, Июл 18 2018


11.07.1918. Шӯрои Комиссарони Халқии (ШКХ) Русияи Шӯравӣ аввалин буҷаи шӯравиро барои ним сол ба тасвиб расонид.
11.07.1921. Дастаҳои артиши халқии Муғулистон бо кумаки Артиши Сурх, нерӯҳои ишғолгари Чин ва гвардиячиёни сафеди русро торумор карданд ва дар Муғулистон ҳокимияти шӯравӣ барқарор шуд.
11.07.1942. Дар деҳаи Туховежии вил.Ленинград ҷои истиқомати генерал Власов аз ҷониби аҳолии маҳаллӣ ба немисҳо фош карда шуд ва генералро сарбозони полки пиёданизоми 28-уми вермахт ба асорат гирифтанд. Аммо тибқи андешаи бархеи дигар, генерал худаш ба немисҳо таслим шуд ва мардуми маҳаллӣ дар таслими Власов нақш надоштанд.

11.07.1960. Ҳукумати Чехословакия эълон намуд, ки дар кишвараш сотсиализм ғалаба кард ва Чехословакия ба Ҷумҳурии Шӯравии Чехословак тағйири ном намуд.
12.07.1988. Шӯрои вилоятии Қарабоғи Кӯҳӣ эълон намуд, ки Қарабоғ аз ҳайъати Озарбойҷон берун меояд. Ин қарор заминасози ҷанги тӯлонии арману озарӣ шуд, ки шӯълаҳояш то ҳол хомӯш намешаванд.

Чоршанбе, Июл 11 2018


3.07.1936. Дар СССР Бозразии Давлатии Автомобилӣ (ГАИ) таъсис ёфт.
3.07.1948. Ҳукумати Албания аз тамоми шаҳрвандони югославӣ талаб кард, то оҷилан кишварро тарк кунанд. Ин талабот баъди муташанниҷ шудани муносибати Югославия бо СССР ба миён омад. Роҳбари коммунистони Албания Анвар Хоҷа, дар муноқиша миёни маршал Тито ва Иосиф Сталин, тарафи Сталинро гирифт.

3.07.1956. Президенти ИМА Дуайт Эйзенхауэр парвози тайёраҳои ҷосусии амрикоиро аз болои фазои ҳавоии СССР иҷозат дод. Тайёраҳои ҷосусии "У-2", ки дар баландии зиёд парвоз мекарданд, он шабу рӯз барои нерӯҳои зиддиҳавоии шӯравӣ дастнорас буданд. Ин вазъият то 1.05.1960 идома дошт ва бо суқути ҳавопаймои Фрэнсис Пауэрс ба поён расид.
4.07.1920. Дар СССР аввалин Театри давлатии кӯдакон ифтитоҳ ёфт. Ин театр аз ҷониби коргардони ҷавон-Наталия Саци 17-сола роҳандозӣ шуд.

Панҷшанбе, Июл 05 2018


26.06.1936. Ихтирокори немис Фоккех Вулф намунаи аввалин чархболро сохт. Ин чархбол "Fw-61" ном дошт ва бо муваффақият парвоз кард. Агар фюрер диққати бештар ба ин навъи силоҳ мекард, Олмон метавонист ҷанги ҷаҳонии дуввумро бо чархбол оғоз кунад.
26.06.1941.Дар рафти ҶБВ летчики шӯравӣ Николай Франтсевич Гастелло тайёраи осебдидаи худро ба болои таҷаммуъи тонкҳо ва мошинҳои немис равона кард. Барои ин қаҳрамонӣ ӯ бо унвони Қаҳрамони Иттиҳоди Шӯравӣ мукофотонида шуд.
26.06.1941.Бюрои сиёсии ҲК бо қарори махфии кӯчонидани бадани Ленинро ба Тюмен қабул намуд. Аллакай 3 июл комиссари бехатарии СССР Меркулов фармони махфии №00255-ро ба имзо расонид ва бадани Ленин ба Тюмен интиқол дода шуд.

саҳ 10 аз 29

Китобҳо

Flag Counter