ХАБАРИ ДОҒ
Чоршанбе, Апр 26 2017


Ба 1 манбаъи муътамад, 2 моҳ мешавад, ки омӯзгорони мактаби №3-и ноҳия ҳаққулзаҳмати худро нагирифтаанд. Ин мушкил, ба гуфти ҳамсуҳбати СССР, фақат дар ҳамин мактаби ноҳия будааст. Муаллимон бошанд, аз бепулӣ сарсону саргардонанд ва намедонанд, ки аз куҷо қарз пайдо кунанд…

Душанбе, Апр 03 2017


Салом, СССР! Дар н.Истаравшан бо вуҷуди пешравӣ камбудиҳо низ дар соҳаи мактабу маориф ҷой доранд, ки он мушкилии асосию хавфноктарин буда, бинобар бемасъулиятиву хунукназарии шахсони масъули Раёсати маориф, ҷамоати деҳот ва дигар бахшҳои Мақомоти иҷроияи ҳокимияти давлатии ш.Истаравшан ва мақомоти иҷроияи ҳокимияти давлатии вил.Суғд боиси ташвиши хонандагону омӯзгорон ва сокинони деҳоти Обҷувоз, Болғалӣ ва шаҳраки «Дилшод»-и ҷамоати деҳоти «Қалъачаи калон»-и ш.Истаравшан шудааст. Мисоли равшани ин гуфтаҳо бинои МТМУ №50 ба номи Шариф Каримови деҳаи Обҷувоз аст. Ин бино ҳанӯз с.1959 ба таври ҳашари умумихалқӣ бунёд шуда, айни замон дар ҳолати садамавӣ қарор дорад. Бояд гуфт, ки 1 қисми бинои ин мактаб бинобар корношоям шуданаш дар соли таҳсили 2008-09 бо ташаббуси сарвари мактаб ва бо иҷозати шахсони масъули шаҳр вайрон карда шуда, боз бо кӯмаку дастгирии сокинони деҳаҳои мазкур дар 1 гӯшаи саҳни мактаб бо хишти хому масолеҳи пастсифати сохтмонӣ тариқи ҳашари оммавӣ 10 синфхонаи иловагӣ сохта шуд. Мутаассифона, таҳкурсии бино с.1970 гузошта шуда, роҳравҳои бино хеле танг буда, бинобар дар дохили синфхонаҳо боз шудани дари синфхонаҳо ва ба талаботи зиддисӯхторӣ ҷавобгӯ набуданаш таҳсили хонандагонро дар ин бино ашхоси масъули ҚМҲ- 10-уми хадамоти давлатии оташфишони Истаравшан (Камолов Ф.) қатъиян манъ карданд. Вале раиси маорифи шаҳр (Фозилов Р.) дар якҷоягӣ бо мутасаддиёни Истаравшан бинои мазкурро бинобар сабаби ба синфхонаҳои таълимӣ эҳтиёҷот доштани хонандагон мавриди истифода қарор дода, аз тақдири насли наврас, ки ояндаи миллату давлатанд, андеша накарданд.
Ногуфта намонад, ки дар мактаби мазкур 692 нафар ба таҳсил фаро гирифта шудаанд, ки баҳри таълиму тарбияи онҳо 42 омӯзгори дорои маълумоти олӣ ва таҷрибаи бойи корӣ, пайваста заҳмат мекашанд. Дар мактаб бошад барои ҷалби хонандагон ба соҳаи варзиш ва гузаронидани ҷамъомаду чорабиниҳои мактабӣ тӯли чанд сол паст, ки толору майдончаи варзишӣ, толори маҷлисгоҳ, инчунин барои инкишофи зеҳнию равонии муҳассилин толори хониш ва китобхонае ба талабот ҷавобгӯ нест! Ҳарчанд, мо сокинон муддати чанд соли Истиқлолияти давлатӣ ҷиҳати бартараф кардани камбудӣ ва сохтмони наву замонавии мактаби мазкур ба унвонии мақомоти дахлдори шаҳру вил.Суғд муроҷиат намуда бошем ҳам, вале афсӯс, ки ба муроҷиати чандинкаратаи мо бо вуҷуди аз ин ҳолати ногувор бохабар будани шасхони масъули мақомотҳо ягон чораю тадбирҳои зарурӣ андешида нашуд. Ҳол он ки дар асоси ҷавобҳои бешумори аз тарафи масъулини мақомоти дахлдор ба мо дастрасшуда, бояд сохтмони мактаби нав аз буҷети вилоят дар рӯйхати иншооти сохтмони асосии вилоят дар солҳои 2014-15 ворид карда шуда, ба маблағи 1800000 сомонӣ бунёд карда мешуд, вале то имрӯз бо иваз шудани ҳар 1 роҳбар мушкилии мо ташвишовар боқӣ монда, ҷавобҳо рӯи коғаз мондааст! Ваъдабозиҳои ҳокимон то кай давом мекарда бошад?!


Хуршеди Азиз, Холов Мурод ва дигар сокинони
деҳаи Обҷувоз, ш.Истаравшан, тел: 92 608 28 28

Сешанбе, Март 14 2017


12.03.2017, тахминан соати 14:30-дақиқа, дар кӯчаи Деҳлавии пойтахт бо 3 нафар ҷавони синну солашон аз 23 то 30-сола, савдогарони бозори “Шоҳмансур”, сокинони ш. Душанбе ва н. Восеъ вохӯрда, аз сабаби муноқишаи ба миён омада, тартиботи ҷамъиятиро вайрон карда, ҳамдигарро лату кӯб кардаанд.
Чуноне ки ба мухбири СССР аз маркази матбуоти ВКД ҶТ хабар доданд, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия 4 нафар сокинони ш. Душанбе, ҷавонони аз 18 то 21-сола, 2 нафарашон донишҷӯёни донишгоҳҳои олӣ, бо гумони ҷинояти авбошӣ дастгир карда шуданд.
Нисбати далели мазкур парвандаи ҷиноятӣ оғоз шуда, тафтишот идома дорад.

СССР

Ҷумъа, Фев 17 2017

Президенти кишвар Эмомалӣ Раҳмон таъкид медорад, ки соҳаи маориф дар ш. Душанбе ба навсозӣ ва ислоҳоти ҷиддӣ ниёз дорад. Ҳукумат ба рушди илму маориф ва ба талаботи муосир мутобиқ гардонидани низоми таълиму тарбия таваҷҷуҳи аввалиндараҷа медиҳад. Аммо аз рӯи таҳлилҳо маълум мешавад, ки дар шаҳри Душанбе дар ин ҷода камбудиҳои ҳалталаб ниҳоят зиёд мебошанд.

 - Бо вуҷуди он ки дар замони истиқлолият дар шаҳри Душанбе 29 бинои таълимӣ ва биноҳои иловагӣ барои 24 ҳазор ҷойи нишаст сохта, ба истифода дода шудаанд, ҳоло ҳам дар шаҳр муассисаҳои таълимӣ ва томактабӣ намерасанд ва илова бар ин, сатҳу сифати дониши хонандагон ва одобу ахлоқи онҳо коста гардидааст. Вазъи фарогирии хонандагон ба мактабҳо нигаронкунанда буда, бо сабаби зиёд будани шумораи хонандагон дар муассисаҳои таълимӣ синфхонаҳо намерасанд ва бо истифода аз ин ҳолат баъзе талабагон ба беҳудагардӣ машғул мешаванд. Ба замми ин, зиёда аз 4500 нафар хонандагони шаҳру ноҳияҳои атроф ва дигар манотиқи кишвар дар муассисаҳои таълимии шаҳри Душанбе таҳсил мекунанд ва табиист, ки чунин вазъ боиси паст шудани сифати таълиму тарбия дар бештари мактабҳои пойтахт гардидааст. Бо сабаби зиёд будани хонандагон дар муассисаҳои таҳсилоти умумии шаҳри Душанбе ва ташкили дарсҳо дар 2 ва дар баъзе мактабҳо ҳатто дар 3 баст назорату идоракунӣ дар ин муассисаҳо хеле заиф гардида, сабаби коҳиш ёфтани сифати таълиму тарбия шудааст, - иброз дошт дар суханронии хеш бо фаъолони пойтахт Эмомалӣ Раҳмон.

Ҳамзамон сарвари давлат таъкид кард, ки сатҳи корҳои тарбиявӣ ва маърифатӣ коҳиш ёфта, омилҳои зикршуда сабабгори зиёд шудани ҳолатҳои коррупсионӣ дар низоми таҳсилоти миёнаи умумӣ ва томактабии шаҳри Душанбе гардидаанд. Дар шаҳр марказҳои беруназмактабӣ, маҳфилҳои ихтироъкорӣ ва дигар машғулиятҳое, ки баъди дарс хонандагонро ҷалб намоянд, кам буда, ин масъала беҳбудӣ мехоҳад. Дар мактабҳо фаъолияти маҳфилҳои эҷодиву илмӣ ба талабот ҷавобгӯй набуда, омӯзгорон бо корҳои иловагӣ кам машғул мешаванд.

    СССР

 

Ҷумъа, Янв 20 2017

Ҷомеъаро бояд муфтхӯр накунем. Донишҷӯён дигар хурд нестанд, онҳо худашон ҳам кор кунанд, ҳам ҳунар омӯзанд ва ҳам бояд хонанд - гуфт Муаззамхон Ансорӣ, ректори Донишкадаи Тоҷикистон дар ш.Панҷакент, зимни нишасти хабарӣ.

Ба иттилои ҷаноби Ансорӣ, дар назди Донишкадаи Омӯзгории Тоҷикистон дар ш.Панҷакент, курсҳои касбу ҳунаромӯзӣ фаъолият дорад, ки донишҷӯён метавонанд дар ин ҷо ҳунар омӯзанд ва ҳам таҳсил кунанд.

- То кай ба мо аз хориҷ  омада кор меомӯзонанд? То кай хориҷиён ба мо заводу фабрика мекушянд? Заминҳои зиёде ҳастанд, ки агар ин ҷомеъа худаш дар он пайваста меҳнат кунад, ҳосил ва даромади хубе метавон ба даст овард. Ман шахсан зидди муфтхӯр кардани ҷавононам - посух дод Ансорӣ дар робита ба суоли хабарнигорон, ки вобаста ба имтиёзҳо ва таҳсили буҷавии ҷавонон пурсида шуд. Ӯ илова намуд, ки барои навиштани иншои беҳтарин дар мавзӯи Паёми президент озмун эълон кардем. Донишҷӯ маҷбур шуд худаш чанд маротиба паёмро хонад, то иншои хуб нависад. Дар ҷамбаст ба ғолиб 500 сомонӣ мукофот додем. Зеро ӯ меҳнат карда хонд. Ана ҳаминтавр бо роҳи ҳавасмандкунӣ ҳам метавон донишҷӯёнро аз танбалию муфтхӯрӣ раҳо намуд.

Хуршед Фозилов

 

Душанбе, Янв 09 2017

Нуриддин Саид, вазири маориф ва илми кишвар мегӯяд, ки танҳо дар соли 2016 дар ҷумҳурӣ аз ҳисоби тамоми маъхазҳои молиявӣ 201 мактаб сохта шуда шумораи хонандагон дар соли нави таҳсил 54 ҳазор нафар зиёд гардид.

саҳ 13 аз 18

Китобҳо

Flag Counter