Ман зидди муллоҳои суннатӣ нестам ва алҳамдуллилоҳ мусалмонам, аммо бояд инро гуфт, ки насли баъди солҳои 90-ум аз бекитобиву бесаводӣ гумроҳ шудан доранд ва намедонанд аз пушти кӣ бираванд? Онҳо, ки саводи диниву дунявӣ надоранд, аз пушти ҳар бузрише рафтан мегиранд. Ба ин ҳама наметавон, ки ҷанги гражданиро айбдор кард. Зеро дар Афғонистони ҳамсоя беш аз 40 сол боз ҷанг идома дорад, аммо бинед, ки кӯдаконаш чӣ хел бурро сӯҳбат мекунанд. Ёдам ҳаст, вақте журналист Сафват Бурҳонов мақолаеро бо номи «Қуръон хонеду аз пушти мулло наравед!» дар СССР чоп кард, хело мардум ӯро нафаҳмиданд. Ҳатто дар шоҳидии ман нисбати муаллиф ҳамун афроди бесавод гапҳои пасту баланд мезаданд.