Наҷмиддин Худоиев-корманди МБТИ дар ш.Душанбе дар меҳмонии СССР гуфт, ки охирҳои с.2017 ба ш.Хуҷанд бо коре рафтам. Бегоҳии рӯз дар меҳмонхонаи Хуҷанд ҷой гирифтам. Дар даромад марде ҳангоми қабул ҳуҷҷатҳоямро тафтиш намуд. Гуфтам, ки «меҳмонхона гарм аст?» Гуфт: «Ҷудоям гарм». 80 сомонӣ барои 1  шаб пулро супорида, ба ҳуҷраи 419 даромада, либосҳоямро монда, ба соҳили Сирдарё баромада, шаб дохили ҳуҷра шудам. Он рӯз ниҳоят сард буду ҳавои дохили ҳуҷра ба ҳавои берун қариб баробар. Ба ходим гуфтам, ки хона хунук аст, шаб хоб карда намешавад. 1 плитаи худсохти барқиро оварда, ба ҳуҷра гузошт. Баъди 10-15 дақиқа хона каме гарм шуд. Рӯи миз 1 чойники кӯҳнаи советӣ, 3 пиёлаи кӯҳнаю ношуста ва яке шикаста. Шаб дигар бо азобаш сар шуд. Дар болоям одеал, ҳич гарм намешавам. Боз ба хизматгор гуфтам, ки «апа, якто кӯрпа диҳед». Гуфт: «Нест! Плитаро монеду гилемро дар болояш партофта пойро таги гилем намо». Чунин ҳам кардам. Хостам оби ҷӯш нӯшам, то каме гарм шавам, 1 обҷӯшонак нест. Мутаассифона, дар меҳмонхона ягон кас дида намешуд. Шояд ин буд, ки ғайр аз ман ҳич кас то ин вақт ба ин меҳмонхона намеомадааст. Инро баъд шунидам. Ҳама таҷҳизоти меҳмонхона аз даврони шӯравӣ асту ифлосу фарсуда. Хуллас, овозаи ободии Хуҷанд дар назарам дурӯғ тофт.