Насимҷон Сафаров, хонанда ва сокини ш.Душанбе меҳмони идора шуда гуфт: 

   - Имрӯз бештари мардум бобати нарху наво дар бозори озуқаворӣ сухан меронану касе аз нарху навои маҳсулоти дигар, аз ҷумла масолеҳи сохтмонӣ чизе намегӯяд. Ҳол он, ки ин нархи ин навъи маҳсулот ҳам чанд маротиба афзоиш ёфтааст. Ман худам ба корҳои таъмирӣ машғулам ва афзоиши нархи маҳсулоти барои корам заруриро баръало ҳис мекунам. Имрӯз таъмири 1 хона барои соҳибаш ба маротиб гаронтар шудааст. Бо вуҷуди ин, нархи кори мо устоҳо бошад чун пештара боқӣ мондааст. Хуб мешуд, агар ниҳодҳои дахлдори кишвар ба ин масъала таваҷҷӯҳ зоҳир намуда, истеҳсоли ин навъ маҳсулотро дар дохили кишвар роҳандозӣ мекарданд.