Мудири маорифи ноҳияи Восеъ-Сироҷиддин Гурезов  дар сӯҳбат бо хабарнигори СССР  тасдиқ намуд, ки ду нафар хонандаи синфи 9-и муассисаи таълимии рақами 4- деҳаи Қурбоншаҳиди деҳоти Гулистон-Ҷамшеди Хуршед, Давлаталӣ Тоҳиров ва ҳамчунин ду нафар хатмкунандагони муассисаи мазкур-Аюб Сафаров ва Турахон Каримов баъди анҷоми  таъмири муассисаи талимӣ   ба соҳили дарёи Сурхоб  ба шиноварӣ мераванд. Он ҷо онҳо борхалтаеро дарёфт намуданд, ки дар дохили он 26,5 килло маводи мухадираи навъи афюн будааст.

 Ҳамсинфону собиқ хатмкунандагони мактаб баъди дарёфти борхалта дар атрофи он миёни худ лаҳзае баҳсу машварат мекунанд ва ба хулосае меоянд, ки ин бозёфти онҳо маводи мухаддира аст. Зимнан онҳо бидуни таъхир ба Шуъбаи корҳои дохилии ноҳия аз ин мавод хабар хабар дода, борхалтаро ба дасти кормандони ҳифзи тартибот медиҳанд. Маълум мегардад, ки ин «бозёфт»-и ҳамсинфону хондагони собиқи мактаб афюн асту вазни холиси он 26,5 килоро ташкил менамояд.

Шуъбаи корҳои дохилии ноҳия барои ин рафтори шоиста ба ҳар кадом хонанда ва хатмкунандагони ин мактаб ифтихорномаю велосипед дод. Шӯъбаи маъориф ҳам дар ҳамин радиф   ба онҳо тӯҳфаҳои хотиравӣ иқдом намуд. Аз ҷониби вазири маориф  ба ин 4 нафар хонанда планшет ваъда шудааст-қайд намуд  мудири шуъбаи маорифи ноҳия Сироҷиддин Гурезов.  

Дар ҳамин ҳол то ҳанӯз Шерхон Салим Одина-директори агентии мубориза бо қочоқи маводи мухаддира чизе надодааст...

Баҳодур Ӯроқов СССР, вил Хатлон