Маркази матбуоти Агентии назорати давлатии молиявӣ ва мубориза бо коррупсияи Тоҷикистон аз боздошти Бахтиёр Искандарович Қаландаров-сардори шӯъбаи милисаи ҷамоати Зиракии ш.Кӯлоб хабар дод. Қаландаров аз шаҳрванд "А” барои оғоз накардани делои ҷиноятӣ 4000 сомонӣ пора талаб кардааст. Ӯ дар навбати аввал аз "А” 600 сомонӣ гирифта, боз оварда додани 3400 сомонии дигарро талаб кардааст. Ҳоло ба зидди Бахтиёр бар асоси қисми якуми моддаи 319-уми КҶ ҶТ (гирифтани пора аз ҷониби шахси мансабдор) парвандаи ҷиноятӣ оғоз гардида, тафтиши пешакӣ идома дорад. Ин банди қонун барои гирифтани пора ҳамчун муҷозот то 5 сол ҳукми зиндонро пешбинӣ мекунад.