Ҳамин ҳоло 1 манбаъи мӯътамад ба газетаи мардумии СССР занг зада, хабар расонд, ки рӯзи 24 октябр Субҳиддин-ронандаи Анзурат Ашӯрова-муовини раиси ноҳияи Ҷалолиддини Балхӣ дар шоҳроҳи самти Қӯрғонтеппа-Ҷ.Балхӣ 1 духтари роҳгузарро бо мошини давлатиаш пахш мекунад. Дар дохили мошин худи Ашӯрова низ будааст. Гуфта мешавад, ки Ашӯрова худ сокини ш.Қурғонтеппа аст, аммо дар ноҳияи Ҷ.Балхӣ ба ҳайси муовини раиси ноҳия фаъолият мекунад. Ҳини аз самти Қурғонтеппа ба ноҳияи мазкур омадан, ронанда дар наздикии ҷамоати деҳоти «Чапаев» аз ӯҳдаи нақлиёт набаромада, Малика Абдузоироваи 19-соларо пахш мекунад. Маликаро ҳамон замон дар беморхонаи ҳамин ноҳия бистарӣ мешавад. Сардухтури беморхонаи ноҳия Бузмаков Шералӣ дар сӯҳбат бо СССР гуфт, ки «аҳволи бемор феълан муътадил аст ва ягон осеби ҷиддӣ надидааст». Ҳоло нисбати ронанда, ки ҳевари Анзурат Ашӯрова будааст, парвандаи ҷиноӣ боз шудааст.
Дар акс Анзурат Ашӯрова

СССР