Маркази матбуоти Хадамоти гумруки Қирғизистон хабар медиҳад, ки ин ниҳод дар марзи Тоҷикистону Қирғизистон контрабандаи 21 тонн маҳсулоти кишоварзиро ошкор кардааст. Ба гуфти масъулони Хадамот, "кормандони гумрук мошини боркашеро, ки ба тарафи вилояти Ботканд равон буд, боздоштанд. Онҳо аз дохили мошин маҳсулоти кишоварзиеро ёфтанд, ки барои содироти он ягон хел ҳуҷҷат надошт". Ба гуфти ин ниҳод, арзиши маҳсулоти кишоварзӣ 166.000 сом (беш аз 22.000 сомонӣ)-ро ташкил дода, молу амволи мазкур тариқи гузаргоҳи Тоҷикистону Қирғизистон ғайриқонунӣ ба кишвар ворид карда шуда буд.