ХАБАРИ ДОҒ

Мӯъминобод: Хоҷагии ҷангал мактаб месозад!

  • Чоршанбе, Июн 23 2021

 

 - Салом ба СССР-и азиз! Дар пайравӣ аз ҳидоятҳои созанда ва ватандӯстонаи Пешвои муаззами миллат директории Хоҷагии ҷангали н.Мӯъминобод, Раҷабалӣ Раҷабов дар деҳаи Хиргатароши ҷамоати деҳоти Чилдухтарон муассисаи таҳсилоти миёнаи умумии рақами 24-ро сохта, то ҷашни бузурги ватанӣ 30-солагии Истиқлолияти давлатии Ҷумҳурии Тоҷикистон, ба сокинони деҳаҳои Хиргатарош, Кубинён, Метукдараи болою поён ва Финҷова тақдим менамояд. 

   Қайд намудан ба маврид аст, ки то ин замон хонандагон аз ин деҳаҳо масофаи 6 км-ро тай намуда, ба мактаби деҳаи дигар мерафтанд ва ин мушкил имсол ҳал хоҳад шуд. Ин муассиса дорои 9 синфхона, 2 утоқ ва масоҳати умумии 40 сотихро дар бар дошта, барои 250 нафар хонанда пешбинӣ гардидааст. Дар шафати мактаби нав бунгоҳи тиббӣ бунёд хоҳад шуд. Қаблан мактаб дар хонаи истиқоматӣ қарор дошту ибтидоӣ буд. Пас аз синфи 4-ум хонандагони 5 деҳа 6 км-ро тай намуда, ба мактаби деҳаи дигар мерафтанд. Аҳсану офарин ба чунин мардони ватандӯст!

Диловар Каримзода, н.Мӯъминобод

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter