«Дар ҳоли ҳозир ҷаҳон бо хатари нав-терроризм рӯ ба рӯст ва бар зидди ин хатар танҳо дар якҷоягӣ бо ҷомеаи ҷаҳонӣ ва ҳампаймони қадимиамон-Русия ва кишварҳои узви Созмони паймони амнияти дастаҷамъӣ метавонем мубориза бурд,"- гуфт Сооронбой Ҷеенбеков, президенти Қирғизистон дар чорабинии бахшида ба Рӯзи Ғалаба дар ш.Бишкек. Ба гуфтаи ӯ, ҳоло марзҳои кишварашро сарбозон ва фармондеҳони "насли шуҷоъ"-и қаҳрамонони ҶБВ ҳифз мекунанд. Президент дар роҳпаймоии "Полки абадӣ" дар ш.Бишкек ширкат кард. Ӯ акси бобояш Ҷеенбек Пирназаровро бо худ дошт. Бобои президенти Қирғизистон дар ҶБВ ширкат кардааст.