Тавре хабаргузориҳои қирғиз хабар медиҳанд, маъмурини милисаи ин кишвар, ки барои нигоҳ доштани амният дар минтақаҳои марзӣ вогузор карда шудаанд, ҳадафи ҳамла ва сангзании шаҳрвандони худашон қарор гирифтаанд. Гуфта мешавад, ки 4 нафар маъмурони милисаи ин кишвар дар пайи сангзании сокинони Оқсой ҷароҳат бардошта, пас аз ин бар зидди дастандаркорон силоҳу воситаҳои махсус ба кор бурда шуд.

ВКД ҶҚ мегӯяд, ки санаи 24.07.2019 соати 06:00 сокинони деҳаи Оқсой роҳи Исфара-Ворухро бо сангрезаҳо бастанд. Милисаҳо хостанд, ки сокинон ба ин амали ғайриқонунӣ хотима бахшанд, аммо сокинон дар посух сӯи милисаҳо санд андохтанд. Бино ба иттиллои Иқбол Илёсзода, котиби матбуотии раиси ш.Исфара, соати 02:00 шаби 24 ба 25-уми июли соли ҷорӣ роҳи мазкур боз шуда, пеш аз ҳама маҷрӯҳон ба беморхонаи марказии шаҳр интиқол дода шуданд. Ёдрас мешавем, ки сар аз 22 июли соли ҷорӣ дар деҳаи наздимарзии Ворух даргириҳо бо сокинони дигаре деҳаи наздимарзӣ-Оқсой давом дорад. Бар асари тирпарронӣ 1 нафар шаҳрванди ҶТ сокини ҷамоати Ворух Қараев Ҷалол, соли таваллудаш 1967 ба ҳалокат расида, 3 нафари дигар маҷрӯҳ шуданд. Инчунин, дар пайи сангпартоӣ 7 шаҳрванди ҶТ ҷароҳати вазнини ҷисмонӣ бардошта, ба беморхона интиқол ёфтанд.