Ассотсиатсияи футболи навтаъсиси Осиёи марказӣ (СAFA) фаъолияти худро бо баргузории нахустин мусобиқаи байналмилалии «CAFA Cup – U-19» шурӯъ мекунад. Мақсади асосӣ аз таъсисёбии Ассотсиатсияи футболи мазкур рушду инкишофи бевоситаи футбол дар кишварҳои узви ин Ассотсиатсия – Тоҷикистон, Узбекистон, Туркманистон, Қирғизистон, Эрон ва Афғонистон мебошад. Дар нахустин мусобиқа, ки аз 6 то 9 август дар пойтахти Узбекистон шаҳри Тошканд доир мешавад, мунтахабҳои ҷавонони то синни 19 солаи ҳамаи 6 кишвари узви Ассотсиатсияи футболи Осиёи марказӣ (СAFA) иштирок хоҳанд кард. Инҷо ҳаминро месазад илова намуд, ки собиқ дабири кулли Федератсияи футболи Тоҷикистон, марҳум Ислом Маҳмадшоев яке аз аввалин ташаббускорон ва ташкилкунандагони ин Ассотсиатсия буд.
ТоҷикистонVSЭрон&Туркманистон
Дастаи мунтахаби ҷавонони Тоҷикистон аз 6 то 9 август дар мусобиқаи байналмилалии «CAFA Cup – U-19» иштирок мекунад. Ин мусобиқа барои дастаҳои мунтахаби то синни 19 солаи кишварҳои узви Федератсияи футболи Осиёи Марказӣ дар Тошканди Узбекистон баргузор мешавад.
Мунтахаби ҷавонони Тоҷикистон дар гурӯҳи «В» муқобили ҳамсолони худ аз Туркманистон (6 август) ва Эрон (7 август) бозӣ мекунад. Дар гурӯҳи «А» бошад мунтахабҳои ҷавонони Узбекистон, Афғонистон ва Қирғизистон баромад хоҳанд кард. Аз рӯи ҷамъбасти натоиҷи бозиҳо ғолибони гурӯҳ дар бозии финалӣ вомехӯранд. Дастаҳои ҷои дуюми гурӯҳҳо барои медалҳои биринҷии мусобиқа бо ҳам вомехӯранд. Дастаҳои зинаҳои охирони гурӯҳҳо бошанд барои мақоми таскинбахши панҷум бо ҳамдигар рақобат мекунанд. Бозиҳои мусобиқаи байналмилалии «CAFA Cup – U-19» барои кишварҳои иштирокчии Ассотсиатсияи футболи Осиёи Марказӣ дар варзишгоҳҳои «Жар» ва «Пахтакор» дар Тошканд баргузор хоҳанд шуд.
Тақвими мусобиқа:
Даври 1-ум
6 август (шанбе)
16:00 – Узбекистон – Қирғизистон. Варзишгоҳи «Жар»
18:00 – ТОҶИКИСТОН – Туркманистон. Варзишгоҳи «Пахтакор»
Даври 2-юм
7 август (якшанбе)
16:00 – Афғонистон – Узбекистон. Варзишгоҳи «Жар»
18:00 – Эрон – ТОҶИКИСТОН. Варзишгоҳи «Пахтакор»
Даври 3-юм
8 август (душанбе)
16:00 – Қирғизистон – Афғонистон. Варзишгоҳи «Жар»
18:00 – Туркманистон – Эрон. Варзишгоҳи «Пахтакор»
9 август (сешанбе)
Бозӣ барои ҷои 5-ум
11:00 – А3 – В3. Варзишгоҳи «Жар»
Бозӣ барои ҷои 3-юм
16:00 – А2 – В2. Варзишгоҳи «Жар»
Финал
18:00 – А1 – В1. Варзишгоҳи «Пахтакор»
Нуралӣ Хоркашев
ФутболvsСССР
Имрӯзҳо дастаи мунтахаби миллии футзали Тоҷикистон дар Душанбе ҷамъомади омӯзишӣ-машқӣ мегузаронад. Ҷамъомади омӯзишӣ-машқии футзалистони тоҷик бо мақсади баромади бомуваффақият дар бозиҳои дӯстона муқобили мунтахаби миллии футзали Узбекистон нигаронида шудаст.
Рӯзи чоршанбеи 29 июн дар ноҳияи Панҷ маросими ботантанаи ифтитоҳи майдончаи футболбозии сабзааш табиӣ баргузор шуд. Дар маросими ифтитоҳи майдонча раиси ноҳияи Панҷ Маҳмадюнус Сайфуддинзода ва роҳбари департаменти футболи кӯдакону наврасони Федератсияи футболи Тоҷикистон Анваршо Мирзоев иштирок намуданд.
Ниммуҳофизи мунтахаби миллии Тоҷикистон Парвизҷон Умарбоев карераи худро дар чемпионати Булғория идома хоҳад дод.
Мунтахаби футболи занонаи Тоҷикистон (U-19) омодагиро ба марҳилаи интихобии чемпионати Осиё-2017 шурўъ кард. Марҳилаи интихобии чемпионати Осиё-2017 аз 29 октябр то 6 ноябр дар Душанбе хоҳад гузашт.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
