Дастаи мунтахаби наврасони Тоҷикистон, ки дар бозии ниҳоии мусобиқаи қаҳрамонии Осиё-2018 миёни бозигарони зери 16-сола дар Малайзия аз тими Ҷопон бо ҳисоби 0-1 мағлуб шуд, бори нахуст дар таърих бо медалҳои нуқра сарфароз гашт.
Ин бозӣ шоми якшанбе, 7.10.2018 дар Варзишгоҳи миллии Букит Ҷалили ш.Куала-Лумпур баргузор шуда, голи ягонаро ҳамлагар Нишикава дар нимаи дуюми дидор, дар дақиқаи 63-юм, бо зарбаи сахт аз дохили ҷаримагоҳ ба ҳадаф расонд.