Худойдод Раҷабов, журналист, хонандаи ҳамешагии СССР аз н.Муъминобод ба идораи газетаи СССР меҳмон шуда, нигаронӣ аз фаъолияти мошинҳои гаронвазн кард, ки онҳо қоидаҳои бехатариро зимни ҳаракат риоя намекунанд.

   - Дар 4 фасли сол мошинҳои гаронвазн ба кашондани сангу шағал машғуланд. Аксарияти онҳо ҳангоми кашондани сангу шағал болопӯши ҳимоявиро истифода намебаранд. Аз ниҳодҳои марбута хоҳишу талаб дорем, ки чунин ронандаҳоро ҷарима карда, барои фаъолияти ояндаи бехатар дар байнашон корҳои фаҳмондадиҳӣ гузаронанд. Оқибати риоя накардани талаботи зарурӣ хатарнок буда, ба ҷони дигарон ҷабр мешавад.

9.08.1928. Дар бинои Сирки шаҳри Ленинград Осорхонаи сирк ва эстрада ифтитоҳ ёфт. Ин аввалин осорхонаи сирк дар ҷаҳон буда, ҳоло ҳам таҳти унвони «Осорхонаи санъати сирк» фаъолият мекунад.

9.08.1945. Артиши ИМА бомби атомии 2-умро, ки «Фарбеҳак» ном дошт, ба шаҳри Нагасакии Япония партофтанд. Дар натиҷа 74.000 одам ҷони худро аз даст дод.

10.08.1913. Анҷоми Ҷанги 2-уми балканӣ. Дар ин ҷанг Булғористон, ки зидди Сербия, Черногория, Юнон ва Руминия меҷангид, шикаст хӯрд ва дар пойтахти Руминия шаҳри Бухарест ба созишномаи сулҳ имзо гузошт.

11.08.1921. Дар Русияи шӯравӣ бо қарори ШКХ сиёсати нави иқтисодӣ (НЭП) роҳандозӣ гардид.

11.08.1949. Роҳбарияти Иттиҳоди Шӯравӣ эълон намуд, ки дигар Югославияро иттифоқчии худ намешуморад.

12.08.1953. Дар СССР, дар озмоишгоҳи Семипалатински Қазоқистон аввалин озмоиши бомби ҳидрогенӣ (водородӣ) бо муваффақият анҷом гирифт.

13.08.1961. Ҷумҳурии Демократиии Олмон сарҳад миёни Берлини Шарқӣ ва Берлини Ғарбиро баста, ба сохтмони девори Берлин оғоз намуд.

13.08.1990. Президенти СССР Михаил Горбачев қонун «Бобати барқарорсозии ҳуқуқи тамоми қурбониёни репрессияҳои сиёсии соҳои 1920-1950»-ро ба тасвиб расонид.

14.08.1919. Оғози амалиёти Актюбинск дар рафти ҷанги гражданӣ дар Русия. Дар ин амалиёт нерӯҳои фронти туркистонии Артиши Сурх, таҳти фармондеҳии Михаил Фрунзе артиши Ҷанубии Колчакро торумор намуда, роҳ ба сӯи Осиёи Миёнаро боз карданд.

14.08.1941. ИМА ва Англия Хартияи Атлантикро ба имзо расониданд. Ин ҳуҷҷат алайҳи Олмони фашистӣ нигаронида шуда буд ва чанде баъд СССР низ ба он ҳамроҳ гашт.

14.08.1986. Дар СССР бо қарори КМ ҲКИШ ва Шӯрои Вазирон, корҳои сохтмонӣ бобати равона кардани дарёҳои Сибир ба ҷануб қатъ карда шуданд.

 Андар шинохт

Ин ном дар мақоми ҳуқуқшиносии кишвар аз миёнаи солҳои 30, раҳбарии мамлакат аз солҳои 40 – ум, аҳли адаби кишвар аз солҳои 50-уми асри ХХ маълум ва аз он пас миёни мардум маъруф гардидааст.

Бо ба дасти чоп расидани повести Ҳабибулло Назаров бо унвони «Дар ҷустуҷӯи Карим – девона» (1958; тарҷумаи русӣ 1959) муаллиф байни адибони тоҷик ва СССР мақоми хешро устувор кард.

Ман, ходими намоёни давлатӣ, нависандаи маъруфи тоҷик Ҳабибулло Назаровро пас аз мутолиаи повести «Мирзо Ризо» (1970) ва романи ҳаҷвии «Саргузашти Сафармахсум» (бо ҳамқаламии Ҷ. Икромӣ, 1971) шинохтам. Ин ду асар барои мани ҳаводори асарҳои бадеӣ китобҳои дӯстдоштанӣ маҳсуб меёфт.

 Рӯ ба қомусҳо

15 августи соли 2022 ба зодрӯзи Ҳабибулло Назаров 115 сол пур шуд. Аз ин хотир, нахуст, ба қомуси даврони шуравӣ – «Энсиклопедияи советии тоҷик», ҷилди 5, Душанбе, 1984 назар дӯхтам. Дар саҳифаи 66-уми қомус дар бораи ин марди даврон маълумоти мухтасаре омада.

Диққати бандаро навиштаи хушоянди «нависандаи советии тоҷик» ҷалб кард. Хайр чи, ӯ ку воқеан, нависанда буд, шояд пурсад азизе. Мегӯем, бе ташвиш, ҳамааш хуб аст. Сухан аз боби дигар масъала меравад.

То чопи повести «Дар ҷустуҷӯи Карим – девона», дар соли 1958, то маҳбубият касб кардани ин қисса (1 – 2 соли дигар), дар ҳудуди кишвар ва ҳатто Иттиҳоди Шуравӣ мавсуф ҳамчун ходими намоёни давлатӣ эътироф гашта буд…

Дар қомуси охирини нависандагони ҷумҳурӣ «Адибони тоҷик» («Адиб», 2014), саҳифаи 151 низ чунин омада. Шояд нафари масъул Ҳабибулло Назаровро танҳо ҳамчун нависанда (эътироф) шинохта бошад, бигзор чунон бошад.

Инак, порае аз рӯзгори ин шахсияти маъруфи таърихӣ. 

 Ходими давлатӣ – Ҳабибулло Назаров

Соли 1907 дар деҳаи номварон – Тӯдаи ноҳияи Ҳисор, дар оилаи деҳқони камбағал ба дунё омадааст. Аъзои КПСС аз соли 1939. Дар курси маҳви бесаводӣ ва мактаби шабона хондааст.