ХАБАРИ ДОҒ
Ҷумъа, Авг 26 2016

13.08.2016 мардуми Ҷумҳурии Куба, ки дар қисмати болооби баҳри Кариб ҷойгир аст, зодрӯзи қумандони овозадори Ҷазираи Озодии Амрикои лотиниро бо тантана ҷашн гирифт. Ба ин муносибат, бо ташаббуси писараш Алекс Кастрои суратгир, дар шаҳри Гавана намоишгоҳи бузурге ташкил шуда, дар он аз сарчашмаҳои гуногун расму сару либос ва дигар анҷоми Фидел Алехандро Кастро Рус машҳур бо номи қумандон Фидел Кастро ба намоиш гузошта шуд.

Ҷумъа, Авг 12 2016



Дӯсти бузурги СССР
Арманд Хаммер яҳудитаборро бешак метавон беҳтарин дӯсти СССР гуфт. Ӯ 2 ақидаи зоҳиран бо ҳам зид-капитализм ва марксизмро дар худ 1 кард. Хаммер аз сӯе яке аз доротарин шаҳрвандони ИМА ва аз сӯи дигар марксисти қавиэътиқоде будӣ. Ӯ ба таъбири баъзе аз муаррихин 2 бор таваллуд шуд. Бори аввал соли 1898 дар оилаи яҳудиёни муҳоҷири одессагӣ дар ИМА ва бори 2-ум соли 1921 дар утоқи кории Владимир Ленин дар Кремли Маскав. Ин тоҷири капиталист дар симои хӯҷаинони нави Кремл беҳтарин ва содиқтарин ҳамкоронро ёфт.

Чоршанбе, Авг 03 2016

"Ҷанги бузург"

1.08.1914 Олмони кайзерӣ бо Русия эълони ҷанг кард. Ҷанге, ки билохира сари ин 2 кишварро хӯрд ва чун яке аз бузургтарин хунрезиҳо дар таърихи инсоният барои ҳамеша сабт шуд. Ҷанги ҷаҳонии 1 аз васеъмиқёстарин ва хунинтарин даргириҳои мусаллаҳона дар таърихи башарият аст. Ибораи ҷанги ҷаҳонии аввал (ҶҶА) танҳо баъди оғози Ҷанги ҷаҳонии 2 дар таърихнигорӣ мавриди истифода қарор гирифт. То ин вақт ҶҶАро дар Аврупо "Ҷанги бузург" меномиданд ва дар таърихнигории СССР бошад аз он ҳамеша чун "ҷанги империалистӣ" ном мебурданд.

Чоршанбе, Июл 27 2016

Фюрери баландиқбол

20.07.1944 дар қароргоҳи Фюрери олмонӣ, ки бо “Хонаи гург” маъруф буд, аз ҳама суиқасди маъруф ба ҷони Гитлер ба вуқуъ пайваст. Полковники ситоди нерӯҳои захиравии артиши пиёданизом, граф Клаус Шенк фон Штауффенберг ва ноиби ӯ обер-лейтенант Вернер фон Хефтен ба ҷони сарфармондеҳи олии худ суиқасд карданд. Дар арафаи с.1944 қисмате аз генералҳои немис ва афсарони олирутбаи артиш шикасти яқини Олмонро дар ҷанг пешбинӣ намуда, ба хотири нигаҳдории Рейхи 3 аз шикасти дар пеш истода бо ҳам забон 1 карданд то Гитлерро нобуд кунанд ва бо кишварҳои ғарбӣ сулҳи сепаратиро ба имзо расонанд.

Ҷумъа, Июл 15 2016

16.06.1920 Антанта ба муҳосираи иқтисодии Русия хотима дод ва аввалин кишвари Шӯроҳо акнун метавонист каме озод нафас кашад. Баъд аз ғалабаи Инқилоби октябрӣ ҳукумати ленинӣ “Декрети сулҳ”-ро эълон кард ва ба тамоми иштирокчиёни Ҷанги ҷаҳонии 1 пешниҳоди сулҳ дод. Аммо ба ин пешниҳоди болшевикон танҳо Олмон ва иттифоқчиёнаш посухи мусбат доданд.

Ҷумъа, Июл 08 2016

Моҳи июли соли 1918 шӯриши эссерони чап алайҳи болшевикон ба вуқӯъ пайваст. Эссерони чап зидди сиёсати болшевикон, хусусан сулҳи Брест, ба зӯр ситонидани озуқаворӣ аз деҳқонон ва кумитаҳои камбағалӣ (комбед), ки болшевикон дар деҳот ташкил карда буданд, баромад карданд. Шӯриши эссерон 6 июл бо қатли сафири Олмон-граф Вилгелм фон Мирбах аз ҷониби кормандони ВЧК Яков Блюмкин ва Николай Андреев, ки ҳар 2 аъзои ҳизби эссерони чап буданд, оғоз шуд.

саҳ 32 аз 35

Китобҳо

Flag Counter