ХАБАРИ ДОҒ
Душанбе, Окт 31 2016

Равзанае ба “иқтисодиёти электронӣ”

Мафҳумҳои “иқтисодиёти электронӣ” ва “ҳисоббаробаркуниҳои электронӣ” ҳарчанд дар мафкура ва ҷаҳонбинии мо Тоҷикон муосиру навгонӣ ба ҳисоб раванд ҳам, дар иқтисодиёти ҷаҳон, хоса кишварҳои рушдкарда кайҳо забонзадаву муқаррарӣ шудааст. Аз интишору ҷорӣ кардани аввалин корти бонкӣ дар иқтисодиёти ҷаҳон имрӯз беш аз 100 сол пушти сар гашта, интернет-банкингу дигар ҳисоббаробаркуниҳои электрониро башарият анқариб ним аср боз истифода мекунанд. Таърихи муомилаҳои пулии аз мӯҳраҳои шишагию тангаҳои тилло оғоз шуда, бо ворид шудани интернет ва технологияҳои электронӣ ба зиндагии рӯзмарраи мо, имрӯз саҳафоти наву ҷолиберо барои мо мекушоянд. Башаррият дар ҷаҳони муосир дар зинаи нави тараққиёт, яъне даст кашидан аз истифодаи пул дар шакли тиллову дигар металҳои қиматбаҳо ва ҳатто пулҳои қоғазӣ қарор дошта, ба ҷойи онҳо муомилотро бо “пулҳои электронӣ” авлотар мешуморанд. Ин ихтирооти нави ҳазрати Инсон ба мисли интернету технологияҳои IT, марзу монеъаҳоро убур карда, имкониятҳои фаровону бузургеро барои мо истифодабарандагон фароҳам меоварад.

Тоҷикистон ва муносибатҳои нави иқтисодӣ

Бе муҳобот дар саргаҳи ҷорӣ намудани хизматрасониҳои наву муосири молиявӣ ва таҳрики коркарди ихтирооти пешқадам дар иқтисодиёти кишвар боз ҳам нақши президенти кишвар-Эмомалӣ Раҳмон қарор дорад. Нахустин иқдомҳои назаррас дар самти ҷорӣ кардани ин навгониҳо баъди дастур ва супориши бевоситаи Роҳбари давлат оид ба ҷорӣ кардани пардохти нафақаи аҳолӣ бо кортҳои бонкӣ, дар соҳаи бонкдории иқтисодиёт сурат гирифта буд. Ҳукумат ва мақомоти дахлдори кишвар ҷиҳати мусоидат ба ҷорӣ намудани хизматрасониҳои мазкур як зумра санадҳои ҳуқуқӣ ба тасвиб расонидаанд, ки шоҳроҳи бузургеро барои тавсеъа ва рушд фароҳам месозанд. Наҷибтарин иқдом дар ин самт қабули Қарори Ҳукумати Ҷумҳурии Тоҷикистон таҳти №815 аз 30.12.2014 сол мебошад, ки масъулият ва вазифаҳои субъектҳои алоҳидаи иқтисодиро дар самти ҷорӣ намудани ҳисоббаробаркуниҳои ғайринақдӣ муқарар намудааст.

Аввалин иқдом ба хизматрасониҳои иноватсионӣ

Бори нахуст хизматрасонии “ҳамёни электронӣ” дар охирҳои солҳои 90-уми асри гузашта дар кишварҳое ба мисли Англия, ИМА ва Россия раҳандозӣ гардиданд. Пайдоиши бозору мағоза ва соири хизматрасониҳо дар шабакаи ҷаҳонии интернет, боиси пайдоиши муомилоти электронии дохилишабакавии  истифодабарандагони интернет гардид. Имрӯз теъдоди маҳсулоти дар интернет харидуфуруш мешуда ба миллионҳо расида, аз барномаҳои компютерӣ сар карда то ашёву маҳсулоти рӯзгордориро дар бар мегиранд. Одамон тавассути интернет маблағи барқу об, пур кардани ҳисоби телефону пардохти ҷаримаҳо, харидани китобу рисолаҳои илмию дархости филму мусиқӣ ва ҳатто интиқоли маблағу пардохти музди меҳнаташонро амалӣ мекунанд. Ғолибан ин амалиётҳо бе саргардонию даводави зиёд ва аз дилхоҳ манзили қарор доштаи муштарӣ тавассути телефони ҳамроҳ ё дастгоҳи компютерии муқарарӣ амалӣ карда мешаванд. Бо итминон иброз кардан ба маврид аст, ки аксари хонандагони ҳамин матлаб аз бартарият ва муваффақияти ҳамёнҳои электронии маъруф ба мисли PayCash, «Яндекс.Деньги», «Интернет.Деньги», WebMoney, QIWI огаҳанду шояд аз онҳо фаровон истифода мебаранд. 

Муждаи нав дар иқтисодиёти Тоҷикистон

Муждаи тоза ва иқдоми наҷиб дар кишварамон ин хабари аз ҷониби БДА ҶТ “Амонатбонк”  ва ҶДММ “Нейрон” раҳандозӣ шудани маҳсулоти барномавии Ҳамёни электронии “Тезпардохт”  мебошад. Ин маҳсулоти барномавӣ бо мақсади ҷорӣ намудан ва рушду тавсеъа додани ҳисоббаробаркуниҳои ғайринақдӣ ва ҳамзамон чанд зина боло бурдани тараққиёти иқтисодиёти Тоҷикистони азиз амалӣ мешавад. “Тезпардохт” нахустин имконият барои истифодабарандагони шабакаи интернетӣ дар ҷумҳурӣ барои амалӣ намудани ҳисоббаробаркуниҳои ғайринақдӣ аз қабили пардохти хизматрасонии интернет, алоқаи мобилии операторони дохилӣ ва хориҷӣ, шабакаҳои иҷтимоӣ, пардохти хизматрасонии телефонҳои хонагӣ (NGN-телефония), пардохти хизматрасониҳои интернетӣ (бозиҳо, филмҳо, барномаҳо ва ғайра), пардохти хизматрасониҳои коммуналӣ (об, барқ, гармӣ...), муайян кардани бақияи қарздорӣ аз пардохти маблағи барқу об, интиқоли маблағ тавасути аз як ҳамён ба ҳамёни дигар ва ғайраҳо ба таври ройгону бемузд, равона гардидааст.

“Тезпардохт”: ҳамаи хизматрасониҳо дар дасти Шумо!

Барои ба қайд гирифтан ва кушодани ҳамёни электронии “Тезпардохт” ба Шумо саргардонии зиёду такопуи ҷамъу пешниҳод кардани ҳуҷҷатҳо ва ё навбат поиданҳо лозим намешавад. Танҳо бо ворид шудан ба шабаи интернетӣ дар телефонҳои ҳамроҳи худ ва кушодани замимаҳои Google play ё App Store (IOS) имкон доред соҳиби ҳамёни мазкур гардед. Ҳамчунин ин амалро дар компютерҳои худ бо ворид шудан ба сомонаи tezpardoht.tj иҷро карда метавонед. Танҳо барои ба қайд гирифтан рақами телефони мобилии худро ба равзана ворид карда, рамзи худро дарҷ ва пин-кодро тасдиқ намудан кофӣ аст, ки Шумо дорандаи ҳамёни электронии “Тезпардохт” шавед. Барномаи ҳамёни электронии “Тезпардохт” бо муосиртарин моделҳои хизматрасонӣ муҷаҳаз гардонида шуда, қулайтарин имконият барои амалӣ намудани талаботи мизоҷон дар самти муомилаҳои интернетӣ мебошад. Баъд аз ба қайдгирӣ ва кушодани ҳамёни электронии худ, Шумо мизоҷони муҳтарам метавонед ҳамёнатонро тавассути шабакаи бузурги хазинаҳои Амонатбонк ва терминалҳои пардохтии низоми “Эмон”-у TajPay ба таври ройгон, яъне бе пардохти ҳаққи хизматрасонӣ бо маблағи дилхоҳатон пур намоед. Рӯйхати хазинаю терминалҳо ва нақшаи ҷойгиршавии онҳо дар сомонаю замимаи мобилии “Тезпардохт” ҷойгир шуда, Шуморо аз сарбории ҷустуҷӯҳо ва сарфаи вақту маблағи зиёдатӣ озод менамоянд. Феълан тасмим ҳаст, ки дар оянда роҳу воситаҳои дигари пур намудани ҳамёнҳо, аз қабили пур кардани ҳамён тавассути кортҳои бонкӣ низ ҷорӣ карда шаванд.

“Тезпардохт” дар хизмати ману ту ҳамватан

Дар муддати камтар аз 1 соли фаъолият “Тезпардохт” ба муваффақият ва нусратҳои қаноатбахш ноил шуда, аллакай худро миёни мизоҷон-истифодабарандагони ин намуди хизматрасонӣ дар ҳудуди Тоҷикистон муррифӣ кардааст. Тими мутахассисони “Тезпардохт” аз ҷавонони серғайрату донишманд ва баиқболу ҳаматарафа иборат буда, дар сар хайёлҳои созандаю ватанпарварона доранд. Онҳо дар ҳақиқат оянда, бале ояндаи дурахшон ва ободу тараққикардаи кишвари азизамон Тоҷикистон мебошанд. Рушду пешрафти иқтисодиёт ва баромадан аз бӯҳрону монеъаҳои молиявӣ шиори кории ҳаррӯзаи ин ҳайати ҷавону умедбахш мебошад. Биноан месазад ману ту хонандаи гиромӣ ҳамқадаму ҳаммароми онҳо буда, ихтирову навоварии онҳоро биомӯзему истифода намоем. Ҳафтаномаи мардумии “СССР” низ тасмим дорад ҷиҳати иттилоотонӣ аз тахассусоти Ҳамёни электронии “Тезпардохт”  барномаеро пиёда намояд. Ту хонанда метавонӣ моро пайгир буда, аз бурду бохти нахустин ҳамёни электронии “Тезпардохт” огаҳ бошӣ. Мо метавонем! 

Одинашо Муродов

СССР

 

Ҷумъа, Окт 28 2016

Иттилооти таҳлилии Вазорати молияи ҶТ «Дар бораи фаъолияти истеҳсолию иқтисодӣ  ва молиявии КВД «Ширкати Алюминийи Тоҷик» дар солҳои 2010-2015 ва нимсолаи аввали соли 2016», ки дар сомонаи мақомоти мазкур ҷой дода шудааст, аз ҷониби  ширкат мавриди таваҷҷуҳ ва омӯзиши қарор гирифт. Ҳуҷҷати мазкур на танҳо ҳолати воқеиро, ки дар шароити буҳрони молиявию иқтисодии ҷаҳонӣ ТАЛКО-ро фаро гирифтааст,  пурра инъикос менамояд, балки дар нисбати муайян намудани самаранокии низоми толлингӣ, ки ширкат истифода мебарад, муносибати дурушт зоҳир карда мешавад. Дар натиҷа зимни омодасозии таҳлил муносибати сатҳӣ, инчунин дониши сусти мутахассисони Вазорати молияи Ҷумҳурии Тоҷикистонро ҷиҳати мавзӯи асосии таҳқиқ – толлинг нишон медиҳад. 

Ҷумъа, Окт 21 2016

Ба таваҷҷуҳи Озода Раҳмон-роҳбари Дастгоҳи Президенти ҶТ ва Қоҳир Расулзода-Сарвазири ҶТ

Панҷшанбе, Окт 13 2016

Дар байни сокинони шаҳри Душанбе овозае мечархад, ки гӯё кормандони шабакаҳои барқ онҳоро огоҳ кардаанд, ки сар аз 1 ноябр ҳаққи пардохти барқ боло меравад. Сару садоҳо дар бораи боло рафтани ҳаққи истифодаи барқ ҳанӯз оғози соли ҷорӣ баланд шуда, он замон ширкати “Барқи тоҷик” санаи дақиқи онро эълон накарда буд. Ҳоло аҳолӣ барои ҳар килловат нерӯи барқ наздик ба 12 дирам пардохт мекунанд. 

 

Ҷумъа, Окт 07 2016

Дипломи Газетаи мардумии СССР «Тоҷири муваффақи 25 соли истиқлолияти Тоҷикистон» ва тӯҳфаи рамзӣ ба Гулбаҳор Маҳкамова, раиси Раёсати Ассотсиатсияи миллии занҳои соҳибкори Тоҷикистон шоми 06.10.2016 дар меҳмонхонаи «Hyatt Regency» ботантана супорида шуд. 

Ҷумъа, Сен 30 2016

Аз 20 то 22.09.2016 бо ташаббуси Бонки миллии Тоҷикистон ва Гурӯҳи Авросиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм дар доираи ҷадвали давлатҳои Гурӯҳи Авросиё (ГАО) дар хусуси омодагӣ ба даври дуюми баҳодиҳии тарафайн оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм (МҚД/МТ) дар Ҷумҳурии Тоҷикистон барои мутахассисони Суди олӣ, Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Агентии назорати гардиши ғайриқонунии маводи мухаддири назди Президенти ҶТ, Агентиии омори назди Президенти ҶТ, Вазорати адлия, Вазорати молия, Вазорати рушди иқтисод ва савдо, ВКД, КДАМ, Кумитаи сармоягузорӣ ва идораи амволи давлатӣ, Кумитаи андози назди Ҳукумати ҶТ, Хадамоти гумруки назди Ҳукумати ҶТ, Хадамоти муҳоҷирати назди Ҳукумати ҶТ, Хадамоти алоқаи назди Ҳукумати ҶТ, Департаменти мониторинги молиявӣ дар назди БМТ, Ассотсиатсияи бонкҳои ҶТ, Ассотсиатсияи аудиторони ҶТ, Иттифоқи адвокатҳои ҶТ, мутахассисони ташкилотҳои қарзӣ (бонкҳо), ширкатҳои суғурта ва ширкатҳои аудиторӣ барои омодабошии ҶТ ба баҳогузории тарафайни Гурӯҳи Авросиё семинари таълимӣ гузаронида шуд. Қабл аз оғози чорабинӣ, Раиси БМТ-Ҷамшед Нурмаҳмадзода ҳайати котиботи Гурӯҳи Авросиё оид ба муқовимат ба қонунисозии даромадҳои бо роҳи ҷиноят бадастоварда ва маблағгузории терроризмро таҳти сарварии котиби иҷроияи Гурӯҳи Авросиё ҷаноби Нечаев В.П, ба ҳузур пазируфт. Мулоқот оид ба зарурати омодагии ҶТ ба даври дуюми баҳодиҳии тарафайн оид ба муқовимат ба қонунисозии (расмикунонии) даромадҳои бо роҳи ҷиноят бадастоварда ва маблағгузории терроризм дар ҶТ, ки дар соли 2017 дар назар гирифта шудааст, баргузор шуд. Зимни мулоқот ва мубодилаи афкор ҷонибҳо аз натиҷаи корҳои дар ин самт анҷомёфта ва омодабошӣ ба даври навбатӣ сухан ронда, изҳори умедворӣ карданд, ки маълумотҳои дар семинар пешниҳодшаванда аз ҷониби иштирокдорон дар тақвияти ҳамкориҳои муштарак байни мақомоти давлатӣ ва намояндагони бахши хусусӣ дар самти идораи самараноки хавфҳои марбут ба қонунисозии даромадҳо ва маблағгузории терроризм самаранок истифода бурда хоҳанд шуд. Дар ҷараёни семинари омӯзишӣ мутахассисони Гурӯҳи Авросиё ба иштирокдорон дар мавриди мутобиқати баҳодиҳии меъёрҳои техникӣ, хатар ва дарки он ҳини баҳодиҳии тарафайн, нақши мақомоти дахлдори давлатӣ ва бахши хусусӣ дар ҷараёни баҳодиҳии тарафайни Гурӯҳи Авросиё, истифодаи маълумоти васеъ ва саҳеҳ дар самти муқовимат ба қонунисозии даромадҳои бо роҳи ҷиноят ба дастоварда ва маблағгузории терроризм маълумот пешкаш карда, ба иштирокдорони семинар бо овардани мисолҳо аз таҷрибаҳои беҳтарини дигар кишварҳо маслиҳатҳои муфид доданд. Дар навбати худ иштирокдорони семинар оид ба таҷрибаҳои хеш ва тарзу усулҳои ба роҳ мондани назорати дохилӣ дар самти муқовимат ба қонунисозии даромадҳои бо роҳи ҷиноят бадастовардашуда ва маблағгузории терроризм дар идораву ташкилотҳояшон сухан ронда, ба саволҳои худ посухҳои мушаххас гирифтанд. Зимнан, изҳори боварӣ карда шуд, ки чорабиниҳои мазкур дар пешбурди фаъолияти низоми молиявии мамлакат, ташаккули равобити хуби корӣ бо Гурӯҳи Авросиё оид ба муқовимат ба қонунисозии даромадҳои бо роҳи ҷиноят бадастовардашуда ва маблағгузории терроризм, табодули таҷриба байни ташкилотҳои қарзӣ ва тарзи дурусти истифодаи санадҳои меъёрии ҳуқуқии БМТ мусоидат хоҳад кард. Шоистаи зикр аст, ки дар семинари мазкур вохӯрии намояндагони Гурӯҳи Авросиё бо Комиссияи доимоамалкунандаи байниидоравии татбиқи меъёрҳои муқовимат ба қонунисозии (расмикунонии) даромадҳои бо роҳи ҷиноят бадастоварда ва маблағгузории терроризми назди Ҳукумати ҶТ баргузор шуда, ба иштирокдорони семинар оид ба саҳми Комиссия ба ҷараёни баҳодиҳии тарафайн, натиҷаҳо ва таҷрибаҳои қаблии баҳогузории тарафайн маълумот дода шуд. Қайд кардан бамаврид аст, ки ҶТ соли 2014 аз ҷониби Гурӯҳи Авросиё ва Гурӯҳи татбиқи чораҳои молиявии муқовимат ба расмикунонии пул (ФАТФ) ба қатори кишварҳое, ки ба талаботи тавсияҳои ФАТФ комилан ҷавобгӯянд, ворид карда шудааст.

Шуъбаи матбуоти БМТ

 

саҳ 34 аз 40

Китобҳо

Flag Counter