Ҳалима аз ҳар 2 шавҳараш танҳо бо иллати бефарзандӣ ҷудо шуда, дар яке аз ошхонаҳои ш.Қӯрғонтеппа ба кор даромад. Аз куҷое Тағоймурод ном марди 74-сола сари шавҳарамро гаранг кард, ки «духтаратро ман ба занӣ мегирам». Дилам ҳамон вақт нохушиеро ҳис карда, чанд бор ба мардакам гуфтам, «биё духтарро ба ҳоли худаш монем», вале нашуд. Ҳалимаи ман оромтабиат ва ботамкин буд. Духтарандараш-Баҳрӣ бо ӯ муносибати хуб надоштааст. Хуллас, Ҳалимаро ӯ бо фармони Тағоймурод оташ задааст. Аъзои бадани Ҳалима қариб 90% сӯхт ва дар беморхонаи Қарияи Болои Қурғонтеппа фавтид. Муфаттишони прокуратураи вилоят ба Тағоймурод ҷазои сабук додаанд ва ман бо ин ҳукми онҳо комилан розӣ нестам. Аз Прокуратураи генералӣ хоҳиш дорам, ки ба ҳалли қазия дар доираи инсоф ва қонун мусоидат кунад.