Тоҷиддин Алиев, сокини к.Қаротегини шаҳри Душанбе (тел.900 080877) меҳмони редаксияи СССР шуда, гуфт: 

   - Соли 2013 бо қарори Ҳукумати ҶТ ба сокинони кучаи Қаротегин ва ҷамоати “Россия” барои оромгоҳ 4 га. замин ҷудо карданд. Қисмате аз ин заминро (ҳудуди 20 сотих), ки ҷарӣ ва кӯҳпора буд, мардуми ин 2 маҳал обод карда, дар он ҷо таваққуфгоҳ барои мошинҳои ҷанозабиёр бунёд намуданд. Аммо 7 сол баъд, нафаре пайдо шуда, ин қитъаи замини оромгоҳро мехоҳад хусусӣ кунад. Мо 1 гурӯҳ бошандагони маҳал ба мақомот бобати ин қазия шикоят бурдем, аммо онҷо гуфтанд, ки замин ба таври қонунӣ ҳуҷҷатгузорӣ шудааст. Вале мардуми маҳал 7 сол дар ин қитаъи замин заҳмат кашиданд. Мо ба касе зулм карданӣ нестем, аммо аз мақомоти ноҳияи Рудакӣ муҳтарамона хоҳиш мекунем, ки ба ин шаҳрванд дар дигар ҷо замин ҷудо кунанд ва меҳнати мардумро қадр намоянд.