1 нафар ҷавондухтари 19-сола, сокини вилояти Суғд ба хотири расидан ба висоли дӯстдоштааш ба фолбин муроҷиат карда, аввалан даст ба ҷиноят мезанад ва баъдан худро аз ҳаёт маҳрум месозад.
Чуноне ВКД ҶТ хабар медиҳад, шаҳрванд Каримова Маърифат Норбоевна, соли таваллудаш 1982, сокини ҷамоати деҳоти Гули-Сурхи шаҳри Истаравшан ҳамон нафари мушкилкушоест, ки бо ваъдаи бо роҳи сеҳру ҷоду ҳал намудани муаммо, яъне мусоидат дар бавуҷудории муҳаббат ва оқибат хонадоршавии духтар бо ҷавони дӯстдошта, давоми солҳои 2014-2016 бо роҳи фиреб ба миқдори махсусан калон, маҷмуан зиёда аз 206 ҳазор сомонӣ маблағи пулӣ ва тилловориро аз ҷавондухтар талаб карда гирифтааст.
Ин миқдор маблағи пулиро духтари фиребхӯрда, ки ба қобилияти фолбин бовар дошт аз хонаи бародар ва дигар пайвандонаш қисм-қисм дуздида ба фолбин додааст. Ҳангоме, ки ҳолатҳои дуздӣ ва воқеъияти кор ошкор мешавад, духтар худро шахси шармандашуда ҳисобида ба ҳалокат мерасонад. То рӯзи марг маълумоти мазкур ба тафтишот дастрас ва баъзе аз далелҳои шайъӣ, аз ҷумла тилловорӣ аз хонаи фолбин дарёфт гардиданд.
Фолбин Маърифат Каримова маблағҳои пулии бо роҳи фиреб ба даст овардаро барои хароҷоти шахсиаш, аз ҷумла сохтмони хонаи истиқоматӣ истифода бурдааст. Ба иттилои тафтишот, хонаи навсохтмони боҳашамат ҳақиқати талхест, ки кирдори ҷиноятии ин занро тасдиқ мекунад.
Барои тақаллубкорӣ аз рӯи ин ҳодиса бо моддаи 247, қисми 4 Кодекси ҷиноятии Ҷумҳурии Тоҷикистон нисбати гумонбаршаванда Каримова М.Н., парвандаи ҷиноятӣ оғоз гардидааст. Мақомоти тафтишбаранда аз шаҳрвандоне, ки аз амалу рафтори мардумфиребонаи фолбин Маърифат Каримова, сокини деҳаи Зарнисори шаҳри Истаравшан зарар дидаанд, даъват ба амал меорад, ки ба Прокуратураи ноҳияи Б. Ғафуров ё ба мақомоти милитсия муроҷиат намоянд.
СССР
Ба ШВКДи ш.Қурғонтеппа шаҳрванд Қурбонов Исмоили 20-сола, сокини н.Шоҳмансури пойтахт бо аризаи шикоятӣ муроҷиат намуда, гуфтааст, ки санаи 13 декабр, соати 01:30 дақиқаи шаб аз кор баргаштанаш 3 ҷавони тахминан 18-20 сола, дар боғи фароғатии ш.Қурғонтеппа ба номи Р.Мурчаев бо зӯрӣ 1 адад телефони мобили (арзишаш 300 сомонӣ)-ро гирифта аз ҷой ҳодиса ғайб мезананд ва ба Исмоил зарари ҷиддии моддӣ мерасонанд. Ҳини гузаронидани чорабиниҳои оперативӣ-ҷустуҷӯӣ шаҳрвандон Муродов Раҷабалӣ-соники н.Балҷувон аз деҳаи Туркҳо бо ҳамроҳии шиносҳояш-Шарипов Фаридун ва Холназаров Диловар сокинони н.Бохтар аз совхози Ф.Саидов, шуъбаи 1-ум, ҳамчун гумонбар ба ШВКД оварда шуд. Дар натиҷаи пурсиш эшон бо гуноҳи худ пурра иқрор шудаанд. Исмоил гуфтааст, ки ӯ донишҷуи ДДҚ асту аз набудани маблағ шабона дар нонвойхона кор мекадааст, то бо роҳ шартномаи Донишгоҳро супорад.
Баҳодур Уроқов
СССР вилояти Хатлон
Андрей Карлов, сафири Федератсияи Русия дар Ҷумҳурии Туркия, дирӯз зимни суханронӣ дар ифтитоҳи намоиши аксҳо дар бораи кишвараш, ки дар Маркази фарҳангии Анкара баргузор шуда буд, аз ҷониби собиқ корманди полиси Туркия Мавлют Мерт Олтинташи 26 сола кушта шуд. Пас аз қатли сафир, Мавлют боз ба сӯи чанд нафари дигар тир холӣ карда дар ҷойи ҳодиса худ низ мавҳ гардид.
Чуноне ки хабаргузориҳо иттиллоъ медиҳанд, номбурда тобистони соли ҷорӣ бо иттиҳоми ҳамдастӣ бо созмони ғайриқонунии ФЕТО дар Туркия аз сафи полис ихроҷ карда шуда буд. Аммо ӯ чӣ тавр бо шаҳодатномаи полисӣ ва таппонча дохили Маркази фарҳангӣ шудааст ҳанӯз маълум нест.
Андрей Карлов, ки собиқаву таҷрибаи қариб 40 солаи фаъолияти дипломатӣ дорад, аз соли 2013 ба ҳайси сафири Федератсияи Русия дар Туркия кор мекард. Вобаста ба ин қазия, ки алакай «террор» ном гирифтааст, парванда боз шудааст.
СССР
1 манбаъ ба СССР гуфт, ки рӯзи 14 декабр 2 корманди шуъбаи муҳофизат (отделохрана) ҳамдигарро бо корд зада, маҷрӯҳ кардаанд. К.Саидзода-Сардори шуъбаи муҳофизат дар вил.Хатлон дар пайи тасдиқи ин хабар гуфт, ки 2 корманди ӯ ҳангоми навбатдорӣ, байнашон муноқиша пайдо шуда, якдигарро бо корд захмӣ мекунанд. Тафтишоти ин ҳодиса аз ҷониби мақомот давом дорад.
Баҳодур Уроқов
СССР вилояти Хатлон
Бо ташаббуси мақомоти иҷроияи маҳаллии ҳокимияти давлатии ш.Қӯрғонтеппа таҳти роҳбарии роҳбари Дастгоҳи Раиси ш.Қӯрғонтеппа, доктори илмҳои ҳуқуқ, профессор Азимзода Назир вохӯрии намояндагони мақомоти иҷроияи маҳаллии ҳокимияти давлатии шаҳр ва шӯъбаи ВКД бо ҷавонон, имомхатибон, раисони маҳаллаҳо, фаъолони шаҳр ва соҳаи маорифи шаҳр оид ба масъалаи «Ҷинояткорӣ ва роҳҳои пешгирӣ намудани он» доир шуд. Аз ҳисоботи Сардори Шӯъбаи ВКД дар ш.Қӯрғонтеппа, полковники милитсия Нуралӣ Раҷабзода «Сатҳи ҷинояткорӣ дар шаҳри Қӯрғонтеппа ва мубориза бо он» аён шуд, ки ҳанӯз ҳам сатҳи ҷинояткорӣ дар байни наврасон ва ҷавонон ташвишовар буда, таълиму тарбия ва назорати онҳо диққати ҷиддиро талаб менамояд. Ба ин хотир дар мавзӯи «Сабабҳои ҷинояткории ноболиғон ва роҳҳои пешгири намудани он» Азимзода Назир бо нишон додани мисолҳои мушаххас сӯҳбати фаҳмондадиҳӣ доир намуданд. Ҷавонон низ дар интиҳо аз натиҷаҳои ин гуна вохӯриҳо ва шукргузорӣ аз ваҳдату оромии кишвар ибрози ақида намуданд.
Баҳодру Уроқов СССР вилояти Хатлон
Ҳамасола санаи 9-уми декабр ҳамчун рӯзи ҷаҳонии мубориза бо коррупсия таҷлил мешавад. Кормандони Шӯъбаи минтақавии Раёсати Агентии назорати давлатии молиявӣ ва мубориза бо коррупсия дар водии Зарафшон, дар соли равон 51 адад ҷинояти коррупсионӣ ва иқтисодии хусусияти коррупсионидоштаро ошкор намудаанд. Тибқи иттилои ин ниҳод, зарари ошкоршуда 4370880 сомониро ташкил намуда, он пурра барқарор карда шудааст. Кормандони сохтори мазкур 4 ҳолати вайронкунии Қонуни танзим, 8 ҷинояти вобаста ба заминро ошкор намуда, баҳри барқарор кардани бақияи андоз, ҳам фаъолияти назаррас кардаанд ва 5300000 сомонӣ бақияи андозро ба буҷа барқарор кардаанд. Мувофиқи маълумотҳои котиботи Шӯъбаи мазкур дар водии Зарафшон, 248 аризаю муроҷиати шаҳрвандон ворид гардида, аз рӯи онҳои қарорҳои дахлдор қабул шудааст.
Хуршед Фозилов
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
