Зафар Саидов-сардори шуъбаи оперативӣ-ҷустуҷӯии ин раёсат дар сӯҳбат бо СССР гуфт, ки Гулматов (с.тав.1993, сокини н.Ҳамадонӣ) маводи мухаддири навъи афюнро ғайриқонунӣ ва ба миқдори махсусан калон бо худ гардонидааст. Шаҳрванди Ҷумҳурии Исломии Афғонистон, ки шахсияташ ба тафтишот номаълум аст, 25.03.2016 ба телефони мобилии Собир занг зада тибқи маслиҳати пешакӣ таклиф мекунад, ки ба муомилоти ғайриқонунии маводи нашъадор машғул шавад. Ӯ бо Фирдавс ном шахс дар маркази н.Ҳамадонӣ вохӯрда, пешниҳод мекунад, ки бар ивази маблағи 2500 сомонӣ воситаи нашъадорро аз шаҳрванди ҶИА ба даст оварда, аз н.Ш.Шоҳин (собиқ н.Шурообод) то ш.Кӯлоб биёрад. 29 март тибқи маслиҳати пешакӣ бо шаҳрванди ҶИА тавассути автомашинаи мусофиркаш ба деҳаи Ёли н.Ш.Шоҳин рафта, дар болои кӯҳҳои деҳа вомехӯранд ва маблағи $2700-ро ба ӯ дода, дар борхалтаи варзишӣ 1 миқдор воситаҳои нашъадори навъи афюнро гирифта, бо мақсади ба каси дигар додан, то роҳи мошингарди самти ш.Кӯлоб меорад. Худи ҳамон рӯз соатҳои 20:00 аз ҷониби кормандони раёсати Агентии мазкур дар ҳудуди н.Ш.Шоҳин зимни 1 амалиёти оперативӣ Собир дастгир шуд. Ҳини кофтуков аз борхалтаи ӯ ба миқдори 10 кг афюн ёфт ва мусодира шуда, вазни он беш аз 10 кг-ро ташкил медиҳад. Гулматов бо ҳаракатҳои бадқасдонаи худ бо моддаҳои 200, қисми 4, банди “4”,-и 221, 222, 225 , КҶ ҶТ бояд дар курсии ҷавобгарӣ нишинад.

Баҳодур Уроқов, ш.Қурғонтеппа