Ҳангоми гузаронидани чорабиниҳои муштарак аз ҷониби кормандони Хадамоти оташнишонии ВКД ҶТ ҳолати бехатарӣ аз сӯхтори идораҳои букмекерӣ дар ҳудуди марказҳои савдои «Ганҷина», «Панҷшер», воқеъ дар к. Н.Қарабоев-77, нуқтаи бозиҳои компютерӣ, воқеъ дар к. Қаҳҳоров-123, қаҳвахонаи «Караоке» дар бинои Сирки давлатӣ, воқеъ дар к. Н.Қарабоев-2, кинотеатри ҶДММ «Ориёно», воқеъ дар х.Рӯдакӣ, марказҳои букмекерӣ, воқеъ дар х. Рӯдакӣ-114 ва 187, Маркази бозиҳои компютерӣ, воқеъ дар к. Бохтар-27 дар н. И.Сомонӣ, Маркази бозиҳои компютерӣ аз ҶДММ «Уйгурка», воқеъ дар к. Айнӣ-34, идораҳои букмекерӣ, воқеъ дар кӯчаи Айнӣ 80/1, 82 ва 269 дар н. Шоҳмансур, кинотеатри «3D», воқеъ дар к. И.Сомонӣ-10/14, маркази бозиҳои компютерӣ дар к. Қазоқон-1 ва идораи букмекерӣ, воқеъ дар к. Ҷомӣ-48 дар н. Синои ш. Душанбе, мавриди санҷиши муштарак қарор дода шуданд.
Чуноне ки смонаи ВКД ҶТ хабар медиҳад, дар рафти баргузории чорабиниҳо барои дидаю дониста ва мунтазам вайрон кардани талаботи меъёру қоидаҳои бехатарӣ аз сӯхтор нисбати 3 нафар кормандони иншоотҳои мазкур протокоҳои маъмурӣ тартиб дода шуда, ба маблағи 750 сомонӣ ҷарима татбиқ карда шуд. Инчунин, фаъолияти 2 маркази бозиҳои компютерӣ муваққатан боздошта шуда, бо 154 нафар кормандони иншоотҳои мазкур ва шаҳрвандони касбу кори гуногун оид ба риояи ҳатмии меъёру талаботи қоидаҳои бехатарӣ аз сӯхтор дастуру суҳбатҳои муфид гузаронида шуданд. Ҳамзамон бо онҳо ҷиҳати таъмини тартиботи ҷамъиятӣ ва риояи ҳатмии талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва диққати махсус додан дар ин самт суҳбатҳои лозимӣ гузаронида шуданд.
Сарраёсати хадамоти давлатии оташнишонии Вазорати корҳои дохилӣ, дар асоси супориши роҳбарияти ВКД, бо мақсади пешгирӣ намудани ҳодисаҳои сӯхтор, таъмини тартиботи ҷамъиятӣ ва риояи ҳатмии талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», 4-уми апрели соли 2017 шабона аз ҳисоби кормандони Сарраёсат, РХДО шаҳри Душанбе ва ҷузъу томҳои он, кормандони милитсия, инчунин дигар мақомотҳои дахлдор гурӯҳҳои корӣ ташкил карда, барои гузаронидани корҳои профилактикӣ-фаҳмондадиҳӣ ва санҷишҳои фаврӣ дар марказҳои дилхушию бозиҳои компютерӣ ва дилерӣ, идораҳои букмекерӣ, ки дар онҳо аксар вақт мактаббачагону наврасон вақти зиёди худро ба бозиҳои характери зуроваридошта ва дигар бозиҳои беҳудаи зараровар сарф менамоянд, дар ҳудуди ноҳияҳои И.Сомонӣ, Шоҳмансур, Фирдавсӣ ва Синои шаҳри Душанбе, чорабиниҳои мақсаднок ташкил ва баргузор намуданд.
СССР
