ХАБАРИ ДОҒ
Чоршанбе, Дек 01 2021

 

29.11.1920. Дар Русияи шӯравӣ тамоми корхонаҳое, ки теъдоди когаронашон аз 10 нафар зиёд буд, миллӣ кунонида шуданд.

29.11.1941. Немисҳо дар деҳаи Петришевои назди Маскав яке аз тахрибкорони шӯравӣ Зоя Анатолевна Космодемянская ба дор овехтанд. Ӯ аъзои гурӯҳи тахрибкории фронти Ғарбӣ ба шумор мерафт. Ин гурӯҳ мебоист тибқи фармони №0428-и Иосиф Сталин «Оид ба сӯзонидани ҳамаи нуқтаҳои аҳолинишин дар ақибгоҳи душман» 10 деҳаро дар назди Маскав ба оташ мекашид. Зоя ҳангоми оташ задани чанд хона дар деҳаи Петришево ба дасти немисҳо афтида, бераҳмона ба қатл расонида шуд. Ӯ аввалин зане гардид, ки дар рафти ҶБВ ба унвони Қаҳрамони Иттиҳоди Шӯравӣ сазовор гардонида шуд.

30.11.1939. Оғози ҷанги Шӯравӣ бо фин. Нерӯҳои фронти Ленинград дар гарданаи Карел ба ҳуҷум мегузаранд ва Лигаи миллатҳо бошад СССРро таҷовузгар хонда, аз ҳайати худ хориҷ мегардонад.

30.11.1979. Дар Иттиҳоди Шӯравӣ кумитаҳои назорати халқӣ ҷорӣ гардонида шуданд.

2.12.1918. Дар Русияи шӯравӣ бо қарори ШКХ фаъолияти тамоми бонкҳои хориҷӣ дар қаламрави РСФСР мамнуъ эълон карда шуд.

2.12.1956. Фидел Кастро бо гурӯҳи ҳаммаслаконаш дар музофоти Ориентаи Куба ба хушкӣ фуруд омад ва муборизаи мусаллаҳонаро алайҳи ҳукумати Батиста оғоз намуд. Ин рӯз дар Куба чун Рӯзи нерӯҳои мусаллаҳи инқилобӣ васеъ ҷашн гирифта мешавад.

3.12.1917. Владимир Ленин ва Иосиф Сталин бо Муроҷиатномаи якҷоя ба тамоми мусалмонони Русия ва Шарқ баромад карданд. 2 роҳбари болшевик аз мусалмонон хостанд барои озодӣ аз ҳар навъ истисмор ба мубориза бархезанд. Муроҷиатнома «Ба ҳамаи меҳнаткашони мусалмони Русия ва Шарқ» ном гирифт.

3.12.1945. Дар ИМА лоиҳаи «Троян» ба тасвиб расид. Тибқи лоиҳа ИМА мебоист 1.01.1950 ҷанги тамомайёри атомиро алайҳи СССР шурӯъ мекард.

3.12.1951. Дар Туркия барои роҳбарони ташкилотҳои коммунистӣ ҳукми қатл ҷорӣ карда шуд. Аз ин ба баъд ҳар роҳбари коммунист дар ин кишвар мебоист ба қатл мерасид.

3.12.1959. Дар заводи Адмиралтейскийи Ленинград аввалин киштии атомии яхшикан дар дунё, киштии яхшикан (ледокол)-и Ленин сохта ба истифода дода шуд.

Чоршанбе, Нояб 24 2021

 

22.11.1934. КИМ СССР ва ШКХ СССР дастуруламал оид ба Комиссариати халқии мудофиаро ба тасвиб расонид. Комиссариати нав тавассути ба ҳам омадани Комиссариати халқии корҳои ҳарбӣ-баҳрӣ ва Комиссариати флоти ҳарбӣ-баҳрӣ созмон дода шуд.

23.11.1955. Дар СССР бо қарори Раёсати Шӯрои Олии СССР «манъи исқоти ҷанин (аборт)» бекор карда шуд. Тибқи қарори нав, ҳар зан худ масъалаи модар шуданро мебоист ҳал мекард ва агар мехост сиқти ҷанин мекард. Ин қонун то ба имрӯз ҳам дар бештари ҷамоҳири собиқ Иттиҳод амал мекунад.

25.11.1918. Розике Швиммер фаъоли зидди ҷанги (патсефист) венгерӣ, сафири ин кишвар интихоб карда шуд. Ӯ аввалин сафири зан дар таърихи дипломатияи ҷаҳонӣ гардид.

25.11.1926. КМ ВКП(б) қарор оид ба сохтмони Днепрогэсро ба тасвиб расонид. Он яке аз бузургтарин сохтмонҳои индустриалии СССР гардид ва дар муддати кӯтоҳ сохта ба истифода дода шуд. Замони ҶБВ онро хароб ва баъди ҷанг дар зарфи муддати кӯтоҳ дубора бунёд карданд.

26.11.1942.Миёни ҳукумати СССР ва намояндагони ҳукумати дар муҳоҷират будаи Фаронса созишномае ба имзо расид, ки тибқи он дар ҳудуди СССР дастаи ҳавоии фаронсавӣ созмон дода шавад. Ин даста баъди чанде ба полки ҳавоӣ табдил ёфт ва бо номи «Нормандия-Несан» дӯшодӯши ҳавонавардони шӯравӣ бо немисҳо меҷангид.

26.11.1992. Дар Ҷумҳурии Литва Алгирдас Бразаускас-собиқ котиби аввали ҲКи ин кишвар ба ҳайси президенти Литва интихоб шуд.

26.11.1917. Дар назди девори Кремли Маскав ҷасади 238 қаҳрамони инқилоби Октябрӣ ба хок супорида шуданд. Баъди 3 рӯз дар ҳамин мавзеъ ҷасади юнкерҳо, ки зидди ҳамин қаҳрамонон меҷангиданд, ба хок рафтанд. Болшевикон ин маросимро таҳаммул карданд, аммо баъди чанде қабристони бародариро барҳам заданд.

26.11.1924. Муғулистон ҷумҳурии халқӣ эълон карда шуд ва дар ин кишвар якумин Сарқонун тавассути хурали бузурги мардумӣ қабул карда шуд. Муғулистон баъди ин ба лагери сотсиалистӣ ҳамроҳ шуд ва ҳудуди ин лагер 2 баробар афзуд.

26.11.1971. Дар СССР бо қонуни махсус ҳаҷми ниҳоии музди меҳнати моҳонаи коргарон ва хизматчиён 70 рубл муайян шуд. Ин ҳаҷми музди меҳнат дар 20 соли оянда қариб бе тағйир боқӣ монд.

Чоршанбе, Нояб 17 2021

 

15.11.1920. Дар Женево-пойтахти Швейтсария аввалин нишасти Маљлиси Лигаи Миллатњо оѓоз шуд. Он ќариб 30 сол љойгузини СММ буд ва њамон замон њам эътибори чандоне надошт.

15.11.1923.Дар СССР ГПУ ба ОГПУ таѓйири ном кард ва аз њайъати НКВД бароварда шуд. Бо ин кор чекистонро аз ќудрати судї мањрум карданд.

15.11.1923.Таварруми азим дар Олмон. Дар ин рўз саррофињои Берлин 1 доллари амрикоиро бо нархи 4 триллион марка мехариданд.

15.11.1982. Маросифи дафни котиби генералии ЊКИШ, Леонид Брежнев дар Майдони Сурхи Маскав. Ваќте љасадро ба ќабр мегузоштанд, тобут аз бандњо канда шуд ва якбора ба замин уфтод. Ў яке аз 10 нафар аз роњбарияти олирутбаи шўравї буд, ки номаш дар ќатори санги хороии девори Кремлин дарљ шуд.

16.11.1921.Дар Русияи Шўравї Бонки давлатии РСФСР ба кор сар кард. Амалиёти пулї тариќи њамин бонк анљом дода мешуданд.

16.11.1922.Њукумати болшевикї, албатта бо дархости мардум 1 идда аз намояндагони ќишри зиёиро аз СССР табъид ва намояндагони ин ќишрро бо киштии мусофирбари «Пруссия» аз Русияи шўравї хориљ карданд.

16.11.1933.СССР бо ИМА муносибати дипломатиро барќарор кард.

16.11.1938.Дар СССР Кумитаи умумииттињодии корњои тарбияи љисмонї ва спорт бо фармони худ самборо “аз љињати гуногуншаклии усулњо ва ањамияти дифої» навъи спорти бисёр боарзиш номида, ин рўзро рўзи таваллуди расмии ин навъи гўштин мењисобанд.

17.11.1919.Бо ќарори Шўрои Инќилобии РСФСР Корпуси саворавї унтер-афсари собиќ Семен Буденный ба Армияи якуми савора табдил дода шуд. Армияи якуми савора, ки бештар аз казакњои болшевикшуда таркиб ёфта буд, дар ѓалабаи болшевикон наќши муњим гузошт.

17.11.1923.Дар њайъати НКВД хадамоти нозирони минтаќавии милитсия таъсис ёфт.

17.11.1938. Дар СССР ШКХ ва Бюрои сиёсї ќарор «Бобати боздошт, назорати прокурорї ва бурдани тафтишот»-ро ќабул кард. Тибќи он, тамоми гурўњњои дугона ва сегонаи ѓайрисудї дар кишвар барњам дода шуда, боздошти афрод танњо бо ќарори суд ё иљозаи прокурор меанљомид.

17.11.1941.Дар СССР Фармони №0428-и Ќароргоњи Сарфармондењ содир шуд, ки дар он гуфта мешуд: «Тамоми нуќоти ањолинишин дар аќибгоњи артиши немисї бояд яксара хароб ва сўзонида шаванд».

18.11.1956.Котиби аввали ЊКИШ Н.Хрушев њини ќабули кормандони хадамоти дипломатии ИМА дар суханрониаш ба онњо гуфт: «Мо шуморо мегўронем!»

Чоршанбе, Нояб 10 2021

 

8.11.1917. Шӯриши болшевикон дар Маскав. Баъди пирӯзӣ дар Петроград болшевикон дар Маскав алайҳи нерӯҳои ҳукуматӣ шӯриш карданд ва баъди задухӯрдҳои шадид тавонистанд пойтахти дуввуми кишварро низ ба тасарруфи худ дароранд.

8.11.1920. Артиши Сурх истеҳкомҳои Перекопро ишғол намуданд. Перекоп охирин садд дар роҳи ишғоли Қрим ба шумор мерафт. Ин нимҷазира охирин такягоҳи генерал Врангел ва нерӯҳояш буда, баъди ишғоли он сафедҳо ба пуррагӣ торумор гардиданд.

8.11.1943. Дар СССР ордени ҳарбии Ғалаба ва ордени Шарафи седараҷаӣ таъсис дода шуданд.

9.11.1923. Фюрери олмонӣ Адолф Гитлер баъди пивонӯшӣ дар пивохонаҳои Мюнхен нерӯҳои худро ба майдони марказии ин шаҳр баровард ва кӯшиш кард, ки ҳукуматро дар Мюнхен ғасб намояд. Аммо низомиёни олмонӣ садди роҳи фашистон шуда, шӯриши нозиҳоро пароканда карданд. Худи Гитлер ва Геринг дар рафти ин шӯриш ҷароҳат бардоштанд.

9.11.1940. Дар макотиби миёнаи Иттиҳоди Шӯравӣ омӯзиши ҳатмии забонҳои хориҷӣ ҷорӣ карда шуд.

9.11.1989. Оғози шикасти девори Берлин. Дарозии девори Берлин 45 км-ро ташкил медод ва дар ҷамъ девор миёни Олмони шарқӣ ва Ғарбӣ 120 км дарозӣ дошт.

10.11.1917. Дар Русияи Шӯравӣ бо қарори комиссариати корҳои дохилӣ, ниҳоди милиса расман таъсис дода шуд.

10.11.1961. Сталинград ба Волгоград тағйири ном кард. Номи қадимаи ин шаҳр Царицин буд ва ҳангоми номгузорӣ аз он дигар касе ёд накард, аммо номи Сталинград ба хотири муҳорибаи шадиди ҶБВ барои ҳамеша дар таърих боқӣ монд.

10.11.1982. Леонид Илич Брежнев-котиби генералии ҲКИШ аз олам чашм пӯшид. Брежнев аз соли 1964 то соли 1982 ба Иттиҳоди Шӯравӣ роҳбарӣ кард. 

12.11.1970. Дар Покистон боди тунд, ки суръаташ ба 240 км дар соат мерасид ва мавҷи баландиаш 15 метр, сабаби марги 150.000 одам шуд. Тибқи баъзе маълумотҳо, теъдоди қурбониёни ин фоҷеъа 300-400 ҳазор нафарро ташкил намуд ва ин фоҷеъа бузургтарин офати табиии қарни ХХ шинохта шудааст.

12.11.1982. Дар Иттиҳоди Шӯравӣ Юрий Андропов ба ҳайси котиби генералии Ҳизби Коммунисти Иттиҳоди Шӯравӣ интихоб гардид.

Чоршанбе, Нояб 03 2021

 1.11.1952. ИМА аввалин санҷиши бомбаи гидрогении худро дар ҷазираҳои Маршалл (Уқёнуси Ором) баргузор намуд. Иқтидори ин таркиш 10,4 мегатоннро ташкил дод ва ҷазираи Элуджлабро ба пуррагӣ хароб кард. Ин бомб 800 маротиба пурзӯртар аз бомбаи болои Хиросима партобшуда буд.

1.11.1977. Дар СССР тайёраи мусофирбари ТУ-144 ба истифода дода шуд. Аввалин парвози ин тайёра бо хатсайри Маскав-Алмаато ба вуқӯъ пайваст.

1.11.1990. Дар СССР қурби тиҷории рубл ҷорӣ карда шуд. Тибқи ин қурб 1 доллари ИМА 1 рублу 80 тин нархгузорӣ гардид.

2.11.1938. Дар СССР барои аввалин бор ба занҳо унвони Қаҳрамони Иттиҳоди Шӯравӣ дода шуд. Ин занҳо ҳавонавардон Валентина Гризодубова, Полина Осипенко ва Марина Раскова гардиданд.

3.11.1931. Дар Иттиҳоди Шӯравӣ, дар назди КМ ВКП(б) Институти марксизм-ленинизм таъсис дода шуд. Ин муассиса дар собиқ Иттиҳод яке аз бонуфузтарин ва бойтарин муассисаҳои илмӣ буд.

4.11.1946. Дар пойтахти Фаронса-шаҳри Порис, СММ оид ба масоили маориф, илм ва фарҳанг - ЮНЕСКОро таъсис дод.

4.11.1956. Вуруди Артиши шӯравӣ ба Венгрия. Дар Венгрия ҳукумати Имре Над зидди сиёсатҳои СССР садо баланд кард ва дар Маскав қарор доданд, бо нерӯи ҳарбӣ венгерҳоро ба итоат дароранд. Дар натиҷа Имре дар сафоратхонаи Югославия паноҳ бурд ва дар кишвар ҳукумати инқилобии коргарӣ-деҳқонӣ бо сарварии Янош Кадар созмон дода шуд.

5.11.1929. Дар СССР ташкилоти сайёҳии Интурист таъсис ёфт. Интурист дар собиқ Иттиҳод ягона ташкилоте буд, ки бо масоили сайёҳони хориҷӣ сару кор дошт.

6.11.1917. Дар Петроград дастаҳои Гвардияи Сурх бо кӯмаки аскарони гарнизони шаҳрӣ, ки ба сӯи болшевикон гузашта буданд, аз номи Шӯрои Петроград пулҳо аз болои Нева, почта, телеграф ва истгоҳҳои роҳи оҳанро ба тасарруф дароварданд. Ин амалкард оғози шӯриши мусаллаҳона алайҳи Ҳукумати Муваққат гардид.

Чоршанбе, Окт 27 2021

 

24.10.1939. СССР ва Олмон созишномаи ҳамкории иқтисодиро ба имзо расониданд. Тибқи он СССР ба Олмон ғалладона ва нафт интиқол медод ва дар иваз немисҳо технологияҳои муосирро ба СССР медоданд. Иттиҳоди Шӯравӣ то охирин лаҳзаҳо ба ин созишнома амал кард ва охирин қатораи ғалла ва нафт рӯзи 22.06.1941, дар рӯзи оғози ҶБВ ба Олмон интиқол дода шуд.

24.10.1941.Артиши олмонӣ дар рафти ҶБВ 3-умин маркази интустриалии СССР-шаҳри Харковро тасарруф намуд.

25.10.1922. Соати 4 баъд аз зуҳр нерӯҳои Артиши Халқӣ-инқилобии ҷумҳурии Шарқи Дур бо сарварии Иаким Убаревич ба Владивосток ворид шуданд. Худи ҳамин рӯз, охирин дастаҳои артиши японӣ Русияи Шӯравиро тарк карданд ва ҷанги шаҳрвандӣ дар кишвар ба поён расид.

25.10.1929. Оғози буҳрони умумиҷаҳонии иқтисодӣ. Он яке аз бузургтарин буҳронҳои иқтисодӣ дар ҷаҳон аст ва аз с.1929 то с.1933 идома дошт. Буҳрон ба тамоми кишварҳои ғарбӣ таъсири манфӣ гузошт.

25.10.1962. Дар рафти буҳрони Кариб сафири ИМА дар СММ Эдлай Стивенсон аксҳои мушакҳои шӯравиро дар Куба ба намоиш гузошт. Баъди ин Никита Хрушев ваъда дод, ки мушакҳоро аз Куба берун мекунад, ба шарте ки ИМА аз тарҳи ҳуҷум ба Куба даст бардорад.

26.10.1932. Роҳбари Шӯравӣ Иосиф Сталин дар як баромади худ нависандагонро «муҳандисони рӯҳи одамӣ» таъбир кард.

26.10.1976.Дар Иттиҳоди Шӯравӣ қарори КМ ва Шӯрои Вазирон оид ба чораҳо барои афзоиши истеҳсоли моҳӣ ва маҳсулоти моҳигӣ ба тасвиб расид. Дар нуқтаҳои савдои ҷамъиятӣ рӯзи панҷшанбе, рӯзи ғизоҳои моҳигӣ ҷорӣ карда шуд.

27.10.1962. Дар рафти буҳрони Кариб тайёраи ҷосусии ИМА U-2 дар фазои ҳавоии Куба бо мушаки шӯравӣ зада афтонида шуд. Сарнишини тайёра Рудолф Андерсон ба ҳалокат расид. Ин рӯз дар таърихи муосир чун «Шанбеи сиёҳ» маъруф аст ва муаррихон чунин мешуморанд, ки дар ин рӯз ҷаҳон дар арафаи ҷанги атомии ҷаҳонӣ қарор дошт.

27.10.1990.Дар РСС Қирғизистон Аскар Акаев президенти кишвар интихоб шуд.

  •  << 
  •  < 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  > 
  •  >> 
саҳ 1 аз 48

Китобҳо

Flag Counter