Солҳои 20-уми асри 20 вақте, ки ҳокимияти советӣ ба тоҷикон давлат дод, (агар чанде дар ҳудуди маҳдуд), ба ғайр аз конибодомиҳои бонангу бономус ва далеру бошуҷоат дигар тоҷикони ӯзбекистонӣ садо баланд накарданду ғурури миллӣ нишон надоданд. Сабабаш нодонӣ ва бесаводии мардуми тоҷик буд.

Бояд гӯям, ки дар якчанд ноҳияҳои ҷумҳуриямон аҳолие зиндагӣ доранд, ки худро араб медонанд. Ин арабҳо он арабҳое нестанд, ки 1200-1300 сол пеш буданд, балки арабҳое ҳастанд, ки бо тоҷикон омехта гашта, дар бари мо кору зиндагӣ доранд, мо онҳоро тоҷик медонем. Барои ҳамин навиштаам малоли хотири онҳо нашавад. 

Баъзе бародарони исломӣ мақолаю хабар навишта, ба ман хашму эътироз мекунанд, ки дину паёмбарро таҳқир кардаам. Агар навиштаҳои маро бо Қуръону ҳадисҳо муқоиса мекардед, медидед, ки ман ягон ҷумла ё гаперо нисбати Паёмбар (с.) аз хаёли худ нанавиштаам. Он чизе навиштаам, аз Қуръону ҳадисҳо ҳастанд. Магар дар Ислом ҳақро навиштан гуноҳ аст? 

Баъзеҳо даъво доранд, ки Комрони Далер дигар нанависад, навиштаҳоям бояд чоп нашаванд. Бародарон, агар газета моли шахсии шумо мебуд, ҳақ доштед, чи коре, ки хоҳед бикунед. Маслиҳати ман ба шумо агар навиштаамро нахоҳед, онро нахонед, дидед, ки мақолаи ман аст, чашмонатонро пӯшед, беҳтар аст.

Комрони Далер, ш.Бохтар, 

тел: 205-22-00-00