Дирӯз 35 адад истгоҳҳои муосири нақлиёти ҷамъиятӣ дар хиёбони Рӯдакӣ ва кӯчаи Айнӣ ба истифода дода шуданд. Истгоҳҳои муосир дар асоси лоиҳаи ҶДММ «ҶиЭм-Партнёр» бунёд ёфта, дар мутобиқат ба меъёри байналмилалӣ ва бо назардошти сабку услуби меъмории миллӣ сохта шудаанд. Тибқи лоиҳа он аз ҷойи нишаст, таблоҳои электронӣ барои пешниҳод намудани маълумот ба мусофирон оид ба вақт, рақами хатсайрҳо ва таблоҳои таблиғотӣ иборат мебошанд.
Бино ба итиллои расмӣ, дар истгоҳҳо нуқтаи хизматрасонии телефони шаҳрӣ насб гардида, бо назардошти ҷойгиршавӣ ва шумораи мусофирони нақлиёти ҷамъиятии шаҳрӣ дар 18 истгоҳ дӯконҳои фурӯши рӯзномаю маҷалла ва дигар лавозимоти зарурӣ ба мизоҷон хизмат мерасонанд. Маблағи умумии сохтмони иншооти мазкур беш аз 9 миллион сомониро ташкил медиҳад.
СССР
Имрӯз 2.02.2018, дар КВД “Хоҷагии манзилию коммуналӣ”-и вилояти Хатлон нишасти матбуотӣ баргузор гардид. Кулулов Муқим-директори КВД афзуд, ки 1147 зану мард барои ободии хиёбонҳои шаҳру ноҳияҳои вилоят фаъолият мекунанд. Аз ин шумор, танҳо дар шаҳри Қурғонтеппа 71 нафар зан ва 4 нафар мардро ташкил медиҳад, ки маоши миёнаи онҳо 452 сомонист. Номбурда ҳамчунин афзуд, ки то имрӯз 3062 адад ҳайвонҳои дайду безарар гардонида шудааст.
Баҳодур Уроқов
СССР вилояти Хатлон
Мақомоти иҷроияи ҳокимияти давлатии в.Суғд бо мақсади ҳалли мушкилоти соҳаҳои гуногун, фароҳам овардани зиндагии шоиста ва густариши робитаи мустақим бо аҳолии вилоят иқдоми наверо роҳандозӣ намуд.
Минбаъд сокинон имкон доранд, ки суолу пурсиш ва таклифу пешниҳодоти мушаххаси худро ба Раҷаббой Аҳмадзода, иҷрокунандаи вазифаи раиси в.Суғд тариқи шабакаи Viber бо рақами 92 649-77-77 ирсол намоянд.
Бино ба иттилои маркази матбуоти ҳукумати в.Суғд, муроҷиатҳои сокинон сари вақт ба масъулини мақомоти давлатӣ расонида мешавад ва масъулин ҷиҳати бартарафсозии камбудиву нуқсонҳои ҷойдошта корбарӣ хоҳанд намуд.
…хост дар Хуҷанд 1 миллион лола шинонанд
Инчунин, аз ҷониби масъулини сохторҳои Мақомоти иҷроияи ҳокимияти давлатии ш.Хуҷанд тибқи супориши иҷрокунандаи вазифаи раиси в.Суғд Раҷаббой Аҳмадзода дар кӯчаву хиёбонҳои шаҳр ба коштани беш аз 70 ҳазор тухми лола оғоз карда шуд ва интизор меравад, ки ин лолаҳо дар рӯзҳои ҷашни Наврӯзи Аҷам шаҳрро зеб бубахшанд.
Масъулини гармхонаи муасисаи кабудизоркунӣ ва гулпарварии КВДК Сарраёсати ободонӣ, хоҷагию манзилӣ ва коммуналии шаҳри Хуҷанд мегӯянд, ки ҳоло 200 ҳазор тухмии гулҳои ороишӣ тайёр шуда, ба шукуфтан оғоз кардааст. Тухмии гулҳои ороишӣ давоми 20-25 рӯз омода мегардад, баъдан онро дар зарфҳои хурд парвариш мекунанд. Дар ин гармхона беш аз 10 номгуйи гулҳои ороишӣ аз қабили "Петуния", "Катарантус", "Салвия", "Марҷонгул" парвариш меёбад.
Тибқи иттилои масъулин, давоми соли ҷорӣ дар шаҳри Хуҷанд марҳила ба марҳила беш аз 1 миллион дона гулҳои ороишии мавсимӣ шинонида мешавад.
СССР
Давлатзода Қудрат Қамбар, директори Агентии стандартизатсия, метрология, сертификатсия ва нозироти савдои назди Ҳукумати ҶТ мегӯяд, ки ҷомеа бояд дар баланд бардоштани сатҳу сифати хизматрасонӣ фаъол бошад ва аз ҳамин лиҳоз Агентии “Тоҷикстандарт” дар бозорҳои истеъмолии мамлакат назорати ҷамъиятиро роҳандозӣ кардааст.
Бо ин мақсад суроғаи расмии Агентӣ дар шабакаи ичтимоии Фейсбук, дар шабакаҳои Инстаграм, Вайбер таҳти рақами 988 50 22 22 фаъол гардида, истеъмолкунандагон ва харидорон дар ҳолати ошкор шудани маҳсулоти пастфисат ва мӯҳлати истифодааш гузашта бо суроғаҳои расмӣ метавонанда Агентӣ муроҷиат намоянд.
Бояд қайд намуд, ки дар натиҷаи гузаронидани санҷишҳо аз нуқтаҳои савдо ва бозорҳои ҷумҳурӣ дар маҷмӯъ 1314 қуттӣ чой, 1030 кг. хамиртуруш, 370 кг. ранги сохтмонӣ, 42 тонна ғуррагач ва ширеши сохтмонӣ бо тамғаи қалбакӣ ошкор ва аз муомила гирифта, нисбати соҳибкорон чораҳои маъмурӣ андешида шудааст.
СССР
Имрӯз барои ҳимояи бозори истеъмолӣ аз воридоти маҳсулоти ба саломатӣ хатарнок ва дар ин замина боз ҳам пурқувват кардани пояи техникии озмоишгоҳҳои Агентии стандартизатсия, метрология, сертификатсия ва нозироти савдои Ҳукумати ҶТ ба маблағи зиёда аз 4 млн. сомонӣ таҷҳизоти гуногун харидорӣ гардида, қисми зиёди он алакай ба кишвар ворид ва мавриди истифода қарор дода шудааст. Дар ин робита дар охири соли 2017 3 озмоишгоҳи ташхиси маҳсулоти ғизоии Агентӣ-дастгоҳи марказӣ, Суғд ва Хатлон барои гирифтани аккредитатсияи байналмилаллӣ аз тарафи коршиносони хориҷӣ баҳогузорӣ шудаанд. Дар ин бора имрӯз зимни нишасти матбуоти директори Агентии мазкур Давлатзода Қудрат Қамбар ба намояндагони воситаҳои ахбори омма хабар дод.
Чуноне ки мавсуф иброз дошт, дар натиҷаи гузаронидани назорати давлатӣ дар алоҳидагӣ аз тарафи нозирони андоз ва якҷоя бо мақомоти ҳифзи ҳуқуқ дар соли 2017 ба миқдори 3058,7 тонна маҳсулоти гуногуни хӯроквории ба талабот ҷавобгӯй набуда ба қайд гирифта шуд, ки аз он 1089,5 тонна аз ҷиҳати бехатарӣ ва 1969,2 тонна аз рӯи тамғагузорӣ ғайристандартӣ дониста шуданд.
- Дар натиҷаи амалӣ намудани назорати давлатӣ дар бозори истеъмолӣ аз тарафи нозироти савдо маҳсулоти ғайрихӯрока, аз қабили 1316 қуттӣ тамоку, 45,5 тонна масолеҳи сохтмонӣ, 10899 дона фурӯзонакҳои тафсон, 2938 адад фурӯзонакҳои каммасраф, 3400 метр ноқил ошкор гардиданд, ки ба талаботи ҳуҷҷатҳои меъёрӣ-техникӣ ҷавобгӯ набуданд,-афзуд Давлатзода Қудрат Қамбар.
СССР
Дар соли 2017 ҳаҷми истеҳсоли маҳсулоти кишоварзӣ дар ш.Истаравшан 858 млн. 040,6 ҳазор сомониро ташкил дода, дар ҳамаи нишондиҳандаҳои кишоварзӣ беҳбудиҳо дида мешаванд. Аз ҷумла, истеҳсоли ғалладонагиҳо 35598,7 тонна, картошка 35986 тонна, сабзавот 72282 тонна, мевагиҳо 9559 тонна, ангур 26059 тонна, полезиҳо 10344 тонна истеҳсол карда шудааст, ки нисбат ба ҳамин давраи соли гузашта сабзавот 3153 тонна, полезӣ 1129 тонна, мева 2440 тонна ва ангур 548 тонна зиёд мебошад. Мувофиқи шаҳру деҳоти Истаравшан дар ҳамаи секторҳои хоҷагидорӣ зиёда аз 2114 гектар майдони боғи мевадиҳанда мавҷуд буда, аз он 143 гектар боғи меваи донакдор ва 1971 гектар боғи меваи тухмдор мебошад. Ҳаҷми истеҳсоли мевагиҳо дар ин давра 9 ҳазору 559 тоннаро ташкил медиҳад, ки он 134,3 фоизро дарбар гирифт. Дар ин бора Баҳром Иноятзода, раиси ш.Истаравшан зимни нишасти матбуотӣ, ки рӯзи 29.01.2018 доир ба ҷамбъасти натиҷаҳои иҷтисодӣ-ичтимоиӣ шаҳр баргузор гашт, иттилоъ дод.
Дар нишасти мазкур гуфта шуд, ки дар натиҷаи тадбирҳои андешидашуда, буҷети давлатӣ ба андозаи 144 млн. 111 ҳазор сомонӣ таъмин гардида, аз нақша 5 мил. 593 ҳазор сомонӣ зиёд ворид гардидааст. Иҷрои нақшаи буҷети маҳаллӣ низ барзиёд иҷро гардида, 95 млн. 235 ҳазор сомонӣ маблағ ворид карда шуд.
Саноатчиёни шаҳр дар соли 2017 иҷрои нақшаро ба маблағи 355 млн. 907 ҳазор сомонӣ таъмин намуданд, ки он 116, 6 %-ро ташкил медиҳад.
Дар ин давра ташкил намудани 9 корхонаҳои нави саноатӣ, истифодаи иқтидорҳои бозистода яке аз самтҳои асосии фаъолияти мақомоти иҷроияи ҳокимияти давлатии шаҳр ба шумор рафта, дар натиҷа зиёда аз 2 000 ҷойҳои нави корӣ таъсис дода шуданд.
Дар ин давра гӯшт – 4 ҳазору 872 тонна, тухм – 16 млн. 592 ҳазор дона истеҳсол гардидааст, ки он мутаносибан нисбат ба ҳамин давраи соли гузашта гӯшт 113 тонна, тухм 2 млн. 508 ҳазор дона зиёд гаштааст.
Дар ин давра сохтмончиён пурсамар меҳнат намуда, иҷрои корҳои сохтмониро дар ҳаҷми 29 млн. 542,7 ҳазор сомонӣ иҷро карданд, ки он нисбат ба ҳамин давраи соли гузашта зиёд мебошад. Ҳоло дар ҳудуди шаҳру деҳоти Истаравшан зиёда аз 30 иншоотҳои гуногун таҳти сохтмон қарор дошта, онҳо тибқи нақша-чорабинӣ мавриди истифода қарор дода хоҳанд шуд. Дар ин давра бо ҷалби соҳибкорони маҳаллӣ ва сармоягузорон дар шаҳр сохтмони иншоотҳои азиму калонҳаҷм оғоз гардида, биноҳои 12 ва 16 ошёнадор ба нақша гирифта шудааст, ки рӯзҳои наздик корҳои сохтмонӣ оғоз мегардад.
СССР
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
