-Аз мардум нагурезед, шумо барои кӣ роҳбар? Барои халқ! Арзи сокинонро гӯш кунед, бо суханони хуб қабул ва гуселашон намоед - гуфт, А.Қодирӣ, раиси вилояти Суғд ба роҳбарони ҷамоти деҳот ва корхонаву ташкилотҳои ш.Панҷакент. Ӯ ин нуктаро дар ҷаласаи фаъолони ш.Панҷакент, дирӯз 4-уми май баён дошт. Бино ба маълумоти раиси вилояти Суғд, аз Панҷакент вақтҳои охир сокинон бештар барои ҳалли мушкилоташон ба маркази вилоят ва пойтахти кишвар мерафтаанд. Ҷаноби Қодирӣ бо хитоб ба роҳбарони ҷамоати деҳот изҳор дошт, ки пас шумо кор намекунед, фаъолиятатон назаррас нест. Аз ин ҷост, ки мардум на ба назди шумо, балки ба Душанбеву Хуҷанд мераванд. Назар ба маълумоти 4 моҳи охир, нисбати соли гузашта теъдоди шикояти сокинони Панҷакент 40 адад афзудааст. 70%-и шикоятҳо вобаста ба замин будааст.

Хуршед Фозилов