Дар шаҳри Бохтар-маркази вилояти Хатлон нишасти матбуотии Раёсати андози вилоят баргузор гардид. Дар нишаст хабарнигорон аз муомилаи бади нозирони андози шаҳру ноҳияҳои вилоят изҳори нагаронӣ карда гуфтанд, ки ҳангоми мусоҳиба бо нозирони андоз онҳо муомилаи дағалона карда, аз иттилоъ додан саркаши мекунанд ва мегӯянд: “Бе супориши Раёсат ба хабарнигорон маълумот дода нашавад”. Дар ин маврид сардори Раёсати андоз Нурзода Ҷумахон асабона бо лаҳҷаи кӯчагӣ посух дод: “Ин супориши худи Раёсат аст, ки бе иҷозат ягон хабару маълумот ба хабарнигорон дода нашавад.”
Нурзода дар охир афзуд, ки “аксарияти нозирони андоз бесаводанд ва бо чунин саволҳо маро асабӣ кардед!” Пас агар сардори Раёсати андози 1 вилояти бузургтарини ҷумҳурӣ асабӣ бошаду нозиронаш бесавод, пас чаро курсиҳоро банд кардаанд?

Баҳодур Уроқов СССР, виляоти Хатлон