Нуриддин Саид, вазири маориф ва илми ҶТ имрӯз зимни нишасти матбуотӣ ба суоли хабарнигорон дар бораи дубора баргардонидашудани “Занги охирин” ба мактабҳои кишвар, афзуд, ки ҳеҷ гоҳ тарафдори дубора баргаштани ин гуна чорабинӣ дар мактабҳои таҳсилоти миёнаи мамлакат нест ва нахоҳад буд.
- Ман ҳамеша зидди чунин чорабиниҳо, амсоли “Иди Алифбо”, “Занги охирин” ва ё “Занги камолот” ва таҷлили соли нави мелодӣ дар мактабҳо ҳастам ва хоҳам монд. Мо таътилҳоро соли ҷорӣ барқарор кардем, вале зидди амалӣ намудани чунин чорабиниҳое, ки дар пайи худ характери коррупсионӣ доранд, ҳастем, таъкид дошт Нуриддин Саид.
СССР
1.02.2019. Соат бо вақти Душанбе 11:35 дақиқа.
Дар Вазорати маориф ва илми ҶТ нишасти матбуотӣ барпо шуд ва дар нишаст Нуриддин Саид-вазири маориф пеш аз журналистон аллакай ҳузур дошту шахсан журналистонро пешвоз гирифт. Ва ҳамроҳ бо мухбирон чой нӯшиду чанд латифае низ қисса кард ва пайваста «муҳтарам рузноманигорон» гуфта муроҷиат мекард.
Ҷамила Ҳусейнова,
СССР
Дар ҷумҳурӣ 3 869 муассисаи таҳсилоти рӯзона, аз ҷумла 332 муассисаи таҳсилоти умумии ибтидоӣ, 467 муассисаи таҳсилоти умумии асосӣ ва 3 070 муассисаи таҳсилоти миёнаи умумӣ фаъолият менамояд. Дар соли 2018 шумораи муассисаҳои таҳсилоти ибтидоӣ 20 адад ва умумии асосӣ 22 адад кам гардида, муассисаҳои таҳсилоти миёнаи умумӣ 41 адад зиёд гардидааст. Теъдоди хонандагон дар муассисаҳои таҳсилоти умумӣ 1 млн. 970 ҳазор нафарро (1млн. 21 ҳазору 280 духтар) ташкил медиҳад, ки нисбат ба соли гузашта 63 698 хонанда, аз ҷумла 34 224 духтар зиёд мебошад. Дар ин бора ба мухбири СССР дар маркази матбуоти Вазорати маориф ва илми ҶТ хабар доданд.
Соли 2018 ба муассисаҳои таҳсилоти умумии ҷумҳурӣ 22 9452 нафар ба синфи 1 фаро гирифта шуд, ки нисбат ба соли таҳсили гузашта 6113 нафар кам аст.
Соли таҳсили 2017-2018 синфи 9-ро 160 ҳазору 369 нафар хатм намуд. Барои идомаи таҳсил ба синфи 10, 140713 нафар (88,9%) фаро гирифта шуд. Нишондиҳандаи мазкур дар ВМКБ ба 93,4%, вилояти Хатлон – 97,5%, вилояти Суғд – 99,9%, шаҳри Душанбе – 69,6% ва дар шаҳру ноҳияҳои тобеи ҷумҳурӣ ба 70% баробар аст. Илова бар ин, 13921 нафар хатмкунандаи синфи 9 дар муассисаҳои таҳсилоти ибтидоӣ, миёнаи касбӣ ва курсҳои кутоҳмуддат барои гирифтани касб таҳсилро идома дода истода, 3597 нафар аз таҳсил берун мондаанд.
Синфи 11-ро 118 282 нафар хатм намуд, ки аз онҳо 3707 нафар ба муассисаҳои таҳсилоти ибтидоӣ, 14100 нафар ба муассисаҳои таҳсилоти миёна ва 46545 нафар ба муассисаҳои таҳсилоти олии касбӣ дохил шуданд.
19.12.2018 дар Қасри фарҳанги Суғдиён мулоқоти Раиси шаҳри Истаравшан Баҳром Иноятзода бо донишҷӯёни истаравшание, ки дар донишгоҳу донишкадаҳои оливу касбии шаҳри Хуҷанд баргузор гардид. Дар мулоқот намояндаи мақомоти иҷроияи ҳокимияти давлатии вилоят, сардорони раёсатҳо, мудирони шуъбаву бахшҳои дастгоҳи раиси шаҳр, роҳбарони сохторҳои воҳидии шаҳр, намояндагони ВАО ва донишҷӯён иштирок намуданд.
Чуноне ки ба мухбири мо котиби матбуотии раиси ш.Истаравшан Шералӣ Азимӣ хабар дод, зимни суханронии хеш раиси ш.Истаравшан Баҳром Иноятзода иброз дошт, ки мулоқоти роҳбарияти МИҲД шаҳр бо донишҷӯён ба ҳукми анъана даромада, ҳамасола чунин мулоқотҳо бо донишҷӯёни истаравшание, ки дар муассисаҳои таҳсилоти оли ва миёнаи касбии шаҳрҳои Душанбеву Хуҷанд таҳсил доранд, баргузор гардида истодааст.
- Мақомоти иҷроияи ҳокимияти давлатии шаҳр баҳри дар амал татбиқ намудани сиёсати давлатии ҷавонон тадбирҳои зарурӣ андешидааст. Дар ин раванд, як зумра корҳо дар самти ҷавонон ва варзиш аз қабили мунтазам дастгириву пуштибонӣ намудан ва шароитҳои мусоид фароҳам овардан барои давом ва сайқал додани донишандӯзии ҷавонони соҳибзавқу болаёқат ва илмдӯст дар Донишгоҳҳои олии кишвар ва берун аз марзи он, сохта ба истифода додани майдонча ва толорҳои варзишӣ баҳри рушди нумӯи самти варзиш, ташкили вохӯриву суҳбатҳо бо мақсади вусъат бахшидан дар самти таълиму тарбияи насли ҷавон дар руҳияи баланди ватандӯстиву ифтихори миллӣ, меҳнатдӯстиву хештаншиносӣ, тарғиби тарзи ҳаёти солими ҷавонон, тарбияи ҷисмонии онҳо, меҳру муҳаббати беандоза доштан нисбат ба халқу ватан, пешгирӣ намудани қонуншиканиву шомил нагардидан ба ҳаргуна ҳизбу ҳаракатҳо ва дигар падидаҳои номатлуб миёни ҷавонон, ташкил ва гузаронидани мусобиқаҳои варзишӣ мисоли гуфтаҳои болоианд, афзуд, Баҳром Иноятзода.
Дар мулоқоти мазкур инчунин Абдуллоев Акамал донишҷӯи Донишгоҳи давлатии ҳуқуқ, бизнес ва сиёсати Тоҷикистон, Ҳакимов Нозимҷон донишҷӯи Донишгоҳи давлатии Хуҷанд ба номи академик Бобоҷон Ғафуров, Сангинова Ҳалима донишҷӯи Донишгоҳи давлатии Хуҷанд ба номи академик Бобоҷон Ғафуров, Усмонов Хушбахт донишҷӯи Донишгоҳи давлатии Хуҷанд ба номи академик Бобоҷон Ғафуров, Исоева Зарнигор донишҷӯи Донишгоҳи давлатии Хуҷанд ба номи академик Бобоҷон Ғафуров, Тоҷибоев Шералӣ донишҷӯи Донишгоҳи давлатии ҳуқуқ, бизнес ва сиёсати Тоҷикистон ва ғайра баромад намуда, доир ба масъалаҳа ва мушкилотҳои ҷойдошта саволу пешниҳодҳои худро иброз намуданд.
Аз ҷониби мақомоти иҷроияи ҳокимияти давлатии шаҳр ба 10 нафар донишҷӯёни фаъол сипоснома ва ба зиёда аз 50 нафар кӯмаки яквақтаи молиявӣ тақдим карда шуд.
Салом, СССР! «Билетфурӯшӣ фронти зарбдор!» ном мақолаи Холмурод Сафарзодаро дар газетаи СССР (№42(527), 18.10.2018) хондам. Муаллиф солҳои 1970-ро ёдрас шудааст, ки донишҷӯёни он давра бо завқи баланд ба театру кино мерафтанд, китобу рӯзнома мехонданд. Бо сабаби ҷанги шаҳрвандӣ то ба имрӯз он шавқу завқи мардум коста гардидааст. Ба гуфти муаллиф, «агар ба ихтиёри мардум монед, касе барои театру кино билет намехарад». Аз ин рӯ пешниҳод кардааст, ки бо зӯрӣ бошад ҳам, ба хонандагону донишҷӯён билети театру кино фурӯхта шавад. Ҳол он ки безӯрӣ ҳам хонандагону донишҷӯён аз пулғундориву пулситониҳо ба дод омаданд. «Аввал иқтисодиёт баъд сиёсат» гуфтаанд. Бигзор барои ғизои маънавӣ гирифтану баланд бардоштани маърифатнокии хонандагону донишҷӯён билет фурӯхта шавад, аммо на ба таври маҷбуриву таҳдиду таҳқир ва зӯриву фишор. Танҳо тариқи фаҳмондадиҳӣ, ташвиқу тарғиб ва ҳавасмандкунӣ завқи мардумро бедор кардан мумкин асту халос!
Обуна…мисли облава шудааст!
Ҳар фарди солими ҷомеаи ҳуқуқбунёд ҳаққу ҳуқуқ дорад, ки дар баробари ғизои моддӣ барои ғизои маънавӣ бардоштан мувофиқи хоҳиш ва имконият ба ин ё он рӯзнома обуна шавад. Аммо имрӯз обуна низ барои пурра намудани «план» иҷборӣ шудааст. Шахси обунакунонидашуда сари вақт рӯзнома мегирад, ё не, мехонад ё не, касеро парво нест. Чаро дар хариди рӯзномаву маҷаллаҳои хусусӣ «озод» касеро маҷбур намекунанд, ҳол он ки ҳар шумораи онҳоро муштариён бесаброна интизоранд?
Ҳамин тариқ, дар боби китоб низ ҳамин мушкилӣ ба назар мерасад, яъне «иҷборӣ». Китобҳои навқаламони худрӯйро иҷборан ба мардум бо нархи гарон фурӯхтем, вале дар ҷумҳурӣ садҳо китобхонаҳои хурду бузурги боҳашамат мавҷуд буда, дар онҳо шумораи беадади китобу китобчаҳои хонданибоб маҳфузанду касе ҳатто варақ ҳам намезанад. Ҷавононро иҷборан ба хизмати ҳарбӣ бурдем, вале калимаи «облава» омада вирди забонҳо шуд. Мардумро иҷборан ба рӯзномаву маҷаллаҳо обуна кардем, ба истиснои рӯзномаву маҷаллаҳои «озод», зеро онҳо иҷборӣ нестанд. Ба хотири иҷборан тарғиб кардани манъи тамошои филмҳои туркӣ, мардум туркгаро шуда истодаанд.
Меҳру муҳаббат, ватандӯстию ҳисси баланди миллӣ доштан на дар забон, балки дар қалб бошад. Он вақт ба ҳар муваффақият ноил хоҳем гашт. Аз ин рӯ, мақомотҳои иҷроияи ҳокимияти давлатии шаҳру ноҳияҳоро зарур аст, ки барои баланд бардоштани сатҳи маърифату саводнокӣ ва беҳтар гардонидани вазъи иттилоотӣ ҳама тадбирҳои муҳимро чораандешӣ намоянд.
Табаралӣ Авсақолов,
узви Ихвон-ал-СССР, н.Фархор
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
