ХАБАРИ ДОҒ
Чоршанбе, Июн 30 2021

16.06.2021. Соат ба вақти Женева 22:57 дақиқа. Агар гӯем, ки тамоми ҷаҳон дидор ва ҷанги лафзонии рӯбарӯи Путину Байденро интизор буд, чизе гӯиё нагуфта бошем. Воқеан ҳам, Вохӯрии «7-гона», ки ҳамасола политикаи рушду тараққиёти минбаъдаи ҷаҳонро муайян мекунад, ин бор нақши 2-дараҷа гирифт. Зеро ҳама мунтазир буд, ки президентҳои 2 абарқудрат, пас аз чақ-чақ ҳатман занозанӣ ҳам мекунанд.

Вале тӯли 2 соат онҳо чӣ гуфтанду чӣ карданд, аз назари оламиён пӯшида монд. ВВП ва Ҷо Байден ҳатто пресс-конфронси муштарак, ки интизор мерафт, надоданд.

Баъди дидор ВВП тани танҳо пеши журналистон ҳозир шуд ва ба фарқ аз ҳамтои амрикоияш бо онҳо гуфтугӯ кард. Путин дар Брифинг чанд нуктаи муҳими чақ-чақро зоҳир кард:

-Дидор душманона набуд!

-Сафирони 2 давлат ба кори худ бармегарданд (Антонов моҳи март ба Маскав ва Салливан апрел ба Вашингтон бозхонда шуданд);

-Тарафҳо ҳалли мушкилро меҷӯянд;

-Амрикоиву русҳо аз зиндонҳо мутаносибан озод мешаванд;

-Тасдиқи суоли «ВВП одамкуш ҳаст!», ки воқеан ҳам муносиботи 2 кишварро ба ҳадди пасттарин (ниже плинтуса-ВВП) оварда буд, матраҳ нашуд дар ин чақ-чақ, зеро «Ҷо қаблан бо телефон ба ман ин нуктаро шарҳ дода буд»-гуфт ВВП.

-Байден хеле дипломат ва сиёсатмаоб аст;

-Навалний худаш худашро ҳадафмандона суд кард, на мо;

-Мо ба таҳдидҳо бо таҳдид ҷавоб мегӯем!!!

Байден, ки ин брифингро пурра тамошо кард, баъдан гуфт:

-Фазои сӯҳбат бо Путин хуб ва позитив буд;

-Путин «ҷанги сард»-ро намехоҳад;

-Мантиқи чақ-чақи мо ним сол пас равшан мегардад;

-Путин бояд бизнесмени амрикоӣ Майкл Клавипро озод кунад (ин нафар бо иттиҳоми авомфиребӣ-мошенничество боздошт шуда буд);

-Ба кибератакаҳои хакерӣ Россия хотима бахшад!!!

 Дар асл паси ин изҳороти кӯчак, албатта, амалҳои бузурге меистанд. Хотиррас мешавем, қабл аз ин дидор, дар таърихи 14.06.2021, Путин бо хабарнигори NBC Кир Симмонс,  беш аз 1,5 соат чақ-чақ ва ба суолоти моҷароҷӯёнаи ӯ посух дода, ҳатто бо лабханд таъкид ҳам кард, ки журналист этика надорад ва сухани ӯро мебуррад.

Дар ҷамъ, ВВП бори дигар исбот намуд, ки ҳарифи сар-сарӣ нест ва барои хойдан ва фурӯ бурдани ӯ на дандони Байден мерасаду на аз НАТО ва тем более на аз Аврупо, ки вассал ё худ лаббайкагӯи Вашингтон шудааст.

 

Чоршанбе, Июн 23 2021

Дар форуми иқтисодии Санкт-Петербург, ки аввали моҳи июн баргузор ва қариб фаромӯш шуд, баромади 2 бону ҳавои сиёсиро дигарбора тафсонид. Ба вежа, вақте овозаҳо паҳну пареш шуданд, ки Катерина Тихонова-роҳбари маркази захираҳои зеҳнии Донишгоҳи Маскав ва Мария Воронтсоваи генетики машҳур на кам на зиёд-гулдухтарони Владимир Владимирович Путин будаанд!!!

Таври маълум ВВП, ки 1 давлатро дар ҳолати сиррӣ нигаҳ медорад, гулдухтарони худро сахт пинҳон медошт ва ками андар кам номи онҳо дар расонаҳо пайдо мешуданд. Шӯхист магар, ки ҳатто СРУ ва МАССАД намедонистанд, ин духтарон дар куҷоянд! Ва имрӯз яку якбора пайдо шудан ва маъруза кардани Мария Владимировна ва Катерина Владимировна (баранда ногаҳон номи падарашонро ба забон оварду корро расво намуд!) олами хабариро тарконд.

Воқеан ҳам то ин замон маълум нест, ки чаро ВВП кӯдакони худро дар пардаи сирру асрор дастнорас кардааст. Шояд аз касеву чизе метарсад? Охир зану фарзандони президентон имунитет доранд ва бояд то охири умр ҳифз шаванд?!

Дар бораи зани ВВП низ дигар хатту хабаре нест. Таври маълум ӯ бо Людмила Александровна Шкребнева-Путина, ки ҳоло издивоҷ кардаву фамилияи Очеретная гирифтааст (насаби шавҳари наваш), соли 2013, интервю додаву расман ҷудо шуданд. Расонаҳо ҳадс мезаданд, ки Ледии №1 дар Россия Алина Кабаеваи тотортабори зодаи Тошканд мешавад. Вале бо гузашти 8 сол Алина расман хотуни Кремл нагардид, ҳарчанд овозаҳост, ки ҳатто аз ВВП фарзанддор ҳам шудааст. 

Кабаева (с.т. 12 майи 1983) чемпионкаи чандкаратаи ҷаҳон оид ба гимнастика ва хеле ҷавон аст. Ва аммо расонаҳо ҳадс мезананд, ки ҳамсари Людмила-Артур Очеретной низ хеле ҷавон аст (с.т.29 марти 1978).

Дар ин додуситад 1 чиз ҷолиби таваҷҷӯҳ аст: Ҷавонмардии Путин, ки чу дид дар оилааш муҳаббат коҳиш меёбад, мардаквор аз Ледии №1 ҷудо шуд ва ҳаргиз ба кору бори оилавии зани собиқаш дахл накард. Офарин бар чунин ҷавонмардӣ! Мо Метавонем!!!

 

Чоршанбе, Июн 16 2021

 

«Россия вазифадор нест, ки ҳамаро хӯронад!»-ин изҳороти Путин В.В.-президенти Россия дар Форуми байналхалқии иқтисодии Санкт-Петербург Аврупоро ларзонда, Киевро сард кард! Дар Германия оҷилан ин миннати ВВП-ро чунин маънидод карданд:

-Россия дигар бо Украина мушогурба намекунад! Ҳарчанд ВВП қабл аз ин гуфт, «мо зидди интиқоли газ ба Европа тавассути қаламрави Украина нестем», вале айёрона афзуд, аммо хохолҳо «худашон ҳамаро ҷазир карданд».

Украиниҳо чиро ҷазир карданд?

    Ишораи ВВП сари пешниҳоди ахиримоҳимайии Зеленскийи масхарабоз ба Радаи Киев аст. Зеленский, ки ҳамчун кандидати 2-забона сари қудрат омада буд, тамоми муносиботро бо Маскав фалаҷ сохт. Хохолҳо хафа нашаванд, вале рафтори сарвари давлаташон амалкарди президенту раиси Кумитаи амнияти миллии Қирғизро ба хотир меорад. Ҳарчанд, Зеленский мисли Жапарову Ташиев аз олами криминал нест, вале «замашкаҳои хулиганӣ-авбошӣ» дорад.

Таври маълум Бишкеки расмӣ 2 даҳсолаи ахир сиёсати фашистӣ мебараду дигар ақаллиятҳои миллиро на танҳо намеписандад, ки одам низ ҳисоб намекунад. Генотсиди ӯзбектаборони муқими Қирғизистон дар соли 2010 ва ҳуҷуму қатлу куштори Тоҷикони Исфараи ҳамсоякишвар намунаи беҳтарини ин иддаост.

Шояд ин фашизми қирғизӣ асар кард ё «ҳе баракалло тентак»-и аврупоӣ, ки Зеленский низ ба Рада пешниҳод кард, русҳоро «миллати бумӣ» дар Украина нахонанд. Ин дар ҳолест, ки тибқи омори соли 2001 (Украина дар нуфусшумории баъди соли 2013 усулан русҳои ҷудоихоҳро ба ҳисоб намегирад!) русҳо 17,2% аҳолии Украинаро таъсис дода, бештар дар Севастопол (71,7%), Қрим (58%) Донетск (48,2 %), Макеевка (50,8 %), Енакиево (51,44 %), Терновка (52,9 %), Краснодон (63,3 %), Стаханов (50,1 %), Свердловск (58,7 %), Краснодонск (51,7 %)  Станично-Луганск (61,1 %), Измаил (43,7 %,), Вилково (70,54 %) , Путилвск (51,6 %) ба сар мебаранд. Бори аввал, ки кӯшиши парлумон-Рада, ки мехост русҳоро ғайрибумӣ хонад, бо он анҷом ёфт, ки кишвар Қрим, Донбасс, Донетск-3 вилояти бузургро аз даст дод. Ин бор Зеленскийи масхарабоз барои чӣ чунин иқдомро пешбарӣ кард, нофаҳмост.

ВВП дар навбати худ ба ҳамтои хохолаш бо фишори иқтисодӣ посух дод. Ҳамакнун нархи газ барои Украина 6 баробар аз Россия ва 3 маротиба гаронтар  аз Белорусия фурӯхта мешавад. Барои интиқоли газ Москва танҳо дар сурате пул мепардозад, ки агар «Киев он маблағро барои харидории силоҳ корбаст накунад». Бо забони дигар зинда бод «Северный поток-2». Дур нест, ки ВВП танҳо тавассути ин роҳи газӣ маводи ҳаётан муҳимро ба Аврупо интиқол додаву Киевро назди косаи шикаста шинонад.

Ҳама роҳҳо сӯи «Северный поток-2» мебаранд. 

Урраа рафиқон, хохолҳо, 2-бор ураааа!!!

 

Чоршанбе, Июн 09 2021

БА  ПЕШВОЗИ  20 - СОЛАГИИ   СҲШ


Хитой    фақири ва камбизоатиро  тавассути рушди иқтисод  аз байн бурд

Роҳбарияти  Хитоӣ дар маҷлиси махсуси тантанавӣ дар ш.Пекин,ки ба муносибати ҷамбасти натиҷаҳои чорабиниҳо оид ба  мубориза бо фақирӣ ва сарфарозгардонии шахсони масъул баргузор гардида  буд, изҳор намуданд, ки Хитой фақириро на ба воситаи кумакҳо, балки тавассути рушди иқтисод аз байн бурд.  «Ба шарофати Ҳизби Коммунисти Хитоӣ ва халқи Хитой, кишвари мо бар фақирии мутлақ комилан пируз шуд», изҳор намуд Раиси Ҷумҳурии Халқии Хитой Си Тзинпин.     Раис  ҳамчунин таъкид кард, ки дар 8 соли охир  Чин  барои мубориза бо фақирӣ ва камбизоатӣ ҳудуди 1,6 трлн. юан (тақрибан $ 246 млрд) масраф намуд. Дар натиҷа 832 ноҳия ва 128 ҳазор деҳа аз рӯйхати ноҳияҳои фақир ва камбизоат хориҷ шуданд. Ба тарзи хитойи ин чунин маъни дорад, ки дар ин ноҳияҳо беморхонаҳо, мактабҳо, роҳҳои мунфарш, сохта шуда, барқ  ва интернети босуръат пайваст гардидааст. Ҳамаи ин фаъолиятҳо қисме аз нақшаи бузурги мукаммали мубориза  бо фақирӣ ва камбизоатӣ мебошад, ки иҷрои он ҳамчун кори виҷдонӣ ва  номуси шахсию ғамхории хоси  Раиси Ҷумҳурии Халқии Хитой  Си Тзинпин шуда буд,  ки дар соли 2012  ҳамчун роҳбари Хитой ба сари қудрат омад.  Набояд гуфт, ки то омадани ӯ ҳеҷ коре иҷро нашуда буд.  Халосии босуръат  аз фақру нодории оммаи бузурги мардум аз шурӯи ислоҳоти роҳбари пешини Хитой  Дэн Сяопин, аз соли 1978  сар шуда буд. Дар Хитой ҳамасола рушди Маҷмуи маҳсулоти дохила 10 фоиз зиёд мешуд ва кишвар ин даромадҳоро ба тамоми табақаҳои ҷомеъа тақсим мекард. Дар натиҷа  700 млн. нафар соҳиби маълумоту ҷойи кор  шуда аз ҳолати камбизоатӣ  берун шуданд. 

Ба души Раиси Ҷумҳурии Халқии Хитой  Си Тзинпин мушкилтарин масъала вогузор гардид, ки он иборат аз халос кардани фақиртарин деҳаҳо ва ноҳияҳо аз нодорӣ ва камбизоатӣ буд. Додани маъоши хуб  ба нафароне, ки даҳҳо ва ҳатто садҳо сол  аз ҳисоби хоҷагии наздиҳавлигӣ зиндагӣ карда буданд ва аз марказҳои истеҳсолотӣ ва тамаддунӣ дур буданд, кори осон набуд.  Теъдоди чунин ашхос беш аз 100 миллион нафар буд. Бештари онҳо соҳиби ҷойи кор шуда, имконияти фурӯши  маҳсулоти хешро аз тариқи интернет ба даст оварданд. Дар чаҳорчуби ин Барнома  10 миллион нафар аз ноҳияҳои қафомонда  ва дурафтода, аз ҳисоби давлат, ба маҳалҳои дорои манбаҳои даромад  нақли макон карданд. Барои чунин афрод шаҳракҳои зебо бо тамоми инфрасохтор сохта шуданд. Аммо пешбарандаи асосии беҳбудии зиндагии мардум ин албатта рушди боварнокардании Маҷмуи маҳсулоти дохилии  кишвар буд, ки ба шарофати он, Хитойи аграрӣ ҳамасола 10% рушд намуда, ба яке аз кишварҳои бузурги саноатӣ, ки ними  маҳсулоти саноатии ҷаҳонро истеҳсол мекунад, табдил гашт.     

Имрӯзҳо маъоши миёна  дар Хитой аз маъоши Русия бештар буда, маъоши бештари кормандони хитойи  дар  ҳудуди 8800 юан (100 ҳазор рубли руси) аст.  Нафақа дар Хитой аз 2200 то 2700 юан баробари  25−30 ҳазор рубли  руси аст. Маълум аст, ки ҳануз на ҳама  дар Хитой чунин  даромад доранд,  аммо урфу одатҳои хуб фарқиятҳоро байни одамони доро ва камдаромад, камтар мекунанд. Фарзандоне, ки дар шаҳрҳо кор мекунанд, ҳатман ба волидонашон, ки дар деҳот зиндагӣ  мекунанд, кумак мерасонанд. Ба шахсони бефарзанд  бошад, давлат кумак мекунад. Бояд гуфт, ки нафақахӯрон дар Хитой аз имтиёзҳои гуногун бархурдор ҳастанд, ки яке аз онҳо табобати ройгон аст.  Ҳамин тавр, вазифа иҷро шуд. Мутобиқи меъёрҳои Созмони Милали Муттаҳид  дар Хитой дигар камбизоат нест, ва аз гуфтаи Котиби генералии Созмони Милали Муттаҳид  саҳми Хитой дар муборизаи ҷаҳонӣ  бо камбизоатӣ  70  фоиз аст. 

 Соли гузашта дар моҳи май  дар маросими кушодашавии Сессияи сеюми Иҷлосияи умумихитойии вакилони мардумӣ ( Органи олии қонунбарорӣ) даъвати сенздаҳум роҳбарони Хитой пешбини намуданд, ки  то охири соли 2020  Хитой азми қавӣ дорад, ки «дар муборизаи шадид бо камбизоатӣ  қатъиян пируз шавад ва нақшаи сохтмони ҷамъияти миёнаҳолро  ҳамаҷониба иҷро хоҳад кард».  Он замон  Раиси Ҷумҳурии Халқии Хитой Си Тзинпин таъкид карда буд, ки: "Ҳануз барои ҳаллу фасли мушкилиҳои рушди номуназзам, кам кардани фарқияти тараққиёт байни шаҳру деҳот, пешрафти ҳамаҷонибаи одамон  ва шукуфоии сартосарӣ, роҳи дурудароз дар пеш аст.     Мо набояд  мағрур  ва ҳавобаланд шавем, набояд ором бошем, мо бояд аз мавқеъ хуб истифода кунем, қотеъона амал намоем ва ба мубориза идома диҳем». 

 Баъди  азбайн бурдани  камбизоатӣ, мутобиқи меъёрҳои ҷаҳонӣ, Хитой ният дорад, ки ба ҳадафҳои волотар, яъне сохтани ҷамъияти миёнаҳол дастраси кунад. Ва  ин ҳадафҳо натанҳо иборат аз ташаккули синфи миёнаи бузургтарин дар ҷаҳон бо даромади бештар аз 18000 юан (206260 рубли  русӣ) мебошад, ки бештар аз ними аҳолии Хитой ба он дохил мешаванд.   Балки маънои дастрасии комили одамон ба тибби муосир, маълумоти миёна барои ҳама ва  ҳамаи афзалиятҳои  дигаре  дорад, ки ба мафҳуми «сотсиализм бо хусусияти хитойи» дохил мешаванд. 

Замонатдиҳандаи   иҷроиши ин ҳадафҳо роҳбарияти дурандеши Хитой мебошад, ки дар марҳилаи кунуни тавонист бар  эпидемияи короновирус пируз шавад ва рушди иқтисодии Хитойро дар шароити коҳиши бесобиқаи иқтисодӣ дар кишварҳои дигари ҷаҳон,  таъмин намояд.   Ҳамчунин  зомини дар амал татбиқ намудани ин мақсадҳо ин аст, ки беҳбудии сатҳи зиндагии мардум  натанҳо талаботи муҳими  Конститутсияи Ҷумҳурии Халқии Хитой мебошад, балки сиёсати асосии Ҳизби коммунистии Хитой аст. 

Ин  комёбии   Хитойро ҳатто кишварҳои Ғарб низ эътироф мекунанд. Ташкилотҳои байналмилалӣ рушди Маҷмуи маҳсулоти дохилии Хитойро дар соли оянда дар сатҳи 7-10 фоиз пешбини менамоянд, ки мо танҳо метавонем онро орзу кунем. Пешбини мешавад, ки Хитой дар соли 2028 метавонад аз Америка дар пешрафти рушди Маҷмуи маҳсулоти дохилии пеш гузарад. Ҳар як фоизи рушди Маҷмуи маҳсулоти дохилӣ- ин саҳми бузург дар баланд бурдани сатҳи зиндагии мардумон мебошад,  чунки дар онҷо пешрафти кишвар мафҳуми бойшавии халқро дорад.   

 Таҳияи Наҷмиддин Шоҳинбодов

 

 

 

Чоршанбе, Июн 09 2021

Беҳуда Збигнев Бжезинский водии Фарғонаро Балкани Осиёи Марказӣ  намехонд. Воқеан ҳам касе фаромӯш кардааст, устод Збигнев яҳудии полшагиест, ки дар тӯли 50 соли ахир абарқудрат СССР-ро шикаст дод.

...Таври маълум, қирғизҳо ҳанӯз 4-5 сол пеш иддао доштанд, ки Россия базаи худро ба марзи миёни Қирғизу Тоҷик наздик орад ва сарҳадбониро бар дӯш бигирад. Соли 2019 бошад, сокинони Бодканд бо марши бузурге то Бишкек рафтанд ва ин талабро пеш гузоштанд. Ин дар ҳолест, ки геополитикҳои рус мегӯянд, агар Маскав ба ин марзҳо наздик шавад, катастрофа рух доданаш мумкин. Зеро маҳз Амрико ва НАТО инро мехоҳанд. Россия вориди конфликт, ки шуд, ҳатман 1 иттифоқчии бузургашро дар симои ё Душанбе ё Бишкек аз даст хоҳад дод-ин иддаои Андрей Казантсев, коршиноси рус аст, ки мавзуъро дақиқан меомӯзад.

Воқеан ҳам барои лже-оптимистон, ки аз Сулҳҷӯии қирғиз дар аввали моҳи май табли шодӣ мезаданду тавассути чанд шоираки Тоҷик шиорҳои а ля Турсунзодавӣ месароиданд, мерасонем, ки Турсунзода “Дӯстиро ҷустуҷӯ дорем мо!” гуфта қавму қабоилеро дар назар надошт, ки ба мо таҳдид мекарданд! Ба ҳушдорҳои мо, ки қирғиз умре ба ваъда вафо накардааст ва “оҳанро дар гармӣ куфтан лозим!”, низ таваҷҷӯҳ нашуд. Ва бинед, ки вазъ дар марзи Воруху Бодканд боз чигилтар мешавад. Ин бор Армияи қирғиз омодагии ҷиддӣ дорад ва ин дигар ҳушдор нест, инро чун далел қабул кунед!

...Тавлиди Қирғизистон барои болшевикон худ хатое буд. Зеро ин қавм 1 умр ватан, давлат, миллат надошт. Ине, ки тӯли 30 соли пасошӯравӣ аллакай 10 инқилобу 6 президентро иваз кардаанд, исботи ин гуфтаҳост. Қирғизҳо аслан чун миллат дар тӯли таърих вуҷуд надоштанд. Далел мехоҳед? Миллату давлати бе хатту бе адабиётро дидаед? То-та!

 Инҳо дар асл қаро-қирғиз буданд, ки гавҳари фарҳанги табордорияшон ба қазоқ мерасид. Вале дар аввали асри ХХ бо қазоқҳо хархашаву хунрезӣ карда, ҷудо шуданд ва РСС Қирғизистон тавлид ёфт. Дар тӯли 70 соли шӯравӣ борҳо бо ӯзбекҳо, уйғурҳо, қазоқҳо, туркманҳо хунрезӣ кардаанд. 30 соли истиқлолият онҳоро қабилае муаррифӣ намуд, ки бо касе, бидуни қирғизи асил (ақоиди фашистӣ) забон намеёбанд. Ин аст, ки бо шиори “Қирғизистон танҳо барои қирғизҳо!!!” дар соли 2010 110 ҳазор ӯзбектабори шаҳрванди Қирғизистонро пеш, хонаҳояшонро валангор ва зану кӯдакони дармондаро гардан заданд. Ва танҳо ин иддао, ки Аврупо ва Амрико проекти “Ҷазираи Озодӣ” дар Осиёи Марказиро маблағгузор буд, Бишкеки расмиро аз ҷавобгарӣ дар суди байнулмилалӣ раҳонид.

Ҳамзамон проекти “Ҷазираи Озодӣ” ба нисбат ҳамон лоиҳаи “Насими Озодӣ” дар Сурияву Ироқу Лубнон аст, ки қораи Арабро таҳти бомбаҳои натоӣ ва “шамшери қутайбаи давлати исломӣ” қарор дод. Воқеан ҳам дар Қирғизистони “озод” беш аз 12 ҳизбу ҳаракатҳои экстремистии происломӣ озодона фаолият доранд ва кабирӣ ва наҳзати ӯ 1 шохаи дигари проекти исломии Ғарб мебошанд. Маҳз ҳамин аст, ки еврокашар дар ин гирудор пушти Қирғизро гирифт. Спонсор ҳаминро тақозо мекард. 

Ба забони фаҳмотар, конфликти қирғизо-фарғона-балканӣ, чун дар Югославия, бояд сари ОМ-ро бо ҷамиъи кишварҳои пасошӯравӣ хӯрад. Хуб, пас Россия бояд чӣ кор кунад дар ин маврид? Ба пиндори мо, ба шариконаш кӯмаки иқтисодӣ расонад, инвеститсия гузорад, дипломатия пеша кунад ва ё ҳадди ақал ба ин оташ ҳезумкаш нашавад, ки:

Миёни 2 кас ҷанг чун оташ аст,

Суханчини бадбахт ҳезумкаш аст.

Вале ин аллакай Саъдист. Классика!!!

 

Чоршанбе, Июн 02 2021

Батко Лукашенко ё худ «Лукаи Муқаддас»-президенти Беларус оламро ҷумбонид! Ин бор ӯ бо усули Сталинӣ яке аз оппозитсионерҳои сарсахту пургӯяшро дар осмон қаппид! Чигуна? Оддиякак.

Самолёти ширкати ирландии Ryanair, ки дар баробари 171 мусофир, Роман Протасевич ва арӯсдухтараш София Сапегоро низ бояд аз Афини Юнон то Вилнюси Литва мебурд, рӯи ҳарими ҳавоии Беларус ҳушдор гирифт, ки дар таркибаш бомба дораду оҷилан бояд дар Минск нишинад. Баъди 5 соати «ҷустуҷӯ» маълум шуд, ки бомбае дар ҳавопаймо нест.169 пассажир ба курсиҳои худ нишастанд ва танҳо баъди парвоз диданд, ки 2 курсие, ки каме пештар дар он ҷо 2 навҷавон бӯсу канор доштанд, холист!

Террористи президентӣ

Роман Дмитриевич Протасевич ва Степан Путило-асосгузорони Телеграмм-канали  NEXTA чанде қабл, бар асари ҷангҳои итиллоотӣ ва даъвати мардум ба тазоҳуроту низоъ бар зидди режими Батко Лука, аз рӯи 3 банди ҷиноии Беларус, террорист эълон шудаву ғоибона ҳукми қатл гирифтанд. Романи ҷавони 26 сола аз куҷо медонист, ки бо Рӯбоҳи Пир-Лукашенко бозӣ кардан бо думи шер бозидан аст. Зимнан соли 2019, баъди кор дар Радиои амрикоии «Свобода» ба Полша рафтаву он ҷо гурезаи сиёсӣ шуд. Таври маълум, ҳоло Полша давлатест, ки тавассути он НАТО нақшаҳои табаддулоти давлатии хешро дар кишварҳои пасошӯравии худкома пиёда менамояд. 

Соли 2020, баъди интихоботи президентӣ Роман Протасевич ва Степан Путило тавассути Телеграмм-канали  NEXTA мардумро ба майдон кашиданд ва маркази итилоотии оппозитсияи Лукашенко маҳсуб мерафтанд. 

 Светлана Тихановская, проекти нави Ғарб, ки дар рақобат бо Лукашенко варшикаста шуда буд, дар ин сенарияи антибеларусӣ нақши 3 дараҷа низ надошт. Нақши калидӣ ва асосиро маҳз Протасевич мебозид. Зимнан Александр Лукашенко Светкаро ба Литва ҷавоб додаву мунтазири боздошти Ромка-«муши калонӣ» шуд.

Пирати ҳавоӣ

Фурудсозии ҳавопаймои Иттиҳоди Аврупо ва боздошти ҳавоии «Душмани №1» оҷилан дар кулуарҳои давлатҳои калон фурор ба амал овард. Аксарияти кишварҳои Аврупоӣ ҳарими ҳавоияшонро ба рӯи Минск баста, зумрае аслан парвоз аз болои Беларусро қатъ карданд. Амрико, Полша, Литва, Юнон, Англия Лукашенкоро пират-ғоратгари ҳавоӣ хонданд. Маскав кори Баткоро истиқбол намуд. Вале бо ин ҳама пашори Батко намебараду хобаш шояд баъди 12 моҳи ахир, ин шабу рӯз бароҳаттар шуд. Зеро ӯ кори намешуданӣ кард:

-Душманашро аз осмон қаппид!

Баъди ин инсидент кӣ гуфта метавонад, ки Лукашенко наметавонад?

PS: Ҳоло хабарҳо мерасанд, ки Рома Протасевич дар шаби аввали боздошташ тамоми нақшаву ният ва спонсорҳои инқилоби беларусиро фош кардаву ҷон ба саломат бурданист.

 

саҳ 2 аз 88

Китобҳо

Flag Counter