4 нафар дар сӯхтори 1 НФС (нуқтаи фурӯши сӯзишворӣ)-и н.Лайлаки Қирғизистон ва дар наздикии марзи Тоҷикистон ҷароҳат бардошт. МЧСи Қирғизистон эълон кард, ки яке аз онҳо шаҳрванди Қирғизистон ва 3 тани дигар шаҳрвандони Тоҷикистон ҳастанд. Сӯхтор соати 20:30-и 4.07.2018 сар зад. Холо маҷруҳони сухтор дар бемористон бистариянд. Дар натиҷаи сӯхтор 9 мошини боркашу сабукрав низ оташ гирифтааст…

Дар ҳудуди ш.Бохтар 5 идораи букмекерӣ фаъолият мекунад ва имрӯз бо идомаи Ҷоми ҷаҳонии футбол бозори онҳо хеле гарм шудааст. 3.07.2018 аз назди яке аз идораҳои букмекерӣ гузашта, шоҳиди ҷанҷоли 1 гурӯҳ ҷавонон шудам. Сабаби ҷанҷол бошад фиреби фолбин будааст, ки барояшон рафти бозӣ ва анҷоми ниҳонии онро нодуруст пешгӯӣ намудааст.
Аз сӯҳбати онҳо пай бурдам, ки фолбине ба онҳо гуфтааст, ки дар бозии Ҷоми ҷаҳонии футбол тими Колубия дастаи Англияро мағлуб хоҳад кард ва ҷавонон дастаҷамона барои ғолибияти тими Колубия беш аз 3000 сомонӣ маблағ гузоштаанд. Дар натиҷа дастаи Англия Колумбияро ба ҳисоби 2-1 мағлуб кардааст. Ҷоми ҷаҳонӣ футбол 1 гурӯҳ ҷавонони ш.Бохтарро ба хонаи фолбин бурда, онҳоро «банкрот» кард, тақдири фолбини фиребгар чӣ мешуда бошад?

Баҳодур Уроқов, СССР, вилояти Хатлон
 

 Шаби гузашта ҳавопаймои ширкати «Тоҷик эйр», ки дар самти Маскав-Хуҷанд аз фурудгоҳи «Домодедово» парвоз анҷом мекард, бо сабаби коҳиши фишор дар дохили салони ҳавопаймо дубора ба фурудгоҳи «Домодедово» баргашт.
Бино ба итиллои Азиз Хайруллоев, котиби матбуотии ширкати номбурда, сарнишинони ҳавопаймои Боинг 737-300 пас аз чанд дақиқаи парвоз бо сабаби  пеш омадани мушкилоти техникӣ дар дохили тайёра азм менамоянд, дубора ба фурудгоҳи парвоз баргарданд.
- Ҳавопаймо бо 141 мусофир бидуни ҳеҷ осеб дар фурудгоҳи «Домодедово» фуруд омад, вале пеш аз фурудоӣ ба он лозим шуд чанд маротиба болои фурудгоҳ давр зада маводи сӯхти худро ба итмом расонад. Айни замон тамоми мусофирон бо ҷойи хоб ва хӯроки гарм таъмин буда, барои таъмири ҳавопаймо ширкати мазкур аз Душанбе ба Маскав мутахассисони хешро фиристодааст,- афзуд Азиз Хайруллоев.
 Пас аз муоинаи коршиносон ба ҳавопаймо иҷозат дода мешавад, ки парвози худро дар хатсайри Маскав-Хуҷанд амалӣ намояд.