Вазорати корҳои дохилии кишвар сабаби сӯхтор дар бозори «Корвон»-ро, ки 14.07.2018 соати 13:30 дар нуқтаи фурӯши пахта ба вуқӯъ пайваст, дар сигоркашӣ ва беэҳтиётӣ арзёбӣ намуд.
Бино ба итиллои маркази матбуоти Раёсати сӯхторхомӯшкунии ВКД ҶТ, гунаҳкори сар задани сӯхтор аниқ гардида, он сокини 29-солаи н.Рӯдакӣ Ширин Гадоев мебошад. Дар натиҷаи сӯхтор 135 кило пахта талаф ёфтааст.

 Ба ШВКД дар ш.Хуҷанд 1 марди 39-солаи сокини н. Ашт муроҷиат намуда, аз он шикоят кардааст, ки санаи 16.04. 2018, тахминан соати 15:18-дақиқа, аз таҳоратхонаи масҷиди “Шайх Муслиҳиддин”-и шаҳри мазкур, шахсони номаълум бо тариқи пинҳонӣ аз ҷайбаш 7775-сомонӣ, 63000-рубли русӣ ва 50-доллари амрикоиро дуздида, аз ҷойи ҳодиса ғайб задаанд.
 Чуноне ки маркази матбуоти ВКД ҶТ итиллоъ медиҳад, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 37-солаи сокини н.Мастчоҳ, ки пеш бо моддаи 244 қисми 2 Кодекси ҷиноятии Ҷумҳурии Тоҷикистон суд шудааст, бо ҷурми дуздӣ дастгир карда шуд. Оид ба ин ҳодиса парвандаи ҷиноятӣ оғоз гардида, тафтишот идома дорад.

Алӣ Рифъат Кёксал, сафири Фавқуллода ва Ваколатдори Ҷумҳурии Туркия дар Ҷумҳурии Тоҷикистон имрӯз дар Душанбе зимни баргузории 1 нишасти вежа бо намояндагони воситаҳои ахбори оммаи кишвар таъкид дошт, ки нафаре аз душманони Тоҷикистон, хосса он ҷинояткороне, ки дар ҷустуҷӯи мақомоти қудратӣ ҳастанд, ҳеҷ гоҳ дар ҳудуди Туркия паноҳ нахоҳанд ёфт.
Дар нишасти матбуотӣ, ки ба 2 солгарди табадуллоти давлатӣ дар Туркия бахшида шуда буд, Алӣ Рифаът Кёксал иброз намуд, ки бо гузашти 2 сол давлат ва мардуми Туркия ҳанӯз ҳам аз пайомадҳои ин табадуллот ба худ наомадаанд.
-Дар ин радиф Тоҷикистон барои мо беҳтарин намуна аст, зеро дар кишвари шумо низ чанд сол пеш ҷанги шаҳрвандӣ ва сипас табадуллот ба вуқӯъ пайваст, аммо назар ба мардуми мо шумо тавонистед онро ба зудӣ паси сар намоед, -афзуд сафир.
Бояд қайд намуд, ки 15.07.2016 дар Туркия аз тарафи пайравони созмони ФЕТО табадуллоти давлатӣ сурат гирифта, тавре ки баъдан маълум шуд, дар паси он Фатҳуллоҳ Гюлен, сиёсатмадори мухолиф ва ходими шинохтаи динии ин кишвар меистод.
  

СССР

 Дар 6 моҳи аввали соли 2018 дар фурудгоҳи байналмилалии Душанбе  495 ҳодисаи ба таъхир гузошташавии парвозҳо ба қайд гирифта шуд, ки нисбат ба ҳамин давраи соли 2017 – 220 ҳодиса ё 30,7% камтар аст. Сабабҳои асосии ба таъхир гузошта шудани парвози ҳавопаймоҳо дар фурудгоҳи Душанбе чунинанд: дер омадани ҳавопаймо аз фурудгоҳи макони парвоз – 403 ҳодиса, дахолати ширкатҳои ҳавопаймоӣ (иваз кардани ҳавопаймо ва экипаж, бақайдгирии иловагӣ ва супориши намояндаи ширкат, тағйирёбии вақти парвозҳо ва ғайра) – 35 ҳодиса, номусоидии обу ҳаво – 20 ҳодиса ва ғайра. 
 Чуноне ки ба мухбири СССР дар маркази матбуоти ҶСК “Фурудгоҳи байналмилалии Душанбе” дар нимсолаи аввали соли 2018 ба 611,5 ҳазор нафар мусофир хизмат расонид, ки нисбат ба ҳамин давраи соли 2017 – 0,6 % зиёдтар мебошад. Миқдори умумии бор ва почтаи аз ҷониби анбори тиҷоратии фурудгоҳи Душанбе қабулгардида ва интиқолдодашуда1677,0 тн.-ро ташкил дод, ки нисбат ба ҳамин давраи соли гузашта 360,0 тн. ё 27,3 % зиёдтар мебошад. Аз миқдори умумии борҳои содиршуда 192,6 тоннаро маҳсулоти кишоварзӣ ташкил медиҳанд.
Парвозҳо дар Фурудгоҳи байналмилалии Душанбе аз ҷониби 13 ширкати ҳавопаймоӣ, аз ҷумла: - 5 ширкати ҳавопаймоии мамлакатҳои хориҷии дур (“Туркиш Эйрлайнс”, “ Кам Эйр”, Хитой, “Флай Дубай”, “Осмон Эйр”), 6 ширкати ҳавопаймоии мамлакатҳои Иттиҳоди Давлатҳои Мустақил (Сибир, Ют Эйр, Урал - Россия, Авиатрафик - Қирғизистон, Эйр Астана – Қазоқистон, Узбекистон ҳаво Йуллари) ва 2 ширкати миллии ҳавопаймоии Тоҷикистон- «Тоҷик Эйр» ва «Сомон Эйр» ба амал оварда мешаванд. Миқдори умумии рейсҳои доимии ширкатҳои ҳавопаймоии мазкур дар як рӯз 14 ададро ташкил медиҳад. Аз фурудгоҳи байналмилалии Душанбе ҳавопаймоҳо ба 12 шаҳрҳои Федератсияи Россия, инчунин ба Ҷумҳурҳои Қирғизистон, Қазоқистон, Узбекистон, Олмон, Хитой, Ҷумҳурии Исломии Афғонистон, Ҷумҳурии Туркия, Ҳиндустон, Аморати Муттаҳидаи Араб ва Ҷумҳурии Исломии Эрон парвоз мекунанд.

Дар ш.Бохтар гази моеъ 5 сомонӣ шуд. Роҳкирое, ки 2 сомонӣ буд 3 сомонӣ шуд. Сокинон ва донишҷуёни шаҳр аз баланд шудани роҳкиро нигаронанд. Таксиҳое, ки дар ҳудуди шаҳр то 2 сомонӣ мебурданд, якбора имрӯз 3 сомонӣ шуд. Суҳроб Юсупов-донишҷӯи ДДҚ-и ш.Бохтар дар меҳмонии СССР гуфт, ки мо донишҷӯён аз баланд шудани роҳкиро азият мекашем. Агар мунтазири маршруткаҳои дохилии шаҳр шавем, дер мемонем. Маҷбурем, ки 10 дақиқа пои пиёда қадам занем, азбаски ҳамаи донишҷӯён бойбача нестанд, ки бо таксӣ раванд. Агар бо вақти муайян дар дарс ҳозир нашавем муаллимро пайдо намекунем. Аз мақомоти дахлдор хоҳиш мекунем, ки таксиҳои дохилиро ба танзим дароранд ё маршруткаҳои шаҳр дар вақти муайян ба ҷои лозимӣ ҳозир шаванд.

 Баҳодур Уроқов СССР вилояти Хатлон

Аҳмадҷон Расулов, 1 шаҳрванди Тоҷикистон, ки дар ш.Якутски Русия кору зиндагӣ мекунад, бо 1 амали худ соҳибкори шинохтаи ин кишвар Вячеслав Владимировро ба ҳайрат овард. Ӯ рӯзи 11.07.2018 дар назди шаҳрдории Якутск 1 ҳамёни калонеро пайдо карда, сипас дар муддати 2 соат соҳиби онро меҷӯяд. Ҷавони Тоҷик ҳамёнро ёфта, ба соҳибаш месупорад. Вячеслав аз хурсандӣ муҳоҷири Тоҷикро ба навор гирифта, аз ӯ барои некиаш изҳори ташаккур карда, гуфтааст, ки дар дохили ҳамён чанд корти бонкӣ ва 100.000 рубли русӣ доштааст. Владимиров-раиси ширкати «Профотсенка» дар Якутск ба хабарнигори Радиои «Озодӣ» гуфтааст, ҳеҷ тасаввур намекард, ки ҳамён ва чунин маблағи бузургро баргардонанд. «Ман дар воқеъ такон хӯрдам, чун агар ҳар каси дигар мебуд, 100 ҳазор рублро мегирифт ва ҳамёнро ба партовгоҳ меандохт. Барои ҳамин ин шахс инсони бовиҷдон ва хуб аст», – гуфтааст соҳибкори рус.

Рӯзи 10.07.2018, тахминан соати 20:00-дақиқа, марди 86-солаи сокини ш. Конибодом дар ҳавлии истиқоматиаш аз сабаби муноқишаи ба миён омада, бо ҳамсараш, зани 79-сола, ҷангу ҷанҷол намуда, бо корди хоҷагӣ 2-маротиба ба шикамаш задааст.
Чуноне ки аз маркази матбуоти ВКД ҶТ ба мухбири СССР хабар доданд, дар натиҷа, пиразан ҷароҳати ҷисмонӣ бардошта, дар беморхона бистарӣ гаштааст.

Бино ба итиллои аз маркази матбуоти Раёсати ВКД дар ш.Душанбе расида, ҳафтаи сипаришуда низ аз ҷониби нозирони роҳ дар ҳудуди роҳҳои нақлиётгарди пойтахт 6 ҳолати идора намудани воситаи нақлиёт дар ҳолати мастӣ ошкору муайян карда шуда, нисбати ронандагон парвандаҳои маъмурӣ тартиб дода шудааст. Инҳо: Саидов Беҳрӯз Абдусатторович – ронандаи автомашинаи тамғаи Мерседес –Бенс , рақами қайди давлатиаш 7025СР01, Раҳимов Аъзам Салимович - ронандаи автомашинаи тамғаи Ваз-21015, рақами қайди давлатиаш 4510СТ01,  Раҳимова Ситора Холалиевна - ронандаи автомашинаи тамғаи Ласети , рақами қайди давлатиаш 4729ТТ01, Ахмедов Сафараҳмад Тоҳирович - ронандаи автомашинаи тамғаи Мерседес –Бенс , рақами қайди давлатиаш 3893DO01, Шарипов Сиёвуш Акрамович - ронандаи автомашинаи тамғаи Ренҷ-Ровер , рақами қайди давлатиаш 5300СТ01, Наимов Фатҳулло Хуршедович - ронандаи автомашинаи тамғаи Опел-Астра, рақами қайди давлатиаш 3330ЕВ01 мебошанд.
   Дар натиҷаи гузаронидани чорабиниҳои мақсаднок ҳафтаи сипаришуда, яъне аз санаи 1-ум то 8-уми июли соли ҷорӣ, дар ҳудуди ш.Душанбе 3301 адад қоидавайронкуниҳои ҳаракат дар роҳ ошкор ва нисбати ронандагону дигар иштирокчиёни ҳаракат дар роҳ маводҳои маъмурӣ тартиб дода шуд.
   Аз ҷумла:идора намудани воситаи нақлиёт дар ҳолати мастӣ – 6 адад, бе рақами қайди давлатӣ – 21 адад, идора намудани воситаи нақлиёт беҳуҷҷати ронандагӣ – 1 адад, баланд намудани суръати ҳаракати воситаи нақлиёт аз меъёри муқаррашуда – 152 адад, истифода бурдани телефонии мобилӣ ҳангоми идора намудани воситаи нақлиёт – 133 адад. Инчунин, итоат накардан ба талаботи чароғаки роҳнамо – 34 адад, итоат накардан ба талаботи қонунии корманди милитсия оиди манъ кардани воситаи нақлиёт – 10 адад, вайрон намудани қоидаҳои сабқат, манёвркунӣ – 95 адад, худсарона баромадан аз хати сайр – 72 адад, нагузаронидани воситаи нақлиёт аз муоинаи техникӣ – 84 адад;
Вазъияти хавфнок – 3 адад, аз меъёри муқаррарӣ зиёд савор намудани мусофирон – 304 адад, ҳаракати гурӯҳӣ – 8 адад, риоя накардани Қоидаҳои ҳаракат дар роҳ аз ҷониби пиёдагардон – 423 адад, ба ҷаримагоҳ дастрас карда шуд – 35 адад, ва дигар намуди ҳуқуқвайронкуниҳо – 1928 адад.